+++Aldrei að hafa gaman af lífinu+++

2012-02-08T22:23:00.006Z

Mín bók er dásamleg

Þá kom loksins að því eftir hverja yfirferðina á fætur annari að eitthvert bókaforlagið sæi sér fært um að gefa út glæpasöguna sem ég skrifaði. Vissi svosem að það kæmi að því einn daginn að einhver segði já. En það var þá líka fyrirhöfnin að nota megnið af frívöktunum útá sjó við að skrifa. Held að ég hefði orðið vitlaus af eirðarleysi ef ég hefði ekki verið að skrifa eitthvað eða bara almennt ekki verið að neitt skapandi. En allavega þá ætti komandi skrudda frá mér að gleðja unnendur glæpasgana, plús það að þeir fá inn nýjan höfund í alla flóruna.
Talandi um að vera skapandi þá höfum við tveir æskufélagar verið að tjasla saman demólögum og koma á einhverjum grunni fyrir pönkplötu. Sjáum hvernig það allt fer. Allt sem ég geri og stefni að er án yfirlýsinga. Það er best þannig. Þá þarf maður ekki að éta neitt oní sig ef allt fer svo óvart til helvítis. Þetta verður allavega eitthvað bras þar sem við erum á sitthvoru landshorninu en væntanlega hefst þetta nú. Það borgar sig bara að vera ekkert að flýta sér neitt. Þá fer maður ekki framúr sjálfum sér, það er það versta sem gerst getur.
Og núna ætla ég út að labba með hundinn.

2012-02-02T22:22:00.005Z

Drekkutímar

Það voru helgistundir og heimsóknir til vina oft stílaðar inná það hvort eitthvað vit væri í venjum á drekkutímum á hverjum bæ fyrir sig. Við vorum einmitt að ræða þetta nokkrir æskufélagarnir hjá hvaða vinum og leikfélögum hefði verið best og verst að sitja í drekkutímum. Fólk sem þekkir mig veit að ég er mikið fyrir að éta og átti það sérstaklega við um það þegar ég var krakki. Enda síétandi og alltaf hugsandi um eitthvað sem gott væri í gogginn. Á flestum stöðum var þetta nú ágætt og svosem yfir ekki neinu að kvarta. Sumstaðar eins og heima hjá mér átti alltaf að byrja á brauðinu. Ég fílaði þetta brauðdrasl yfirleitt heldur illa og á einu heimilunu var nú oft bara brauð og þá varð maður nú helvíti skúffaður yfir því. Yfirleitt var nú í boði að fá sér neskakó sem manni féll nú vel í geð og þá var nú húsmóður á viðkomandi stað fyrirgefið bara ef það var gott álegg með. Svo voru það tveir staðir þar sem ég var sjaldan í drekkutíma en þó voru nú kökur og kex á boðstólnum og neskakó líka en vandinn var bara sá að feðgarnir í öðru húsinu voru alltaf öskrandi á hvern annan við matarborðið og á hinum bænum var leikfélaginn ekkert nema fjandans tussutalið og svívirðingarnar við hana móður sína þarna í eldhúsinu. Ekki gaman að sitja undir slíku ástandi og erfitt að njóta kaffibrauðsins á meðan háværar skoðanir fólks um hvert annað fuku þeirra á milli, jafnvel þó að maður hafi fengið köku. Svo var það nú bara á einum staðnum að maður fékk nú bara aldrei neitt. Maður búinn í skólanum, jafnvel búinn að vera í sundi eða íþróttum og kominn sársvangur í heimsókn og ætlaðist til að fá eitthvað að éta. Nei nei og maður fór bara miklu svangari heim. "Maður fer þá með nesti hingað næst," hugsaði ég eitt sinn þegar ég var að labba heim frá vininum. Svo var það helvítis brauðið. Einu sinni var ég að leika við einn krakka þarna og það var kallað í drekkutímann og ég hafði nú aldrei mína hunds og kattartíð vitað annað eins rugl. Brauðbollur, smjör og sæmundur og svo bara vatn. Já já, nesti þegar ég kem hingað eða bara koma aldrei aftur. Djöfull varð ég fúll. Einu sinni fór ég mér svo óðslega í einum drekkutímanum að ég stóð upp, labbaði út í garð og ældi. Síðan labbaði ég aftur inn eins og ekkert hefði í skorist og hélt áfram að éta. Ég var nú reyndar undir rest þessa kaffitíma spurður að því hvort ég fengi ekkert að éta heima hjá mér. En það vissi náttúrulega enginn um æluna og ég gætti mín alltaf framvegins.
Jæja ég ætla að horfa á Breaking Bad núna.

2012-01-30T00:40:00.003Z

Þarminn

Þorrinn er byrjaður fyrir einhverju síðan og ég ekki farinn á þorrablót ennþá, ekki frekar en þorra síðustu ára. En auðvitað treð ég í mig þorramatnum, kæstum og súrsuðum eins og enginn sé morgundagurinn og uppsker öskrandi brjóstsviða fyrir vikið. Einhvern veginn finnst mér vanta kæsta skötu í þetta allt saman og finnst það leiðinda dilla að þetta skuli eingöngu tengjast þorláksmessu. Ég gerði það að vísu þegar ég var til sjós að kæsa mér tindabikkju nokkur skipti. Ágætt að fá sér þetta tvisvar til þrisvar á ári eða svona eftir því sem maður nennir að kæsa. Nú hef ég auðvitað engan aðgang að skötu eða tindabikkju þannig að ég læt mig hafa það að éta kæstan fisk einu sinni á ári. Helvítis.
---------------------------------

2012-01-29T00:41:00.001Z

Við þjóðveginn

Konan og ég þurftum að gera okkur ferð norðrí Skagafjörð í dag og rétt búinn að keyra um Vatnsskarð þegar ekið er fram á mann standa með tösku útvið einn bæjarafleggjarann. Sáum að þetta var sjálfur Jón Guðmundur Hvammdal Guðlaugsson eða Jón hlaupari eins og menn kalla hann oft. Við stoppuðuðum til að bjóða honum að sitja í að Varmahlíð svo að hann gæti yljað sér þar. En hann var nú bara að bíða eftir rútunni til Akureyrar og spurði okkur hvort að við hefðum orðið hennar vör. Ég mundi nú svosem ekki eftir neinni rútu svona lauslega að gáð í athyglisbrestaskjalaskáp heilans en við kjöftuðum samt svolitla stund um daginn og veginn þar til förinni var haldið áfram akandi og Jón hélt áfram að bíða eftir Akureyrarrútunni. Gaman að rekast á hann þarna við þjóðveginn. Nokkuð gott. Ég er líka alltaf jafn hrifinn af hárgreiðslunni hans. Ég er að spá í að hætta að vera greiddur eins og Kormákur Geirharðsson og Jón Gnarr og greiða mér eins og Jón hlaupari.
----------------------------------------
Og svo er það sketsamynd.

2012-01-23T01:09:00.008Z

Veiðihjól

Keypti mér þetta veiðihjól, Abu Garcia 6600 BCX, í USA síðasta haust. Átti annað fyrir, nákvæmlega eins veiðihjól sem pabbi keypti hand mér þegar ég var 13ára. Þá hafði hann fundið það á sölu hjá viðgerðarmanni sem var búinn að vera með það í hillu hjá sér lengi lengi en alveg ný uppgert. Það hjól nota ég enn þann daginn í dag, en ákvað að skipta og fá mér nýtt þar sem gamla hjólið frá babba mínum fer að verða komið til ára sinna. Svo átti ég fáein 5000 króna gjafabréf sem mér höfðu verið gefin í jólagjöf í hitteðfyrra. Fór og keypti mér ágæta veiðistöng fyrir þann pening. Þá er bara að bíða til sumars og nota græjurnar samhliða flugu græjunum. Maður þarf svo að læra betur inná þessar flugur líka þær geta verið svo mismunandi. Ein flugan getur verið tekin alveg af milljón fiskum einn daginn en daginn eftir virkar sama fluga ekki rassgat.
Reykjadalsáin. Hér er ég oft í draumi. Reyndar líka víðar um ánna og oftar en ekki er ég búinn að setja í lax eða silung. Þarf svo að koma mér í veiði þarna heima í raunveruleikanum. Orðið langt síðan síðast, allt of langt. Ég djöflaðist þarna mikið með bæði spón og maðk þegar ég var strákur og kom ævinlega með titt eða tvo heim í soðið og allir urðu ánægðir með að það væri þá eitthvað gagn af manni með þessa veiðidellu.

2012-01-22T18:17:00.010Z

Já já það held ég bara

Assgoti góðir dagar að undanförnu. Fór í Kolaportið og verslaði mér hákarl og niðursoðna þorskalifur sem er voðalega gott að setja oná rúgbrauð. Fékk að vísu hvínandi brjóstsviða af þessu en því var reddað með Samaríni. Kaffi með því er svo til að bæta það. Kaffi hressir bætir og kætir finnst mér. Annars gerir maður lítið annað en að liggja í neftóbaki og skrifum þessa dagana. Það hefur loksins borið til tíðinda með handritið mitt en frá því verður greint betur síðar. Annars er ég hálf vængbrotinn með þessa síðu þar sem ég get ekki póstað hér inn mp3 en lagfæringar á því eru væntanlegar innan skamms. Núna þarf ég að fara í búðina og kaupa eitthvað í matinn.

2012-01-19T17:39:00.007Z

Draugar og Nick Cave

Draumaforritið í hausnum á mér er vel virkt nú um mundir. Í nótt dreymdi mig að ég væri að keyra vörubíl um einhvern afskekktan þjóðveg, ómalbikaðan. Farmurinn var sement sem átti að fara frá Rvk til Vopnafjarðar. Svo kom upp sú staða að vegurinn endaði allt í einu og ég þurfti að snúa við til að finna vegamót svo að ég kæmist leiðar minnar. Ég kom að krossgötum þar sem ég taldi mig giska á rétta leið og skömmu eftir að ég hafði tekið beygjuna tók ég uppí bílinn puttaferðalanga sem voru þrír í hóp, róni, vændiskona og melludólgur. Melludólgurinn og mellan settust á bekkinn aftan við bílsætin en rónin í farþegasætið við hliðina á mér. Eftir dálítinn akstur tók ég eftir því að farþegarnir voru ekki af okkar heimi og virtist fjölga og fækka í hópnum á víxl. Tveir menn í jakkafötum voru komnir á bekkinn og svo hurfu þeir en í staðinn var kominn bóndi í fjósagalla og fór að reyna að hugga melluna sem var eitthvað grenjandi. Róninn sagðist svo að þau ætluðu út við næstu bensínstöð og ég tók bara vel í það. Ég fór sérstaklega að reyna að drífa mig með þau þegar hausin á rónanaum fór að breytast á víxl í hauskúpu og hans eigin haus. Svo komum við að bensínstöðinni sem samanstóð af einum skúr og tveim bensíndælum. Ein dælan var fyrir bensín og hin fyrir dísel. Ég stoppaði bílinn, steig út og gekk inn í skúrinn og gaf mig á til við luralegan bensínafgreiðslumanninn. "Það eru hérna draugar sem fengu far með mér og ég þarf að láta þá út hérna". Afgreiðslumaðurinn virtist ekkert yfir sig hrifinn en og sagðist alls ekki vilja þessa drauga við bensínstöðina. Ég sagði honum að það væri þá bara hans vandamál og steig uppí vörubílunn. Draugarnir voru á bak og burt og ég setti í gang og keyrði af stað en ég hafði nú rétt ekið af bíla planinu þegar maður kom klaupandi í kantinum á móti bílnum. Hann var með dökkt hár í svörtum frakka og með gítartösku í hönd og gaf til kyna að hann vildi far. Ég auðvitað stoppaði og bauð honum að sitja í og þegar hann var sestur uppí bílinn, sá ég það að þarna var enginn annar en Nick Cave á ferðinni. Hann tók upp gítarinn og spilaði og söng, a whiter pale of shade af mikili næmni. Svo þegar við nálguðumst Vopnafjörð leystist draumurinn í eitthvað óljóst bull og þar með vaknaði ég.
-----------------------------------------
Þið verðið að smella á myndina til að sjá hana almennilega.

2012-01-15T12:10:00.005Z

Dularfulli maðurinn

Kannast einhver við þennan kallfugl. Hann mætti í brúðkaup okkar hjóna en ég hélt alltaf að þetta væri einhver úr ætt konunnar og konan hélt það svo öfugt en við erum víst ekkert tengd þessum manni og vitum ekkert hver þetta er. Mér leikur forvitni á að vita hver þetta er og hvað hann var að gera þarna til þess að taka myndir af okkur, honum ókunnugu fólkinu. Ég myndi gjarnan vilja spyrja hann. Þú mátt lesandi góður ef þú veist hver þetta er, láta mig vita á meilið mitt.(mannandskoti@hotmail.com)
-------------------------------
Og svo er það sketsamynd.

Þú verður að smella á myndina til að sjá hana betur.

2012-01-13T18:18:00.005Z

Eirðarlaus

Mér hefði þótt gott að hafa svona með mér í skólann í denn. Hefði hentað vel þegar maður var kannski eins og ósofinn apaköttur í tímum og nennti ekki að fylgjast með. En þá varð maður auðvitað bara að fylgjast með eða teikna einhverja vitleysu. Jafnvel að fá að skreppa á klósettið til að stelast í snuffdósina sína eða jafnvel að setjast á klósettið og fá að dotta þar í friði í óáreittur fram að frímínútum. Jú,jú, það gat nú verið ágætt í sumum tímum. Enska. Lagði soldið kapp á hana. Íslenska, já fannst áhugavert og mikilvægt að fylgjast með þar. Dönsku þoldi ég ekki. Reyndi við stærðfræði en skildi ekki. Enganvegin. Held bara að skólakerfið hafi ekki kunnað að meðhöndla AD/HD á þessum tíma eins og í dag. Mannkynssaga, landafræði og þannig var mér hugleikið en auðvitað var maður bara of eirðarlaus til að læra eitthvað heima. Annars fílaði ég mig vel í smíðum og matreiðslu, já og myndlist og allri svona verklegri kennslu. Nóg um þetta hér er svo ein teikningin úr einhverjum eirðarleysistímanum.

2012-01-09T00:25:00.003Z

Jólalok

Nú eru jólin liðin undir lok og ég á ennþá eftir að klára að skjóta upp restinni af flugeldunum sem ég keypti nú fyrir áramótin. Það er merkilegt hvað maður verður stjórnlaus þegar komið er inn í flugeldamarkaðina. Það er eitthvað sem grípur um sig, einhver óskilgreind geðveila. Ætlunin kannski að kaupa nú bara smotterí fyrir þessi áramótin en endar allt með risaflugeldum og heví skotkökum. Þetta er náttúrulega veiki. En ekki reyki ég sígaretturnar né heldur svolgra í mig brennivíni svo að það má þá alveg fara á flugeldafyllirí einu sinni á ári. Ég hlakka yfirhöfuð jafn mikið til áramótanna eins og ég hlakka til jólanna. Það er eitthvað. Einu sinni þegar ég var patti þá kveikti ég lítið bál utan í húsinu heima í sveit á sjálfan gamlársdag. Munaði þá litlu að sjálft húsið yrði að gamlársbrennu ef ekki hefði verið góður frændi minn sem hjálpaði mér að slökkva bálið og í logandi sinuni sem var utan í húsveggnum. Svona var maður gaga krakki.

2012-01-08T00:27:00.001Z

Búmmbarabei

Þegar maður nennir ekki að velta sér uppúr hinni stjórnlausu strengjabrúðupólitík landsins eða öðrum þjóðfélagslegum hörmungum sem koma manni bara í vont skap þá er þrengra úrvalið til að finna eitthvað til að blogga um. En það er alltaf eitthvað hægt að finna til að blogga um. Já, í staðinn reyni ég að segja eitthvað draugalegt eða koma með einhverjar klámvísur eða einhvern fjandann. Ég nenni ekki að hafa þessa síðu sem eitthvað eyjubloggaraviðrinispólitíkusardrulluhakk. Hver á að verða næsti forseti? Helvítis skattaálögurnar hans Steingríms. Gagnleysið í henni Jóhönnu. Og aumingjaskapurinn hjá pakkinu í ASÍ.
Hver segir svo að blogg sé ekki málefnalegt nema að talað sé um málefni. Hvað er ég að gera núna?
------------------------------------
Datt niður á möppu frá barnaskólaárunum með slatta af einhverjum svona skotteikningum. Eitthvað sem ég hef dundað við þegar ég nennti ekki að fylgjast með í tímum sem var nú reyndar nokkuð oft og því mikið til af teikningum hjá mér. Oftast er þetta einn rammi og stundum tveir eða þrír. Bara svona eftir því hvað mikið er að gerast í hverju andartaki fyrir sig. Ég hugsa að ég sletti þessu hér inn með reglulegu millibili. Hér er þá það fyrsta.

2012-01-03T22:48:00.006Z

Undir sængina

Þarf að koma mér í bælið. Svefninn hefur ekki verið að stríða mér síðustu sólarhringana. Allt í lagi með mig þannig. 'Eg er búinn að lesa Feigð eftir Stefán Mána, hún var ókei góð og Eingvígið var æihhhh....(dæs). Jæja skiftir ekki máli. Ég vona að ég verið ekki fyrir vonbrigðum með Yrsu Sigurðar. Fer sennilega í að lesa Brakið á næstu dögum ef mamma er búin að lesa bókina. Og þá fær hún Arnaldinn til baka sem hún gaf mér og ég Yrsuna til baka sem ég gaf henni. Well well well... Mér fannst alltaf notalegt að sofna við unplugged diskin með Nirvana. Er að spá í að setja hann í til að sofna nú vel.

2012-01-03T03:21:00.003Z

Andvökublogg

Hálf súrt að liggja andvaka um nætur. Þá reynir maður að lesa eitthvað eða jafnvel að kíkja á feisið eða bara einhvern fjandann til að þreyta sjálfan sig. Verst hvað maður verður pirraður af því að vera andvaka. Svefnlyf tek ég helst ekki nema þegar ég var út á sjó. Þá var óhikað skellt í sig einni Zopiclone Imovane ef erfitt var að sofna á frívaktinni. Reyndar þar sem ég svaf voru alltaf djöfuls læti, skipsskrúfan var sirka hálfan metra frá höfðagaflinum og plús veltingur og læti. En þetta er allt spurning um að venja sig við aðstæður. Ég var orðið hættur að geta sofið nema við helvítis lætin í skrúfunni og því oft svefnpillufrívaktir ef maður lenti í því að sofa í klefa fram á stefni þar sem lætin voru engin og veltingurinn var jafnan meiri heldur en fram aftur á rassgati. Í haugabrælum er bara ekki verandi framá stefni og maður hoppandi og skoppandi í kojunni. Lang þægilegast að vera afturá, þá kemur kokkurinn og ræsir mann á vaktina með því að kveikja ljós og kalla "RÆS". Ég þoldi aldrei að vakna við helvítis kallkerfið úr skipsbrúnni þar sem skipstjórinn eða stýrimaðurinn byrja á að setja af stað hávaða sem maður vaknar við með andfælum og orga svo "RÆS" í kerfið. Maður var stundum kominn á fremsta hlunn með að rífa helvítis kerfið af veggnum og grýta því út í sjó. Það er alltaf vont að vakna illa.
Jæja ég ætla að fara og athuga hvort ég geti ekki sofið eitthvað, þar sem klukkan er að rétt að verða fjögur.

2012-01-01T13:57:00.007Z

Hinar hárugu krumlur

Ég las eitt sinn draugasögu frá Dartmoor í Devon sem er um hinar hárugu krumlur. Ferðamenn koma mikið á þessar slóðir því að þarna þykir mikil náttúrufegurð. Fyrir aldartugum og árþúsundum síðan var þarna bronsaldarþorp og tengja menn jafnan þessar hárugu krumlur eitthvað við þá gömlu byggð. Nokkrir ferðamenn og heimafólk hefur því orðið á vegi þessara handa.
Þessir reimleikar hófust á þriðja áratug tuttugustualdar þar sem léttvögnum var velt um koll, stýri svipt úr höndum reiðhjólamanns svo að hann datt og slasaði sig. Kona nokkur sem átti leið þarna um þurfti að renna bílnum bílnum út í kant þar sem hann hafði drepið á sér og fór að skoða handbókina. Finnur hún brátt mikil ónot og finnst eins og horft sé á sig. Henni verður næst litið út um framrúðuna en sér hún sér til skelfingar svær stórar loðnar hendur mjakast eftir framrúðunni. Skelfing hennar var svo mikil að hún gleymdi því að bíllinn hefði verið bilaður en hrökk hann þó í gang í fyrstu atrennu. Maður nokkur sem keirt hafði útaf veginum á þessum slóðum sagði að fjárans hendurnar hefðu birst sér í skyndingu og rifið í stýrið. Eins var það þegar hjón sem sváfu í húsbíl sínum, vöknuðu eftir stuttan svefn og sáu hvar hendurnar voru að krafsa og skriðu svo um rúðuna ofan við svefnholur þeirra.
Spúkí staður og hinar hárugu krumlur gera þarna vart við sig af og til með banki og krafsi og mig langar að kíkja þangað einhvern tímann.

2011-12-31T04:50:00.016Z

Áramóta-anall og fleira

Eitthvað þarf maður jú að skila af sér hérna þar sem árið er að verða búið. Þetta var nú að mestu tíðindalaust hjá mér framanaf enda ný orðinn atvinnulaus og þunglyndur en vorið kom og ég sá mér leik á borði og fór til USA í fáeina daga. Sumarið var algjört bla ég fór ekkert að veiða og ekkert norður eða ferðaðist almennt ekkert. Það var reyndar tekin sumarbústaðavika austrí Grímsnesi í ágúst. Svo kom september og við hjónin letum gefa okkur saman með pompi og prakt og stukkum síðan í brúðkaupsferð norður í Reykjadal það sem við endurtókum hjúskaparheitin í Einarstaðakirkju og áttum svo gott gistirí á Hótel Akureyri.
Jább þetta ár fyrir mig persónulega fær þrjár og hálfa stjörnu en bara þessar þrjár og hálfa koma fyrir gott brúðkaup og aðra góða hluti sem áttu sér stað með lækkandi sól. Lækkandi sól hefur líka almennt góð áhrif á mig. Jól og áramót eru líka skemmtilegustu tímarnir, segi ég fyrir mitt leiti. Þó vildi ég helst vera norður í landi á þessum tíma en það er víst ekki í boði. Ekki í bili.
Akureyri er góður staður líka. Á unglingsárum átti ég þar ágætis tímabil, þó svo að ég hafi verið atvinnulaus og hálf eirðarlaus eitthvað. Hægt að fara á fillirí þegar manni sýndist. Oft vaknaður klukkan tvö eða þrjú á daginn og þá skoppað á billann sem þá var í gilinu eða þá niður á göngugötu og fengið sér pylsu kók í Borgarsöluni. Svo gat maður alltaf séð og hitt á ýmislegt fólk. Möri kannski að týna dósir og þá var rölt að honum og spjallað og fengið að heyra hjá honum klámvísur. Einnig gamla kallin með skúffukjaftinn. Spjallaði alloft við hann. Jón hlaupari hafði nú margoft eitthvað að segja. Það var nú hægt að brydda uppá ýmsu til að rabba við hann um. Já, já. Allt milli himins og jarðar.
Nú og svo var það Kalli Prentari. Það gat verið ágætt að rekast á hann stundum, þ.e.a.s. ef hann var ekki búinn að fá sér neðan í því. Það var nú ekkert fjör að hitta hann þannig. Kalli var að mörguleiti ef ekki öllu leiti hinn besti maður. Ég þekkti hann nú ekkert voðalega mikið en nóg til þess að þarna vissi ég að væri gæðasál á ferðinni. Hann sagði mér eitt sinn að hann hefði verið sem barn, í sveit í Máskoti í Reykjadal nokkur sumur og lét vel af. Hann var fróður um mjög marga hluti og vel inní sögu Akureyrar. Gaman að heyra um það hjá honum. Prentari og setjari ég veit svei mér ekki um starf setjara, heyrði einhvern tímann að það hefði t.d. falist í því að setja upp síður í kannski blöð, raða saman hvar letrið á að koma og hvar myndin á að vera og hvar auglýsingin kemur. Eitthvað þannig. Já, já ég held að þeim gamla hafi líka þótt skemmtilegt að rabba við mig, þetta unglingstötur svona á förnum vegi. Eins og ég segi þetta var ágætis maður. En það fór ekkert sérlega vel í hann að drekka vín. Einu sinni fór ég í ölæði heimtil hans á Brekkugötuna þar sem hann var búinn að hella uppá sig líka og röfluðum við dágóða stund sínahvora samhengisleysuna oní hvern annan. En hann tók mér fagnandi og ég mátti meira að segja reykja inni hjá honum. Ég held síðan að þeir sem fífluðust í honum og voru að gera grín að honum hafi nú alveg mátt líta í eigin barm.
Jæja nóg af þessu ég er nú ekki vanur að strengja einhver vitleysis áramótaheit en segi það hér og nú að ég ætla að vera duglagur að blogga árið 2012. Gleðilegt ár.

2011-12-17T13:13:00.003Z

Eitthvað út í snjóinn

Er alveg að fíla skammdegið, því að myrkrið er alltaf gott. Nóg um það. Það er búið að skipta um alla glugga í húsinu og setja upp nýja eldhúsinnréttingu. Garðrólan er komin á sinn stað og úti-arninum hef ég plantað niður fyrir framan hana. Þá er hægt að setjast niður og hlýja sér í öllu froztinu með kakó við heitan eldinn.
Jæja nú ætla ég að setjast uppí jeppann minn og keyra út í snjóin.

2011-11-01T19:52:00.005Z

Látum okkur þá sjá...

Síðastliðið sumar var feitt depressing en skánaði þó allt margfalt hjá mér þegar líða fór á haustið. Framundir septerbyrjun var ég ekki í skapi fyrir að blogga, ég fór ekkert að veiða í sumar og ferðaðist ekki neitt sem hægt er að tala um að hafi verið vit í. Viss efnisleg barátta spilaði þar stórt hlutverk en það var stríð sem vannst nú fyrir skömmu síðan. Margskonar andleg læti og tilvistarkreppustríð háði ég og er á góðri leið með sigur með því að taka markvist skref í einu.
-----------------

Með innkomu haustsins og lækkandi sól fóru hlutirnir að glæðast. Ég komst þá loksins í fullorðinna manna tölu þegar ég giftist elskunni minni sem ég hef verið með frá tuttugasta áldursári og erum við hjónin nú að standa í því að verzla okkur endaraðhús fyrir okkur tvö, börnin og hundinn.
---------------
Ég held svo áfram að blogga hérna og vera með mp3 drasl og ræða um músík. En núna ætla ég að fara og lemja svolítið á bassann minn.

2011-05-27T09:50:00.021Z

Trixtrixtrix

Heppinn ég og allt það og rúmlega það, ég á núna tvo pakka af hinu gómsæta og mínu uppáhalds morgunkorni sem hefur verið harð bannað til innflutnings síðan áttatíu og eitthvað. Synd og skömm og leiðindi í heilbrigðiseftirlitinu. En það þýðir ekkert að jagast, lög eru lög og stjórnvöld auðvitað annt um okkur og vitanlega þurfa þeir að vera með puttana í þeim málum ef kúkurinn úr okkur verður grænn vegna litarefna. Ég ekki að það eigi að skipta nokkru andskotans máli þó að þetta verði leyft þrátt fyrir eitthvað vitleysis litarefni. Ég hef stundum dottið niður á Trix hjá Jóni gerald í Kosti. Þá hefur það verið Trix í Great Value umbúðum sem er svipað batterí og Euroshopper. En það á að leyfa Trix. Sígarettur eru óhollari en Trix, andskotakornið. Þetta er náttúrulega bilun. Jæja en ég ergi mig ekki á því núna ég á þetta til hérna og ætla að njóta vel. Svo ætla ég að ganga glaður út í daginn vitandi það að senn verði hægðirnar mínar grænar vegna litarefnanna. Það er bara skemtileg tilbreyting í litleysi og gráma lífs míns. En jæja, nú er best að fletta blöðunum og fá sér svolítinn kaffisopa í leiðinni.

2011-05-25T15:00:00.008Z

Honduperri

Honda Crx eru miklar snilldar kerrur. Þetta eru bílar sem ég átti einu sini. Sá hvíti var drullu sprækur alveg þangað til að vélin drullaði upp á bak sé alltaf eftir því að hafa ekki sett aðra vél í þetta boddí sem var nokkuð heillegt en það er auðvitað aldrei hugsað. Svo í fíflahætti seldi ég boddíið í strákbjána sem ætlaði sko aldeilis að gera bílinn upp, hann hélt það nú. Svo mánuði síðar frétti ég að bíllinn hefði farið í tætarann.
En svo var það þessi svarti. Hann var svona rét götufær en alls ekki fær til skoðunnar. Það átti nú aldeilis að gera flott og eiga fínan bíl til að gera upp en þegar vel var að gáð þá var allt gaurryðgað til helvítis, vélin keyrð yfir 350.000 en ekki 210.000 eins og sagt var til um á mælinum(s.s. búið að fikta við það dót) og svo var miklu meira lamasess þegar vel var að gáð og því ekki um annað að ræða en að henda honum eða þá að selja hann öðrum crx-dellukalli í varahluti sem og ég gerði. Ég vonast til að eignast svona bíl einhverntímann aftur.

2011-05-21T22:47:00.005Z

Ruslatunnukrakkarnir

Hver man ekki eftir þessu kjaftæði. Nú hafa þeir hjá Topps farið út í það að endurútgefa Garbage Pail Kids undir nafninu Flassback. Ég datt niður á þetta rugl á góðum stað og nældi mér í nokkra pakka svona til að sjá hvort að ég fengi eitthvað gamalt uppáhald. En já, maður safnaði þessu drasli þegar maður var krakki og í pökkunum fylgdi með eitthvað ógeðslegt tyggjó sem alltaf endaði í ruslinu og svo bíttuðu menn á milli sín myndum og urðu oft harðvítug átök um flottustu myndirnar. En svo endaði þetta auðvitað útum allt gólf inní herberginu og endaði bara í ruslinu nokkrum misserum á eftir tyggjóinu. Annars getiði séð meira um Garbage Pail Kids á youtube.

2011-05-15T16:07:00.006Z

Búinn brjódidda

Jæja, það er komið sumar og þá eiga allir að vera glaðir á suttermaskyrtum og í bíkini að tana sig út í garði og svoleiðis. Ég lenti í djöfuls vandræðum með gamla prentarann minn þegar yngri strákurinn minn lét einn af hinum fjölmörgu eyrnalokkum mömmu sinnar falla ofan í hann. Svo þegar maður ætlaði að prenta eitthvað út þá sat bara allt fast. Ég fann þetta allt svo út með eyrnarlokkin því að lítill hluti af skrautinu stóð út undan neðsta valsinum sem ælir út blaðinu. Það var dýrt ráð fara með hann á verkstæði þar sem það kostar 15.000 kall að vera mað bilað drasl í viðgerð á tíman þannig að ódýra ráðið var þá bara að henda honum. Ég nennti ekki að standa í að láta gera við þennan tólfára gamla prentara þar sem ég á annan betri svo að ég ákvað já að henda honum eftir að hafa reynt að ná lokkinum úr maskínunni í langan tíma. Ég ákvað því að brjóta hann bara brot af broti og sjá hvað ég þyrfti að brjóta mikið utanaf honum til að ná eyrnarlokknum. Og hér sjáðiði hvað ég þurfti að ganga langt.

2011-04-29T12:14:00.006Z

Dýrindis dýrindi

*****************************
Kom mér í samband við ágætan Snuff99 díler sem selur það sæmilega ódýrt miðað við annarsstaðar. Því miður misheppnaðist tilraun til að láta senda mér dollu af Gletscher Prise frá Spáni hingað heim en helvítis tollurinn náði henni og og núna eru tollverðirnir sjálfsagt að troða þessu í sig inná kaffistofunni hjá sér. Ég þekki samt nokkra sem hafa náð að fá heim til sín snuffdósir í gegn um póst en ég átti ekki erindi sem erfiði, það er greinilegt. Gletscher Prise var uppáhaldið mitt þegar efnin voru lögleg. Ætli maður hafi ekki byrjað að fikta við þetta um tíuára aldurinn, sníkja sér í nös af krökkunum í Laugaskóla sem voru bara nokkuð viljugir að gefa manni í trínið. Eitt sinn var ég að laumast til að fá mér í nös í kjallara íþróttahússins þegar starfsmaður skólans og kona skólastjórans stóðu mig að verki. Ekki veit ég hvað kona skólastjórans og þessi tiltekni starfsmaður voru að þvælast saman niðri dimmum og fáförnum kjallaranum og það þegar húsvörðurinn var farinn heim en jæja, þetta var fjandans óheppni. Svo auðvitað frétti skólastjórin þetta í gegn um kellinguna og hann fór að babbla það daginn eftir yfir bekknum hvað það væri ógeðslegt að nota neftóbak og horfði á mig allan tímann, helvítið. Svo þegar maður varð eldri þá fór maður að eignast dósir sjálfur en svo fór maður að reykja og þá varð minna um snuffnotkun. Svo þurftu þeir nú endilega að banna þetta og ég notaði ekki snuff í mörg ár ég er reyndar hættur að reykja fyrir löngu síðan líka. Það er ekki fyrren fyrst núna að ég verslaði mér dollu. Maður er að fá sér svona einu sinni á dag eða annanhvern. En mig langar endilega til að eignast dollu af Gletscher Prise, væri voða gaman ef þið gætuð bent mér á einhvern sem er að díla með svoleiðis sem er þó ekki neitt sérlega líklegt. Senda mér meil.

2011-04-22T14:59:00.010Z

Ljótt

****************************************
Ég hef nú alltaf verið mikill 101maður þó svo að ég hafi ekki átt heima þar til þessa en ég kem þar alltaf og til og hef starfað þar heilmikið líka og stundað viðskipti. Svo er ósköp vinalegt að rúnta laugarveginn um helgar í góðu veðri. En Lindargatan er orðin ljót með þetta austurevrópska lúkk. Það hefði kannski verið nær að viðhalda gömlu húsunum eða byggja ný hús í stíl við gömlu húsin, í staðinn fyrir þessar forljótu gettóblokkir. Skuggahverfið er ekki til lengur nema þá sem yfirbyggt steinsteipudrasl, já þetta er bara ógeðslegt.
Svo skrapp ég í Kópavoginn til að taka mynd af ættaróðali föðurfjölskyldunnar við Álfabrekku 17 en þar hélt ég nú að enn stæði húsið sem var sveitabærinn hans langafa sem var vinarlegt, lítið hús með grænu þaki. Já/nei það var nú víst búið að rífa það og nú stendur þar stórt og ómálað hús á ókláraðri malarlóð. Eitthvað verk sem farið var út í árið 2007. Ég hata 2007 og allt sem gerðist á landinu það ár, alla blekkinguna og ruglið sem við landsmenn vorum lokkuð inní. Nei sennilega hefur kofinn hans langafa verið orðinn ónýtur. Gömluhúsin á Lindargötunni líka. En þetta er samt svo ógeðslegt þarna í miðbænum. En hvað um það Menn eru eitthvað að tala um að vera úr Kópavogi eða kópavogsbúar í húð og hár en fæstir þeirra eru víst ættaðir úr Kópavogi eins og ég. En langafi minn var sumsé með búskap þarna í eldgamla daga þegar amma var lítil.

2011-04-11T08:28:00.019Z

Maðkurinn vaknar

Ég sá orm út í garði þegar snjórinn hvarf síðast. Það segir mér að vorið sé komið. Að vísu koma hret og slyddur eins og þetta skot sem kom í gær. Ætli guð hafi verið að láta í ljós óánægju sína yfir því að við skyldum hafa kosið nei? Hann á vafalaust eftir að taka til hendinni með einu hressilegu vorhreti í viðbót. Hvaða fýla ætli hafi verið í kallinum þegar hann setti af stað alveg znælduvitlaust vorhret í byrjun Júní 1997 þegar ég og fleiri veltumst um skaflana mígandiblindhaugapöddudrullufull við Ýdali á meðan bændur í sveitinni smöluðu inn kindunum sínum sem voru að bera í snjónum. Sennilega hefur hann séð það fyrir hvað ég yrði blautur og syndugur það sumarið og haft leiðindarveður kvöldið sem ég datt hvað hressilegast í það þetta sumar. Ég er mest hissa á því að hann hafi ekki sett af stað eldgos þegar í flutti til Reykjavíkur árið eftir.

Svo er það Charles green. Ég datt niður á þennan gaur fyrir síðustu jól. Hann hefur farið mikinn á youtube um nokkurt skeið þar sem hann er ævinlega brjálaður yfir einhverju eða þá að hann er að segja skoðanir sínar á hlutum sem fara eitthvað í pirrurnar á honum. Þetta er gefið út fyrir að vera liveshow og komið alveg hrátt inn en við erum nú nokkrir á því að þetta sé allt saman leikið eða kannski ekki allt, svona fifftí fifftí. Sennilega er hann skapstór fyrir og strákurinn hans tekið eitthvert bræðiskastið upp og fíflast til að setja það á netið og fólk eitthvað farið að fíla það og kallin svo farið að taka þátt í þessu með drengnum. Það er svona mín kenning. Þá má hann heita helvíti góður leikari fyrst hann nær að halda sér brjáluðum á orginu í stundum sjö mínútur. Já það mætti brúka hann í leikfélaginu, hefði nú einhver sagt. Þið verðið bara að skoða það sjálf, sjón er sögu ríkari. Charles Green er líka á facebook. Ég ætla að verða eins og hann þegar ég verð gamall.
-------------------------------
Já/neinei, ég hef ekki komið því í verk að gera síðuna eins og ég vil hafa hana og verður því engin músík á næstunni ef það er það sem þú ert að falast eftir. Ég laga það samt fyrir páskana. Lofa samt engu skammirnar ykkar.

2011-04-08T11:01:00.002Z

Við sjáum til

Spurning með jáið í þessum Icesave vitlesu. Nú ef við segjum já og borgum þetta frá því að samið var síðast nú þá er engin hætta á að... Æi ég nenni þessu ekki ég sé til með já eða nei en ég ætla ekki að babbla því hvað ég kaus svo að það verði ekki hægt að erfa það við mann eð illa fer með annanhvorn kostinn.

2011-04-06T10:30:00.005Z

Neineineineineineineinei

Ég ætla að kjósa og segja nei við þessu icesaverugli. Ég elska land mitt of mikið til að samþykkja svona helvítis vitleysu, þó svo að þeta land sé uppfullt af heimskingjum, þjófum og óþjóðarlýð þá reyni ég að elska það eins og maður sem elskar fjölskyldumeðlimi sína þó svo að þeir séu meingallaðir fæðingarhálfvitar. Þetta þjóðfélag er náttúrulega að verða klikkaðara og bilaðara með hverjum deginum sem líður en það er önnur saga. Og af því að ég set exið við neiið á kjörseðilinn þá vil ég í leiðinni senda bretum og hollendingum þessi skilaboð.

2011-03-12T11:07:00.006Z

Er þessi bloggsíða mín að drepast?

Sennilega er eitthvað andleysi að ganga yfir mig. Ég hef varla nennt að pára niður einn einasta status á facebook. Þetta er eitthvað... veit það ekki. Maður sest niður og reynir að hugsa upp eitthvað sniðugt en það er ekkert á seyði í heilabúinu og ekkert að gerast. Engin þungi. Ekkert flæði né hreyfing. Engar sveiflur, blæbrigði né breytingar. Og ef hlustað er grannt, heyrist hvorki tónn, hrynjandi né taktsláttur. Bara..... alls ekkert. Og svo babbla ég um þetta andleysi hérna á blogginu.

2011-03-03T10:17:00.002Z

Fara yfir enn og aftur

Stefni á að klára yfirferð nr. 97485644681, fyrir næsta mánudag. Mikið er á auman rithöfund og uppgjafasjómann lagt. Æ mig aumna auman.

2011-02-27T23:35:00.009Z

Mamma mía

Það er aldeilis að hann hristir sig. Ég fann andskotann ekki fyrir neinum af þessum skjálftum. En þarna er hægt að sjá á súluriti alla þessa fimmhundruð skjálfta sem riðu yfir suðvesturhlutann í gær. Ég hef einstakt lag á því að finna ekki fyrir jarðskjálftum. Sumarið 2000 reið yfir jarðskjálfti um nótt. Á veggnum yfir hausnum á mér djöflaðist stórt málverk í þungum ramma en ég steinsvaf og hefði vafalaust sofnað fastar við að fá þennan málmramma niður á ennið á mér. Svo var ég á labbi úti á götu þegar það kom skjálfti uppá slatta á richter eða eitthvað og ég fattaði ekki neitt. Svo kom einhver kall út í dyr og gólaði stóreygur "FANNSTU ÞETTA?". "Fann ég hvað?" sagði ég eins og hálfviti. "Ég er ekkert að leita að neinu". Já þetta var í verkfalli strætóbílstjóra og ég að vesenast við að gera við bíl sem ég átti svo að ég þyrfti ekki að labba alla leið frá Hlíðarveginum í Kópavogi og í mjódd til að taka strætó hjá SVR sem var ekki í verkfalli. Helvítis svik að verkföll bitni á mér saklausum manni sem þarf að vera fórnarlamb útsmoginna vinnuveitenda sem nenna ekki að borga þrælunum sínum almennilegt kaup. En ég kom svo druslunni í lag og hef sjaldan notað strætó eftir það. Jú ég notaði strætó í eitt eða tvö ár þegar ég var í fiski vestur á granda. Þvældist onúr Breiðholtinu og þangað niðreftir.
-------------------------------
Mp3 bloggið liggur niðri eins og er, en það mun lagast innan skamms. Örvæntið ekki músíkin fer að hrannast hér inn að nýju. reyndar þá standa til flutningar af blogspot og yfir á svolítið annað en það kemur í ljós þegar það gerist. Annars hvarta ég ekki yfir blogspot. Blogspot hefur verið vinur minn síðan ég byrjaði að blogga hjá honum í nóvember 2002 og munu leiðir okkar skiljast í góðu. En þetta fer allt að bresta á og lögin fara að koma inn að nýju.

2011-02-22T11:52:00.005Z

Einkennilegt

Rúmfaratalgerinn er leiðinleg verslun en ég neyddist til að fara þangað í gær til að kaupa dúk á eldhúsborðið. Þurfti svo óvænt að skíta og rauk inn á klósett og settist á dolluna en fannst eins og einhver væri að fylgjast með mér. Óþægileg tilfinning á meðan maður er að gera stykkin sín. Svo var mér litið til hægri þegar ég sá sjálfan mig skíta í speglinum við hliðina á mér. Það var skrítið að sjá það.

2011-02-14T08:32:00.000Z

Ekkert væl !

Þarf að vesenast við að finna nýjan útgefanda. Fyrirtækið sem ég hef hangið á í töluvert langan tíma gaf mér loksins lokasvarið sem var neikvætt. Þó að áhugi hafi verið fyrir því að gefa krimmann minn út þá þurftu þeir að forgangsraða í fjandans kreppunni og ekki hægt að gefa allt út það sem menn hefðu viljað og í ofanálag er það töluvert mikið risk að fyrir forlögin að fara með nýjan rithöfund út á hinn grimma bókamarkað. Það verður að hafa það og ég þarf þá að bögglast með útprentaða blaðabunkann minn áfram á milli forlaga. Er reyndar í því þessa dagana að yfirfara og snurfusa. Bætti reyndar við svolítilli erótík. Held að slíkt verði að fá að vera með. Það er líka svolítill línudans að skrifa erótík því að það þarf að passa uppá að detta ekki ofan í eitthvað helvítis klám en ég náði að stíga þann dans nokkuð vel. Við sjáum hvað setur. Ég fer væntanlega með bunkann minn í útgefanda sem hyggur á að gefa út glæpasögu. Ég þarf held ég ekkert að vera smeykur um einhver leiðindi í sambandi við að þurfa að vinna eitthvað betur og þetta sé svona og svona og gangi ekki upp því að prófessjónal bókmentalið er búið að skoða þetta hefur litist vel á. Það eina sem ég þarf að vona er að útgefandanum líki sagan. Sjáum hvernig þetta fer.

2011-02-02T13:52:00.008Z

Draumur í nótt

Í nótt dreymdi mig að ég væri búsettur í stórri íbúð einhverstaðar rétt utan við borgina og hélt þar mikið teiti með mörgu fólki. Svo er það furðulega að sem gerist þegar mig dreymir fólk, þarna dreymdi mig allskonar fólk bæði fólk sem ég þekki vel og úr öllum áttum og svo annað fólk sem ég veit rétt svo hvað er eða hef kannski oft séð bregða fyrir einhverstaðar, eins og á Hlemmi t.d. Svo var auðvitað líka fólk sem ég hef aldrei séð og er e.t.v. ekki til. Nú, ég deildi út smartís í fólkið en svo byrjaði að óma einhverstaðar í loftinu Ticket To Ride með Bítlunum "....The girl that's driving me mad. Is going away. She's got a ticket to ri-hide, she's got a ticket to ri-hi-hide, she's got a ticket to ride, but she don't care". Fóru margir að dansa á stofugólfinu. Snorri í Stafni var meðal þeirra sem dönsuðu. Dansaði hann við litla hnátu.

Beatles - Ticket To Ride

2011-01-30T19:41:00.002Z

Slakur prinsippmaður

Einu sinni ætlaði ég mér að flytja í Borgarnes. Það var í lok maí árið 2000 sem ég tók þá ákvörðun að ég yrði fyrir sunnan út sumarið við að keyra út pizzur sem ég vann þá við og færi síðan í Borgarnes á sláturtíð þegar það tæki að hausta. Ég þekkti engan þar og fannst því nokkuð spennandi að fara úr borginni og eitthvert þar sem ég hafði sjaldan staldrað við og þekkti engan. Reyndar vissi ég að Sveinn M. Eiðsson ætti heima í Borgarnesi og hafði heyrt margar sögur af honum og að þetta væri skemmtilegur maður. Ég ásetti mér því að kynnast Sveini ef ég settist þarna að eitthvað varanlega. Þessi Borgarnesjar flutningur átti þó eiginlega að vera millilending á leiðinni norður, þangað sem ég ætlaði að setjast endanlega að. Ég hef þó ekki enn flutt í Borgarnes né hef heldur ekki sest að fyrir norðan. Reyndar hefði ég aldrei kynnst Sveini M. Eiðssyni þó að ég hefði farið á sláturtíð þetta haust því að hann dó þarna um sumarið. En já ég er ennþá í Reykjavík. Ég ætlaði aldrei að búa í Reykjavík, Það var prinsipp. Reyndar hef ég einstakt lag á því að brjóta mín prinsipp. Ég ætlaði aldrei að taka bílalán, það var prinsipp. Ég ætlaði aldrei að fá mér visakort, það var prinsipp. Ég ætlaði aldrei að drulla uppá bak með visakort, það var prinsipp. Ég ætlaði aldrei að vera með stöð2, það var líka prinsipp. Allt saman prinsipp sem ég hef þverbrotið og brennt og mörg önnur líka. Ég á þá ekki eftir annað en að giftast, kaupa mér áskrift að DV, fá mér vinnu á línuskipi eða vinna fyrir Vísi HF í Grindavík að þá eru öll prinsipp farin til helvítis. Að vísu verða alltaf til ný og ný prinsipp þegar ég brýt eitt að þá verður annað til. Ég er sumsé lélegur prinsippmaður eða bara ekki nógu andskoti þrjóskur til þess að geta sett mér eitthvað slíkt.

2011-01-26T09:20:00.001Z

Það er best að ég bloggi

Já já ég er að reyna að vera í gír. Ég er ekkert að gera og fylgist ekki einu sinni með fréttum. Skrifin eru í lágmarki þó að ég velti stöðugt fyrir mér lífsins gátum. Ég er búinn að lesa bók sem nefnist 19. Nóvember. SKO..... Bókin er æviminningar Hauks Guðmundssonar fyrrverandi rannsóknarlögreglumanns í Keflavík. Hann ásamt öðrum sá um svokallaða Keflavíkurrannsókn Geirfinnsmálsins og segir þar frá hinni árangurslausu rannsókn þar sem enginn komst til botns í neinu og ekkert varð til þess að nokkuð kom í ljós um afdrif Geirfinns. Mér finnst samt eitt athyglisvert þegar ég hef lesið þessa bók, þar sem ég hafði áður lesið þetta, að umræddur X, hafi hvergi komið við sögu þessarar rannsóknar. Gvend fór þegar að gruna ýmislegt ljótt þegar skoðað er að bæði X og Haukur eru jafnaldrar og hafa báðir eytt æskuárum sínum í sama sjávarþorpinu, Vogum á Vatnsleysuströnd. Samsæriskenning mín er sú að þeir hafi þekkst frá blautu barnsbeini, verið æskufélagar og X því treyst sínum gamla vini fyrir þessu ljóta leyndarmáli og Haukur því reynt að draga athyglina frá X í þessari Keflavíkurrannsókn og rannsókn málsins verið tóm endaleysa og eitt stórt leikrit.
Hvað er hæft í því að teiknari úr Keflavík, Magnús Gíslason hafi sagt svo frá að lögreglumenn hafi látið sig hafa Ljósmynd af Magnúsi Leópoldssyni til að láta hann líkjast leirstyttunni sem gerð var eftir lýsingum af manninum sem kom í hafnarbúðina í Keflavík þann 19. Nóvember, kvöldið sem Geirfinnur hvarf? Hæpið að hann hafi verið að ljúga því að gamni sínu. Hvað olli því að mennirnir sem Geirfinnur hafði mælt sér móts við fundust aldrei og því gáfu þeir sig aldrei fram ? Hvers vegna var verið að tengja hvarf Geirfinns við spírasmygl ? Ég hef heyrt sögur um það að X hafi staðið í slíkum innflutningi og hafi hagnast verulega með því. Maður vonar að þeir sem bera ábyrg á hvarfi Geirfinns og viti hvar hann liggur geymi í banka hólfi upplýsingar um það hvar honum hefur verið komið fyrir eða glopri því þá út úr sér á dánarbeði bara til þess að börnin hans geti haldið honum útför. Ég vil engan meiða með þessum skrifum ég er réttsvo að hugsa upphátt og segja ykkur hvað ég held. Það sem ég held um þetta mál er að þeir sem að sáu um að rannsaka hvarf Geirfinns hafi ekki hreina samvisku, enginn þeirra og höfuðpaurar þessara rannsókna bæði í Reykjavík og í Keflavík viti sitthvað um það sem gerðist í raun og veru þar sem eitthvert hippagengi úr Reykjavík sem fíflaðist við að smákrimmast og reykja hass hafi verið tekið og barið og pyndað til þess að játa á sig Geirfinnsmálið. Og svo til púsla þessum hippum saman í grjótið og til að hafa þau inni sem lengst tókst þessum herramönnum að klína á þau annað mannshvarf ótengt Geirfinnsmálinu.
Ég vissi í rauninni ekkert þennan Hauk var né afhverju leirstyttan ætti að hafa verið smíðuð eftir ljósmynd af Magnúsi Leópoldssyni. Einhvernveginn fannst mér samt vanta kubb í púsluspilið um X en bíngó þarna las ég þessa ævisögu og sá púslið sem vantaði og styrkir þá kenningu Guðrðunar Magneu Helgadóttur sem allir segja að sé geðveik og kolklikkuð kerling. Ég held bara að mergur málsins sé að við séum of miklir þorskhausar til að ætla að standa í að gera nokkuð frekar í þessu máli, láta þetta viðgangast eins og annað, láta ríða okkur í rassgatið allstaðar í öllu þar sem réttlætið ætti að ná fram að ganga jafnvel þó að einhver komi með eitthvað nýtt og eitthvað öðruvísi en annað án þess að viðkomandi sé dæmdur geðveikur og ekki viðbjargandi. Þetta réttarkerfi er bara svo gjörspillt og svo margir með óhreinar hendur í þessu máli að það verður aldrei tekið upp jafnvel þó að ljóst sé hvernig málin liggja. Maður vonar bara að einhver sem veit þetta auli því út úr sér á áður en hann drepst og segi frá hvar Geirfinnur var dysjaður svo að fólkið hans geti haldið honum sómasamlega útför.
Jæja, það er best að hella upp á kaffi núna.

2011-01-16T09:17:00.012Z

Látinn

Sænski leikarinn Per Oscarsson dó um daginn ásamt konunni sinni þegar það kviknaði í húsi þeirra hjóna. Ömurlegt að Per og frú hans skuli hafa hvatt þennan heim með svo sviplegum hætti. Per Oscarsson kom mikið fyrir í bíómyndum og hlutverkin því óteljandi. Mér þótti hann alltaf helvíti góður hvar sem honum brá fyrir í stærri eða smærri hlutverkum en mér eru minnistæðastir þættirnir Polisen sem voru sýndir á RÚV einhverntímann um og uppúr 1995 þegar ég var unglingsgrey. Þetta voru léttir lögguþættir í þremur eða fjórum seríum þar sem Per Oscarsson lék aðal löggukallinn Gustav Jörgensson. Í einum þáttanna teygði sögusviðið sig alla leið hingað til Íslands þar sem atriði áttu sér stað við Goðafoss og Mývatn(Þeir hefðu betur átt að staldra við á milli þessara tveggja staða taka atriðin upp á Laugum *prump*). En góðir þættir og ég passaði uppá að missa ekki af neinum þeirra og já, blessuð sé minning þessa snillings.
--------------------------------------------
Svo fyrir ári og mannsævi síðan þá datt ég niður á endalagið úr Polisen og hélt því til haga einhverra hluta vegna. Já já það er þá best að ég láti það þá fylgja með úr því að ég á það til.

Endalagið úr Polisen

2011-01-08T16:19:00.011Z

Diskakrot

Og auðvitað varð ég að hlaupa upp til handa og fóta. Þeir Frank og Casper árituðu fyrir mig dvd diskana þegar þeir voru síðast hérna á grjótskerinu kalda en ég þurfti að vera svo mikill asni að vera búinn að lána einn diskinn, þannig að það var allt safnið áritað nema þessi eini sem var í láni. Þar sem þeir hafa verið á landinu síðustu daga, skellti mér í skó, stökk uppí bíl og brunaði í bæinn og sat svo fyrir þeim þar sem þeir áttu leið um. Þeir voru hressir að vanda, árituðu þetta eina eintak sem var eftir óáritað og kjöftuðu alveg helling. Þetta eru fínir gaurar.
---------------------------
Ég var að klára að lesa Snjóblindu. Þetta er sæmilegasti krimmi, stíllinn góður og fléttan stórgóð. Þurfti samt að gefa mér pásu og pásu inn á milli því að þetta var ekkert að grípa mig neitt rosalega. Öll spennan var sumsé í lágmarki. Samt er alltaf gaman að lesa glæpasögur sem gerast annarstaðar en í Reykjavík þar sem sögusvið bókarinnar er Siglufjörður. Þar sem ég hef þá klárað Snjóblindu og Furðustrandir þá er ég búinn að taka upp Ég Man Þig eftir Yrsu sigurðardóttur. Hlakka til að sökkva mér oní þá skruddu.

2011-01-05T11:59:00.010Z

Alltaf í boltanum

Núna á ég Kobe Bryant treyju. Var að spá í að versla mér Rambis treyju næst. Kurt Rambis var flottur þó hann væri bara svona meðal lúði í NBA-deildinni en fékk mesta athygli út á hormottu og gleraugu. Bara svona fyndinn lúði og lala leikmaður. Hann er að vísu núna sem einhver framkvæmdablabla kall eitthvað hjá einhverju liði í NBA núna. Sá viðtal við hann á nba-tv fyrir fáeinum árum þar sem hann var greinilega kominn með linsur og búinn að skafa burt mottuna. Asnalegt að sjá hann þannig. En nú fer senn að styttast í NBA Allstar weekend og ætla ég að fylgjast með því á Stöð2 Sport. Jei þetta dæmi verður haldið í L.A. Djöfull væri ég til í að vera þar.
------------------------------------------------------

Þetta er gott. Það lífgar umhverfið við og maður byrjar ósjálfrátt að dilla sér við þetta. Dilla sér silla sér dilla sér dilla sér dilli dilli dill...

Louis Armstrong & Danny Kaye - When The Saint Go Marching In

2011-01-04T09:22:00.003Z

Hundsstirðningur

Já ok, ég var ekkert búinn að blogga á nýja árinu. uhh.. já, ég.. ég finn allavega ekki muninn á 2010 og 2011 mér líður bara eins en þá er bara að bíða eftir því að það komi eitthvað meira fun úr því að jólin eru að verða búin. Það verður væntanlega þorrablótast eitthvað og svo koma páskar og þá fer maður að bíða eftir nýju sumri. Og þá er hægt að fara og veiða eitthvað. Ég kíkti reyndar upp að Reynisvatni í gær en það var auðvitað enginn ís til að dorga niðrum. Smá klakaþil yfir vatninu og vatn yfir því sem var rértt svo frosið þannig að hundur hefði dottið í gegn um það. Nei ég bít bara í súra eplið og bíð eftir því að það vori og fer þá að veiða. Bíða bíða alltaf að bíða.

2010-12-30T11:28:00.001Z

Nú er það svart

Dagurinn er farinn að lengjast þó að við séum ekki farin að taka eftir því varanlega. Ágætt að vita af því samt. Þó er svosem ágætt að hafa myrkrið yfir sér. Ég reyni svo að halda í vonina um gleðilegt ár en ætli þetta verði ekki sama tuggan og vanalega þar til að ég geri mér vonir um það sama daginn fyrir næstu áramót. Þannig hefur það a.m.k. ævinlega verið alla mína hunds og kattartíð. En ég nenni ekki að velta mér uppúr þessu, þetta tifar allt saman. Ég ætla að halda áfram að lesa Snjóblindu eftir Ragnar Jónasson. Þessar fyrstu 60 blaðsíður lofa nokkuð góðu og halda manni ágætlega við efnið. Það er svolítið dramaívaf í þessum krimma. Þetta er fínt. Ég held að ég fái mér rúgbrauð og síld til að éta á meðan ég les. Svolítið malt og laufabrauð með líka. Já vá ég var að muna ég á nóg af laufabrauði ennþá, vei. Svona er að vera duglegur að breiða út og skera í og steikja.

Notorious B.I.G. - Hypnotize

2010-12-24T09:45:00.003Z

Gleði

Þá segi ég bara gleðileg jól og þakka fyrir heimsóknirnar á þetta vitleysis blogg á árinu sem er að líða.

2010-12-22T10:31:00.000Z

Dúdadídadei

Það er fátt um að vera hérna hjá mér. Ég sá þennan vitleysis tunglmyrkva í gærmorgun. Ég gæti alveg eins farið út og horft á tunglið mað rafsuðuhjálm á hausnum, það er ábyggilega svipað, en jæja þetta er náttúruundur víst. Samkvæmt almanaki Þjóðvinafélagsins verður næsti tunglmyrkvi 15. júní næstkomandi en sést ekki á íslandi. Þar eftir verður annar tunglmyrkvi 10. desember en honum verður að mesti lokið þegar tunglið rís þann morguninn og því ekki nema smá slitur af skugga að sjá af þeim myrkvanum.
--------------------------------
Jasko þetta er nefnilega gamalt og gott og var gefið löngu út áður en ég var í pungnum á pabba mínum en eftir að ég kom þaðan þá hef ég hlustað mikið á þetta lag. Kynntist því reyndar ekki fyrr en ég var orðinn unglingur og farinn að drekka heldur ótæpilega. The Hollies eru á uppáhaldslistanum mínum enda helvíti góðir.

The Hollies - Air That I Breath

2010-12-18T10:05:00.003Z

Þetta var nú sossum ágætt allt saman

2010-12-16T10:04:00.013Z

Helvítis sjónvörp

Ég er nú búinn að sitja og góna á tvo þætti af gamanmálum Frímanns Gunnarssonar þar sem fjallað er um Jón Gnarr og um Frank Kvam. Held að ég nenni ekki að horfa á hina þættina. Og þó, jú held að það gæti verið gaman því að maður veit lítið sem ekki neitt um aðra háðfugla í skandinavíu nema þá Frank Kvam. Þetta var líka ágætt skandinavagrínista lið sem kom að utan til að skemmta okkur í Háskólabíói þarna í haust. Ég sé til hvað ég nenni að glápa mikið. Annars horfi ég lítið á sjónvarp þessa dagana. Mér hefur alltaf þótt sjónvörp best þegar það er slökkt á þeim. Eins þoli ég ekki sjónvarp sem er í gangi og enginn er að horfa á það. Það er bara kveikt á því og kallinn í fréttunum talar við sófann og stofuborðið og málverkin og orgelið sem ekkert heyra. Djöfull get ég orðið brjálaður. Ég bara þoli þetta ekki. Ég góna frekar í bækur eða til fjalla eða þá til stjarnanna. Mér leiðist hreinlega að horfa á sjónvarpið.
-------------------------------------
Maðurinn hefur aldrei kunnað að rappa svo gaman sé að hlusta en auðvitað seldist allt sem hann gaf út og grandalausir aðdáendur hans punguðu út aurum til að kaupa annars ömurlegt rapp. Eins með að sjá manninn leika í bíómyndum. Nei takk, ekki þetta, nei nei. En hann reyndi þó. Það hefur aldrei verið inn að rappa um körfubolta. Fólk vill bara heyra rapp um bitch, shit, fuck, nigger, knife, gun, dope, dollars, feat, murd, asshole, whore, bullets og baseballbat. Basketball er víst ekkert að fitta in í þetta. Samt heiðarlegt af honum að reyna að koma einhverju heilbrigðu inn í heim rapptónlistar. En ég læt því flakka hér einn óskapnað með Shaquille O'neal svona til að sýna ykkur dæmi um þessi ömurlegheit.

Shaquille O'neal - No Hooks

2010-12-14T01:17:00.002Z

Það væri gaman

Hver vill ekki eiga Leirfinn ? Ég væri svo vel til í að fá að taka mót af leirhausnum úr Geirfinnsmálinu og hafa hann svo í stofunni heima hjá mér. Er það ekki fín bissneshugmynd að fá einkaleifi á hausinn og framleiða svo Leirfinn á færibandi og selja síðan í Kolaportinu. Ég myndi bera mig eftir því ef ég væri myndhöggvari. Saga á bak við þennan haus og allt og er svo bara kominn í stofuna mína. Það væri magnað. Annars væri ég líka til í að hafa myndastyttuna af Rúnari Júl. sem enginn vildi kaupa nema fyrir skít og kanil og hafa hana í stofunni hjá mér. Kannski útí garði með fallegu blómabeði í kring. Ætli myndhöggvarinn sitji ennþá uppi með gripinn?
Núna ætla ég að taka til í veiðidótinu og ganga frá því inn í geymslu. Hef ekki komið því í verk fyrr en núna. Að vísu setti ég stangirnar mínar inn í geymslu um daginn með trega og munu þær ekki verða teknar aftur fram fyrr en næsta vor.
----------------------------
Jólin eru á næsta leiti og því ekki annað að gera en að mp3ast eitthvað með jólalögin. Þetta er nú aldeilis skemmtilegt. Held það nú bara.

Trans-Siberian Orc Estra - Wizards In Winter

2010-12-09T01:54:00.000Z

Alkaseríur

Búinn að hengja upp jólaseríur í kvöld. Ég ætlaði nú aldrei að hafa mig í það. Verst að maður hefur sig sjaldnast í að taka þær niður fyrr en á vorin eða um mitt sumarið. Bóndi nokkur tók aldrei útiseríuna af þakskegginu hjá sér og skipti bara út ónítum perum þegar leið að jólum. Annars átti hann það til að hella sig fullan þarna heima hjá sér á bænum þar sem hann bjó einn og þurftu bændur og hjú á næstu bæjum í nágrenninu ekki annað en að rýna aðeins út um gluggan en þá var hann ævinlega búinn að setja útiseríuna í samband, sama hvaða mánuður var í gangi. Bara að ljósin voru kveikt var merki um það að karlinn var fullur að hella uppásig þarna heima hjá sér. Æi voðalega fannst manni það klént að vera fullur einn heima, þá sjaldan sem það þó gerðist sem betur fer. Það er hund leiðinlegt en þegar maður er alki spyr Bakkus ekki að því hvað manni finnst gaman að gera á filleríi. Maður hellir bara í sig.
--------------------------------------
Maður lumar stundum á einhverju drasli oní kassa. Ég fann "Best of 80's" Eitthvað alveg á bólakafi í einum kassa uppá lofti. Rippaði ég þennan disk að gamni mínu og pósta hér tveimur lögum af þeim diski hérna. Ágætt svona af því að ég fann þennan disk sem ég vissi ekki einu sinni að ég ætti.

Miquel Brown - So Many Men, So little Time

Sister Sledge - Everybody Dance

2010-12-06T09:54:00.000Z

Draumur um straum

Mig dreymir ýmislegt rugl um þessar mundir en þó er það ekkert sem situr í mér. Látnir sem ég þekkti hér áður en þeir yfirgáfu þennan heim hafa ekkert verið að koma til mín í draumaheimi eins og svo oft áður né hef ég ekki heldur verið að vakna um miðja nótt eftir drauma mína með ónot í sálinni. Samt, Fólkið mitt hefur verið að koma saman í draumaheimi og halda veislur eða bara öll stórfjölskyldan að hittast það er náttúrulega bara indælt.
Senn fer svo að líða að því að kökuheflið verði tekið fram og flattar verða út laufakökur sem síðan verða skornar út. Það fjandans laufabrauð sem maður fær út í búð tilbúið til laufaskurðar eða bara alveg tilbúið er auðvitað ekki hægt að kalla laufabrauð. Nei, það verður að vera með laufskorningi í kantana og hafa laufin uppábrett og svo steikt uppúr tólg en ekki uppúr þessari fjandans jurtafeiti. Þetta er ekki laufabrauð þetta helvíti. Ég er sennilega of þingeyskur fyrir þetta drasl enda alinn upp við það að éta heimagert og almennilegt laufabrauð.
Jæja, ég ætla svo að lesa bókina 19.nóvember sem ég keypti mér í gær. Vita hvað hann ætlar að leysa frá skjóðunni varðandi Geirfinnsmálið þessi rannsóknarlögreglumaður úr Keflavík. Held bara að hann sé að reyna að réttlæta klúðrið í bókinni þessi maður. En við skulum sjá.

--------------------------

Þetta er gott. Það er fjör í þessu.

Tom Jones & Tina Turner - Hot Legs

2010-12-03T01:00:00.000Z

Hvað er eiginlega í gangi hérna ?

Meiriandskotans sterkjan þessar Yum Yum núðlur. Baneitrað en helvíti gott. Ég kann vel við vel kryddaðan mat. Það þarf svolítið að venjast þessu. Ég var eitt sinn með tælendingum á sjó sem átu núðlur í hvert mál og stráðu chillí yfir þær eins og kanil á grjónagraut, hrærðu upp í því og settu svo meira. Þetta átu þeir svo með beztu lyst á meðan ég reyndi að éta það líka en það endaði allt með því að ég snéri mig frá borðinu í einum keng, hrópandi á kokkinn að færa mér mjólkurfernu. Mjólk virkar nefnilega best til að réna sviðann af piparnum. Öldin er önnur núna og ég háma í mig chilli og jalapenjo eins og að éta gulrætur. Voða gott alltsaman. Reyndar, í sambandi við Yum Yum, var mér sagt að ef maður færi inn á ákveðna staði í Bankok og bæði um Yum Yum þá fengju menn ákveðna þjónustu sem ég ætla ekki að fara nánar út í hér.
------------------------------
Þetta er eitt af mínum uppáhalds. Ég hef engin frekari orð um það meir.

Snake River Conspiracy - You And Your Friend

2010-11-29T00:41:00.003Z

Júðalegt

Fyrsti sunnudagur í aðventu var í gær og ég er búinn að setja upp hanukkah-gyðingaljósið þetta sem íslendingar kalla aðventuljós, út í glugga. Merkilegt, fyrir töluvert mörgum árum síðan fékk einhver heildsali vitlausa sendingu til sín sem voru þessi vitleysis aðventuljós en það var eitthvað allt allt allt annað sem hann átti að fá. En þá varð annaðhvort að markaðsetja draslið eða þá að fara á hausinn með allt. Þetta var stuttu fyrir aðventuna og því var þetta markaðstett sem "aðventuljós" og helvítis maðurinn græddi á tá og fingri eins og gyðingur með bogið nef og litla húfu. Annars er ég kominn í dálítið jólahlakk
-------------------------------
Ég veit ekki hver mixaði þennan stubb úr viðtalinu í sjónvarpinu þar sem Jón Gnarr fullyrti að hann væri geimvera en það hefur verið einhver uppátækja samur galinn maður. Þetta er allavega flott gert og sjálfsagt sáraeinfalt að gera eitthvað svona bull með rétta tölvuforritinu. Alls ekki svo vitlaust, bara hreint ekki.

Jón Gnarr - Ég er geimvera

2010-11-27T20:27:00.003Z

Hihihahahoho

venus skín skært á morgun himninum þassa dagana. Verst er að eiga engan stjörnukíki til að skoða reikistjörnurnar líkt og ég gerði forðum daga þegar gamli kíkirinn minn var í lagi. Ég á reyndar eitthvað bákn sem ég get horft í gegn um en úr honum sést hvorki kúkur né skítur. Var að pæla í að fjárfesta í almennilegri græju. En ég sumsé skoðaði engar stjörnur í dag heldur týndi ég saman á blað eitthvað af þessum strumpum sem voru í framboði og kaus þá. Á blaðinu voru allskyns fólk, verktaki, öryrki, prestur, lögfræðingur, bóndi, vélstjóri, nemi, atvinnuleysingi, bílstjóri, rafvirki, pönkari, landasali, kókdíler og melludólgur.
------------------------
Ég keyrði útfyrir bæinn í nótt, steig út úr bílnum og horfði út í myrkrið. Stein þegjandi og í algerri grafarþögn fann ég mátt myrkursins hríslast um mig og skynjaði með um leið með gæsahúð hverslags ógnar verur lifa dýpst inn í svartnættinu.

Muumimusiikkia17

2010-11-24T10:16:00.008Z

Ekki svo tómt

Lítið um að vera hjá manni núna. Tómleikinn er þó ekki að gera mig vitlausan því að ég hef sagt honum stríð á hendur með skrifum og öðru sem ég hef haft fyrir stafni. Skammdegið hellist yfir sem mér finnst ágætt enda íslendingur og hef því vondu vanist síðustu þrjátíu árin. Lengst af þoldi ég ekki þennan árstíma, varð þunglyndur og önugur en fór svo bara að fíla allt þetta myrkur horfandi upp í sortann og stjarnanna glitra og hlæja til mín úr órafjarlægð.(Voða var þetta eitthvað Þórbergslegt)Gott væri að geta sofið á daginn og vakið á nóttunni og sjá ekki dagsbirtu svo dögum skiptir. Það gerði maður á þegar lífið var ábyrgðarlaust heima hjá mömmu og pabba. Engar áhyggjur af skyldum og kvöðum lísfins og ekkert að pæla í reikningum eða gluggapósti. Maður var eiginlega bara ánægður að fá smá rukkun í gluggapósti bara út af þeim fábreytileika að fá póst.
------------------------
Lag þetta lýsir lundarfari mínu þessa dagana.

Tanoshii Moomin Ikka - Muumin Tani Fuyu

2010-11-19T11:29:00.004Z

Mann setur hljóðan

Ég veit það ekki. Það stingur mann bara þegar maður sér fullorðinn mann næstum grátandi yfir því hvernig ástandið bitnar á honum. Manni sem unnið hefur fyrir öllu sínu alla sína hunds og kattartíð, horfandi upp á að allt sem hann á allt sem hann hefur unnið fyrir um ævina, sé að fara í vaskinn. Það er eiginlega ekki hægt að segja neitt framan í mann sem stendur frami fyrir slíku. Maður varð einhvernveginn svo dofinn. Svo eru hinir og þessir mannandskotar að hneykslast á því að ég hafi verið að kasta eggjum í alþingishúsið.
HALDIÐI AÐ ÉG HAFI VERIÐ AÐ GRÍNAST ?
>:@

2010-11-07T11:22:00.002Z

Þjóðsögur

Einhverjir snillingar tóku upp á því að kvikmynda nokkrar af þjóðsögum Jóns Árnasonar. Sennilega er þetta leikið af einhverjum ungmennafélags leikhóp og sæmilega leikinn af því fólki sem þar eiga hlut að máli. Torfbærinn að Glaumbæ í Skagafirði er aðalleikmyndin í þessari snilld. Þetta eru sögurnar:
1. 18 barna faðir í álfheimum.
2. Nú skyldi ég hlæja væri ég ekki dauður.
3. Pétur með sturlan.
(og svo mínar uppáhalds)
4. Presturinn og djákninn.
5. Hver rífur svo langan fisk úr roði.
Skylduáhorf aðdáenda þjóðsagna Jóns Árnasonar.
-------------------------------
Ég stekk stundum á countrydiska sem ég finn í búðum og kaupi þær þó svo að ég hafi ekki hugmynd um hvort þetta sé eitthvað boring drasl eða helvíti gott. Reyndar finnst mér country í flest öllum tilfellum skemmtileg áheyrnar og svo eru country diskar svo ódyrir ef þetta er eitthvað samansafn af hinu og þessu. Country fjallar reyndar svo voða mikið söknuð, ástarsorgir og vonbrigði eða þá sveitastráka sem hafa verið straponaðir til blóðs af sveitastelpunni sem þeir voru ástfangnir af og er stungin af úr sveitinni og komin í stórborgina. Svo er þetta líka sungið allavega og hingað og þangað. Það er mjög gaman að hlusta á country finnst mér.

Roy Acuff - Please Help Me I'm Falling

Barbara Fairchild - Cheating Is

2010-11-03T17:42:00.001Z

Hef verið að lesa bækur og hlusta á vínylplötur undanfarið. Gert mikið af því tvenna og geri aldrei nóg af svo góðu. Fekk keypta Shadowsplötu og eitthvað jólalagadót og margt fleira. Svo hef ég verið að lesa helling. Er búinn að lesa bók eftir Þórberg Þórðarson, Ingvar Ambjørnsen, og er núna með í lestri, Svartur á leik eftir Stefán Mána. Svo er ég að skrifa líka sjálfur og er í töluvert góðu stuði við slíkt þessa dagana. Annars er ég búinn að vera blogglatur undan farið en úr því ætla ég að bæta.
---------------------------------------
Furðulegt hvað maður dettur niðrá á netinu. Ég horfði alltaf á Heidi, Pinocchio og Nils Holgerson sem krakki. Fann þetta af tilviljun þegar ég var að grúska í þáttaraðamúsík á piratebay. Þetta voru svona þær teiknimyndir sem maður horfði hvað mest á sem krakki.

Nils Holgerson_-_German opening

Heidi - German opening

Pinocchio - German opening

2010-10-24T23:40:00.008Z

Það var fjör

Fekk gest í kaffi í gærkvöldi. Góðborgara úr Reykjadalnum og var kjaftað framundir morgun, rætt um bernskubrek okkar beggja og hermt eftir valinkunnum sveitungum og á meðan var étinn harðfiskur og hákarl, bakkelsi, drukkið kaffi, reyktar sígarettur og tóbaki troðið í vör. Jább Gestur er bestur.
---------------------------------
Það er alltaf gaman að fara endrum og eins vestur í Kolaport og kíkja á bækur og plötur. Ég keypti mér Dauðir koma til dyra eftir benjamín sigvaldason, sannar frásagnir frá liðnum tímum. Spennandi að kíkja á það. Og svo nældi ég mér í vínyl plötu með The Shadows og er að snúa henni undir fóninum núna. Síðan keypti ég mér geisladiska. Eitthvað Reif í drasl og gamlan pottþétt disk frá því í næntís, fjögur fimm eða sex. Maður hlustar svona á þetta á meðan maður lætur hugann reika til unglingsáranna heima á Laugum í Reykjadal. Meiri kuntan sem maður hefur verið að hlusta á gelluband sem þetta.

Def Dames Dope - Ain't Nothin' To It

Def Dames Dope - Don't Be Silly

2010-10-20T23:19:00.002Z

Reiður afi

Ég get bara ekki á mér setið. Þessi maður er kolvitlaus í skapinu og ekki bætir úr skák að afadrengur hans er þarna inn á heimilinu og atast í honum daginn út og dagin inn, tekur allt upp á myndband og setur á youtube.

2010-10-08T09:07:00.005Z

Huhuhuhuhuhu

Ég man þá tíð þegar þessi diskur var límdur fastur inn í geislaspilaranum sem ég fékk í fermingargjöf þarna um árið. Það var á tímum Snuff99, sænsk munntóbaks og tilrauna til sveindómsmissis. Stuttmyndir og svívirðileg símaöt viðgengust þá enda númerabirtar ekki komnir á markað á þeim tíma. Já svíveirðilegri en andskotinn. Seiekki meira. Góðir tímar. Stuttmyndirnar voru blóðugar enda vorum við félagarnir þarna heima að uppgötva kvikmyndir Peter Jackson's sem var einmitt þekktur fyrir splattermyndir. Við gátum, þar sem heimaslátrun á einum bænum var lokið, notað kindablóð og kindainnyfli og gerðum við nokkuð veheppnaða splattermynd sem við tókum upp á eyðibýli í Reykjadal. Það verður að fara að koma því í verk að koma þessum verkum á tölvutækt form og troða því svo inn á youtube. Það kemur seinna.

Nirvana - Jesus Doesn't Want Me To a Sunbeam

Nirvana - Come As You Are

2010-09-30T01:26:00.004Z

Já sæll

Annað verður ekki sagt, maðurinn er snillingur og gaman að sjá bæði hann og Casper í eigin persónu. Og ég sem hafði verið á báðum áttum með að mæta þegar ég heyrði um það fyrst að þeir kæmu að skemmta landanum. Þvílíkur vitleysis háttur. Svo auðvitað tókst manni að hnýsast á bakvið til að fá eiginhandaráritun og ljósmynd með þim hihi.
Jæja ég ætla í háttinn. Sef örugglega vel eftir gott kvöld.

2010-09-28T07:57:00.002Z

Ég hef ekkert verið að sinna þessu bloggi

Maður fer til sjós og einbeitir sé að mestu að því sem þar fer fram. Ekki blogg, jú smá facebook á frívaktinni og svo búið. Ég er samt að komast í gírinn aftur. Ég er í fríi og ætla að mæta á Kvöldstund með Frímanni Gunnarssyni. Færi nú reyndar ekkert ef ekki væri Frank Kvam með í þessari grínsúpu. Jæja ég ætla að fá mér kaffi.

2010-09-06T10:38:00.010Z

Fram og aftur

Sennfer þá þessu fæðingarorlofi að ljúka og þá er maður rokinn aftur til sjós. Er nú ekki að nenna því. Hafði reyndar hugsað mér að fá mér djobb í landi "en ætli maður verði ekki eina vertíð í viðbót", segi ég ævinlega á hverju hausti og lofa sjálfum mér svo því iðulega að vertíðin verði sú síðasta. En ég nota frívaktirnar vel og skrifa. Já ég skrifa ævinlega eitthvað aðra hverja frívakt. Sef aðra frívakrina alla en þarf ekki annað en að leggja mig rétt á hinni frívaktinni og til að hafa mér eitthvað til dundurs þá skrifa ég.
------------------------------
Ég skrapp í Kolaportið og leit í sölubásinn hjá doktornum og verzlaði af honum tvær vínylplötur og svo disk með Bob Hund. Þetta er víst hljómsveit frá Svíðþjóð. Jájá þetta er rokkað og skemmtilegt. Vandamálið er bara að ég kann ekkert í sænsku svo að ég skil ekki taxtana þó að lögin sjálf séu ágæt.

Bob Hund - Istället För Musik: Förvirring

Bob Hund - Dubbel Tvekan

2010-09-06T00:00:00.003Z

plahhh......

Ég nenni ekki að blanda mér í umræðuna um þjóðkirkjuna eða mynda mér einhverja skoðun. Jú það var ljótt að gamli biskupinn okkar skyldi fara svona með konugreyin og brugðist því trausti sem bæði þessar konur og þjóðin öll átti að bera gagnvart honum. Vona ég það að konurnar fái allar meina sinna bót. Ég held að ég einbeiti mér að mikilvægari málum en að barma mér og skrá mig út úr þjóðkirkjunni. Það er fullt af liði þarna útí bæ sem kýs að ganga í ESB. Það eru örugglega fleiri perrar í ESB heldur en þjókirkjunni svo að menn skulu nú bara passa sig.

2010-09-04T11:19:00.003Z

Taktaktkataktaktaka

Í gær sá ég gamla kerlingu ganga út úr körbúð einni í Breiðholtinu. Hún færði sirka tólf ára dreng pakka af sígarettum. Ég er ekki hneykslaður. Sjálfur fékk ég gamlar kerlingar til að verzla fyrir mig tóbak á sínum tíma. Samt, ég myndi sjálfur aldrei kaupa sígarettur og afhenda það einhverju krakkarassgati í hettupeysu og í skopparabuxum. Jahh... a.m.k. yrði ég ekki hress ef fullorðinn maður léti mitt barn hafa rettur. Og þó, skárra ef hann reyndi að stela því og yrði svo nappaður og löggan svo skamma mig fyrir að vera eins og sauður í uppeldismálum barnsins. Einu sinni ætlaði ég að stela brennivíni í ríkinu og gerði mig líklegan til þess arna en hann Valli bölvaður sem vann í ríkinu á Akureyri var alltaf að líta í áttina að mér svo að ég þorði ekki að reyna og auðvitað hefði pabbi slátrað mér ef upp hefði komist um athæfið og látið mig svo moka út moði og taði á hverjum degi í ár í refsingarskyni.
----------------------------------
Ég keypti mér þennan disk í Danmörku. Bara svona venjuleg kerlingavælulög. Ágætis textar og lög segi ég nú bara. Hef ekki ekkert vit á þessum flytjanda og nenni ekki að googla neitt um þetta lið. Hlustiði bara á lögin.

Hush - If You Go Breaking My Heart

Hush - Say a Little Prayer

2010-08-31T02:45:00.005Z

Sálarnart

Andskotinn þetta nagar mig. Maður hugsar um liðna tíð. Kannski fimmtán ár afturfyrir og pælir í skyssum sem maður gerði. Melvítið mitt, segi ég stundum við sjálfan mig. Að maður skuli ekki hafa látið slag standa. Mig langaði svo heitt að spyrja en lét það vera. Aulaháttur, algjör aulaháttur. Eftir okkar síðasta fund stóð ég fyrir utan gluggan hennar starði lengi. Hún fór daginn eftir. Hef ekki séð hana síðan. Furðulegt hvað smánarleg atvik geta poppað upp í hugann og byrjað að saga mann.
-----------------------------------------
Þegar ég var tveggja, þriggja eða fjögrára eða eitthvað svoleiðis, allavega þegar ég var smákrakki elskaði ég að heyra þetta lag. Svo sé ég myndir til æskunnar þegar ég heyri lagið. Mér dettur í hug svöl dalalæðuvorkvöld í Reykjadalnum, bleikann roðann á norðurhimninum, sauðburð og gamla rússajeppann hans afa. Bara það sem poppar upp í huga mér þegar ég heyri það.
Hot Butter - Popcorn

2010-08-29T01:48:00.015Z

Malað kaffi

Allatíð eða frá þrettánda ári hef ég verið mikill kaffiusvelgur. Drekk kaffið helst svart en á sjónum er í boði ágætis vélakaffi þar sem ýtt er á takka og um hæl kemur rjúkandi gott kaffi úr maskínunni. Það er gott að fá sér mjólk út í það. En ég keypti mér kaffibaunir frá Starbucks þegar ég var í Danmörku og fékk að láni kvörn hjá góðum manni til að mala þær. Þetta kemur bara skemmtilega út og svalar bara kaffiandanum vel þegar hann kemur yfir mig og lætur mig skvetta mörgum bollum í mig í einu. Annars var ég að spá í að verða mér út um hráar kaffibaunir og rista þær sjálfur.
----------------------------
Eitthvað er ég svo að reyna að skrifa, búinn að vera að síðan í maí. Það sem ég er komin af stað með núna þ.e. nokkrir tugir blaðsíðna, byrjar þannig að Björgvin stendur ber að ofan með klaufhamar í hendinni og horfir á mann sem hann hafði ráðið bana. Björgvin horfir í augu hans verða mattari með hverri mínútunni. Maðurinn sem hann drap var af erlendu bergi brotinn og hafði bortist inn í íbúðina til hans um nótt en var svo óheppinn að Björgvin lá andvaka í rúminu sínu þegar hann braust inn en þegar maðurinn varð var við Björgvin byrjaði hann að skjóta á hann með hljóðdeyfðri skammbyssu. Með því að hugsa hratt og vera snar gat Björgvin yfirbugað manninn og kálað honum með klaufhamrinum.
Björgvin reynir strax að ná sambandi við Rebekku sem á sama tíma átti að vera komin til landsins með efni fyrir ákveðna aðila. Hann átti ekki erindi sem erfiði en þegar farsími Björgvins hringir og á hinum enda línunnar heyrir Björgvin að Rebekka sætir pyndingum með hroðalegum öskrum heldur Björgvin í örvæntingafulla leit að henni.
Hver var þessi dularfulli maður sem hafði komið inn í íbúðina til hans og reynt að stúta honum ? Tengdist þetta því að Rebekka var ný komin til landsins sem burðardýr ?
Hún átti að fá allar skuldirsínar afskrifaðar hvort sem hún næðist í tollinum eða ekki. Því voru þeir þá að misþyrma henni, ef það voru þá þeir ?
Myndirðu kaupa söguna ef hún kæmi út á bók ?
----------------------------
Everlast - Black Coffee

Heavy D - Black Coffee No Sugar No Cream

2010-08-28T09:26:00.006Z

Hugulsamt

Égerhálf tómur en ætla að hripa hér eittthvað á bloggið samt. Einhver hefur föndrað þetta kort og sett það inn um bréfalúguna mína. Einhver sem vill koma fyrir mig vitinu því að inn í kortið er skrifað eitthvað vers úr bibblíunni. Þetta er víst einhver konukind sem er að standa í þessu, heyrði ég. Já hún hlítur að fá prik hjá Guði á himnum fyrir þetta. Það er í það minnsta góðverk að reyna að koma því inn í hausinn á fólki að menn gætu mögulega farið til helvítis þegar það drepst lesi það ekki guðsorð og fari ekki eftir reglum Guðs. Ég er nokkuð viss með mig sjálfan. Enda er Guð réttlátur og hann færi varla að láta mann vera í þessum heimi ofsageðveiki án þess að láta mann gera eitthvað meira annarstaðar til að bakka upp mistökin sem maður gerði í þessum heimi. Það var einhverstaðar minnst í biblíunni á hin sjö tilverustig Guðs og við hljótum að vera í því fyrsta. Það getur varla verið að jörðin sé það síðasta, nei seisei. Við jarðarbúar færum þá flest niður á grillið hjá Skrattanum. Við drepumst hérna, Guð skammar okkur svo hvert fyrir sig og hendir okkur svo á næsta tilverustig þar sem við eigum að læra af mistökum okkar, græðgi og löstum eins og að reykja ekki sígarettur, gera bankana ekki gjaldþrota og halda bölfi og ragni í algjöru lágmarki. Þannig eigum við að læra frá einu tilverustigi til annars alveg upp að sjöunda himni þegar guð loksins skoðar hvort við höfum verið að standa okkur. Nú ef ekki, þá er manni bara kastað til helvítis. Það hlítur að vera.

2010-08-24T17:05:00.002Z

Flugstöðin á Kastrup er ágæt og þar sá ég þetta. Þessi svarti karl var á skrafi við annan mann og hallaði um leið rassgatinu uppvið handfangið á töskukerru sem hann hafði þar til umráða og iðaði dálítið með görnina þarna á horninu. Sennilega hefur hann verið nýbúinn að skíta og liðið vel í snúðnum og ákveðið að örva hann aðeins til að viðhalda sælunni. Kannski var hann með njálg eða þá að hann hefur verið illa skeindur og klæjað undan kleprunum sem trufluðu hann. Í það minnsta var þetta ágætis myndefni.
-------------------------------------------------
Á labbinu um Strikið fór ég í búðir og verzlaði mér nokkra geisladiska með mínum rándýru dönsku krónum, jájá ég fann svona hitt og þetta og líka danska músík svona af handahófi. Ég veit svosem ekki hversu vinsæl Sara Grabow er þarna úti. Svo er bara ekkert víst að hún sé neitt dönsk en ég fann allavega þennan disk innan um danskt efni. En þó að ég hefi aldrei heyrt á Söru Gtrabow minnst áður er hún ágæt finnst mér. Ágæt lög með fínum textum. Ég kem svo með meira köbenskt músíkdrasl seinna.

Sara Grabow - Nighttime Terror

Sara Grabow - Blueberries

2010-08-19T22:00:00.008Z

Best að blogga aðeins

Sattaðsegja hef ég voða lítið að segja. Ég hef verið að spila Pacman undan farið og það er mesta furða hvað maður getur orðið brjálaður þegar draugarnir ná að drepa mann. Ég hreinlega froðufelldi af bræði hér í gær þegar ég hafði náð langt en svo drepinn á endanum. Lúdóið er þó skaplegra en hægt er að keppa í lúdó á netinu sem ég geri stundum. Líka er hægt að keppa við fólk af öllum heimshornum í Tetris. Ég ætla svo eitthvað að róa mig í þessum spilum á menningardaginn og kem til með að spranga um á menningarhátíð og hlýða á tónflutning. Verð sennilega ekkert á þvælingi um kvöldið enda lítið sem ég veit af sem ég ef áhuga fyrir að sjá og heyra. Fræbbblarnir og Megasukk skemmtu mér konunglega vel í fyrra á Grandrokk sáluga. Held nú að facktory komi samt til með að vera ágætis staður. A.m.k. er þetta topphúsnæði fyrir gigg og skemmtilegheit.
----------------------------
Jean-Baptiste Franc sat með pjanóið sitt á strikinu og spilaði. Þar var hann líka með diska með eigin efni til sölu á heilar 100 danskar krónur. Ég sló til og verzlaði mér eitt eintak og lét hann árita diskinn. Hér eru þrjú ágæt lög af þessum disk.

Jean-Baptiste - I've Got Rythm

Jean-Baptiste Franc - The Man I Love

Jean-Baptiste Franc - Waste No Tears

2010-08-17T00:09:00.003Z

Fúlltfúlltfúlltogmeirafúllt

Þessi dagur var fremur leiðinlegur. Veðrið var þó ágætt og ég hefði farið að veiða hefði ég nennt því. Ég nennti ekki að taka mér mynd á leigu og þegar bróðir minn hringdi í mig og vildi gera eitthvað þá sagði ég honum að fara annað. Ég eldaði ekkert enda engin matarlyst og facebook hefur farið í mínar fínustu taugar í dag. Mesta furða að ég skuli vera hérna og pikka þessa vitleysu hér akkúrat núna. Ég bara kemmst ekki á flug með þau skrif sem ég ætla að skila af mér hið fyrsta. Það var varla að ég hafði mig í að hella upp á kaffi í dag. Ég ætla að hafa mig í að pósta hér niður mp3. Þið getið þá spilað þetta lag hér að neðan og farið í vangadans á meðan ég argast við að leita að myndavélasnúrunni sem er búin að vera týnd í nokkra daga.

The Shadows - Sleepwalk

2010-08-13T17:55:00.002Z

Dagur djöfulsins

Í dag er föstudagurinn þrettándi sem er óhappadagur með meiru. Ég ætla ekki að telja upp ófarir mínar sem orðið hafa á þessum herrans dögum í gegn um tíðina en þær eru óteljandi og hef ég jafnan haft það sem reglu að vera inni og helst með breitt uppfyrir haus þegar þennan mánaðardag ber upp á föstudegi. Ég finn ekki myndavélasnúruna sem ég er búinn að gera dauðaleit að og get ekki convertað í tölvunni. Geri samt ráð fyrir því að það reddist eftir miðnætti.
----------------------
Hér eru svo fjórfarar. Kurt Rambis, Óttar Proppé, Ned Flanders og Walter White.

2010-08-12T08:50:00.002Z

Jæja þetta þýðir ekkert

Tölvan mín rífur kjaft og neitar að gera nokkurn skapaðan hlut sem ég skipa henni fyrir. Það verður að hafa það í bili eða þegar ég hef náð að róa mig niður. tölvur geta hreinlega gert mann reiðan. Þýðir ekki að fást um þetta, best að fara og fá sér í vörina og stika upp að vatni með veiðistöngina. Blogga bráðum meira.

2010-08-07T20:55:00.003Z

Blogga frá Danmörku, einmitt.

Danmörk er lítið land með mikið af fólki á. Ég verzlaði mér músík í plötubúð á Strikinu og svo fór ég á veitingahúsið Ankara sem reyndar er eitt ógeðslegasta veitingastað fyrr og síðar finnst mér. Ég gafst bara upp þarna inni og fór. En ég hef ekki enn asnast til að skoða Museum Erotica sem er hér nærri og svo var stungið upp á Kristjaníu en ég hef lítinn áhuga á því eftir að því ágæta porti var breytt á sínum tíma. Merkilega hranalegt lið hérna.

2010-08-04T23:13:00.020Z

Fiskifiskifisk

Ég þurfti að henda flotta góða fluguhjólinu og kaupa mér nýtt þar sem bremmsan á því gamla var ónýt og virkaði ekki djakksjitt. Samt fínt að vera kominn með nýtt og gott fluguhjól í hendurnar. Ég verslaði mér líka ákveðna gerð af flugum sem hafa reynst mér vel og fiskar eru vitlausir í. Gaman, ég var að veiða í vatni og sá að fiskar voru að sprikla við stein sem er dálítið út í vatninu. Það þurfti ekki annað en að djöflast með þessa tilteknu flugu í tíu mínútur og ég var kominn með þrjá urriða. Þetta er yndælt að vera svona út í náttúruni og láta heilann flæða frá sér ævarfornu veiðieðli frá því síðan menn voru apar. Veiðieðlið er ekkert nema genatískt minni svokallað. Svo skemmir ekki að vera með eitthvað gott ipodstuff í eyrunum á meðan.
-------------------------
Ég ætla að mæla með Klassart. Ég ætla nú ekkert að pósta neinu mp3 en má til með að benda á myspace síðuna. Ég hef verið að hlusta á síðuna og hef unað vel við. Þetta er svona sambland af blues og country sem mér fellur vel í geð. Þetta er bara mjög fínt sko og einmitt til þess fallið að hlusta á með flugustöngina á lofti eða þegar verið er að keyra eitthvað langt. Þá einmitt finnst mér best að hlusta á svona. Endilega skoða það.

2010-08-03T01:37:00.001Z

På bustad

Og þá er maður kominn heim. Búinn að typpalingast eitthvað í sumarbústað sem er notarlegt. Er búinn að éta heila brekku af bláberjum og krækiberjum og á eftir að drulla mikið vegna þess. Annars er ágætt að vera bara í borginni svona um verslunarmannahelgi og gera ekki rassgat.Öhhh.... Spurning um að finna sér DVD-mynd til að glápa á.

Gautar - Meiri Bjór

2010-07-30T00:36:00.001Z

Tesull

Ég var að prufa að sulla mér te úr Vallhumal sem er góð og sígild jurt til þesskonar brúks. Þarf svo að verða mér ut um Blóðberg. Það er gott að eiga þetta fyrir kuldann í vetur svo manni verði ekki kalt. Já ég ætla að tína dálítinn slatta af Blóðbergi og Vallhumal. Maður gerði þetta oft í sveitinni svona síðsumars. Það var þetta tedrasl og að fara í berjamó og éta sig til ólífis af berjum sem var aðal málið í gamladaga. Já og éta rabbabara, dýfa honum oní sykur og éta hann þannig. Ég á voðalega erfitt með að éta rabbabara öðruvísi. Skil ekki hvernig ég þoldi þetta helvíti þegar ég var krakki. Þetta er svo súrt maður.
---------------------------
Svo er það áin. Ég er að fara að veiða í ám og vötnum og er búinn að vera að veiða í ám og vötnum sem er líf mitt og yndi á sumrin. Nú þá er bezt að þema eitthvað í sambandi við blessaðar árnar.

Groove Armada - At The River

Elephant Man - Pon De River

John Fogerty - Moody River

2010-07-28T07:15:00.000Z

Voðavoða

Eitthvað að gerast. Barnaafmæli í dag, eldri strákurinn orðinn sexára og svo verslunarbannahelgin framundan sem verður haldin í Leirársveit og farið að veiða í vötnunum þar. Maður er nú búinn að djöflast með veiðistöng víða í sumar. Svo er ég að spá í að verða mér út um byssuleifi og fara í gæs og rjúpu á haustin. Ég þekki einn kall sem smyglaði vélbyssu inn í landið og fór með hana á gæsaskitterí. Það þarf ekki að spyrja að því en hann kom með nokkrar tættar heim. En a.m.k. þá er besti og uppáhalds mánuðurinn að ganga í garð, myrkur á kvöldin og rómantík í loftinu í bland við heyskaparkeim. Ég elska að vera einhverstaðar uppí sveit á þessum árstíma. Annars finnast mér haustin langskemmtilegust.

Alan Silvestri - Cast Away

2010-07-24T10:01:00.009Z

Gefur hraustlegt útlit og bætir meltinguna

Jahérnahér. Ég var að horfa á þessar þrjár sem fást fyrir skít og kanil í Bónus. Þetta eru nokkuð skítsæmilegar hryllingsmyndir dáldið í anda Saw og hafa það sameiginlegt að fórnarlömbin eru föst inn í húsi vegna geranda sinna. Þetta eru ljótar myndir og í þeim eru fórnarlömbin virkilega látin hafa það. ýmsa brjálsemi gefur á að líta svosem kerlingu sem vill hafa blokkina sína(sem er auð vegna óíbúðarhæfis) fulla af fólki og rænir þá bara fólki til að hafa þar inni. Svo er það maðurinn sem nýtur þess að drepa og pynta og svo eru það sombíar. Það góða við þetta er að það er ekkert allt er gott sem endar vel kjaftæði í þessu. Minnir mig stundum á dönsku hryllingsmyndina Sideste time sem er um krakka sem lokast inn í skólanum sínum ásamt brjálæðingi sem hefur það markmið að kála þeim öllum með tölu. Mig hefur stundum sinnum dreymt að ég sé lentur í einhverjum svona leiðindaaðstæðum þar sem allar útidyr eru læstar og inni gengur brjálæðingur lausum hala. Oftar en ekki tekst mér nú samt að komast út eða ganga frá helvítinu áður en hann stútar mér. Aldrei verð ég samt jafn fegin og þegar ég loksins vakna.
-------------------------------------
Og svo er það músík. Það er alltaf gaman þegar hljómsveitir gera myndbönd uppá þaki. Hér sjást nokkrir góðir Akureyringar á þaki Brekkuskóla taka lagið.

2010-07-18T19:46:00.008Z

Goz

Þá er maður staddur fyrir norðan sem er yndislegt. Ég gisti á þessum bæ sem er heimili Sigga vinar míns. Hann er alveg magnaður. Hann og þrír aðrir menn sem þekkjast ekkert, hafa spáð fyrir miklu eldgosi sem verður á næstunni og verður heljarmikið og rosalegt. Það mun valda hellings vandræðum fyrir land og þjóð vegna ösku og gosofsa. Það er merkilegt að fjórir menn sem vita ekki hver af öðrum spái fyrir miklu eldgosi sem mun þá verða á sama stað á sama tíma. Reyndar er einn þeirra eingöngu með fasta dagsetningu í huga sem er 22. Júlí næstkomandi. Hinir þrír eru með "mjögfljótlega" fídusinn á þessu. Í tilefni af þessu bögglaði saman gogg og merkti aðeins í einn reit af handahófi og merkti svo alla reitina frá einum og upp í átta og hliðarnar fjórar sem eru utan á goggnum voru merktar gulur, rauður, grænn og blár. Þá let ég Sigga velja og hann valdi bláan og og svo valdi hann 2 og svo 1 og svo 7 og samkvæmt reglunni á þessum goggaleik skal þeim tölureit flett sem valinn er í þriðja sinn og í honum stóð það sem ég hafði skrifað: ÞETTA MEÐ ELDGOSIÐ MUN STANDAST. Þetta stóð bara í þessum eina reit númer 7 enn allir hinir reitirnir voru auðir! Reyndar í sambandi við þessa dagsetningu. Siggi valdi 2 og svo 1 og svo 7 sem gæti þýtt, 21. júlí. Þetta er nú farið að verða svolítið spúgí.

-------------------------------
Og svo er það mp3 færslan en bla bla bla bla bla bla bla bla bla bla bla bla bla bla bla bla bla bla bla bla bla bla bla bla bla bla bla bla bla bla bla bla bla bla bla bla bla bla bla bla bla bla bla bla bla bla bla bla bla bla bla bla ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha.....
Primus - Hamburger Train

2010-07-14T00:14:00.003Z

Draugagangur

Draugasetrið er magnað. Fullt af draugum og djöfulgangi. Draugarnir eru alltaf skemmtilegir, þ.e.a.s. ef þeir eru ekki mikið í því að ráðast á fólk eins og Glámur eða Miklabæjar-Solveig. Þorgeirsboli lét líka eins og andskotinn á sínum tíma og hefi ég heyrt sögur af því að hann hafi látið gera vart við sig í nútímanum. Einnig hefur kona sem ég þekki orðið vör við Mývatnsskottu. Það var ákaflega magnað atvik sem ég má ekki greina frá nánar. Þorgeirsboli var magnaður. Hann fylgdi mönnum oft eftir og gerði þeim skráveifur sem hann lenti upp á kant við. Eitt sinn las ég sögu úr sveit nokkurri að drengur einn hefði um sumar farið að úti húsum og ætlað að stinga út taði og séð þar inni rauðan kálf standa í einni krónni. Gerði hann föður sínum viðvart en var þá kálfurinn horfinn úr húsi þegar að var góð. Skömmu seinna bar gest að garði sem sagt var að Þorgeirsboli fylgdi og gerði vart við sig á undan.

2010-07-09T23:36:00.004Z

Draslarí

Hananújæja ég er ekkert búinn að blogga í viku en það er vegna þess að ég var í fáránlegasta sumarbústað sem ég hef komið í og að auki var hann staddur í einhverju sumarbústaðagettói rétt hjá Hveragerði. þar sem allt er hvað ofan í öðru og asnalegt. Ég er ekki hrifinn af þessu. Heitipotturinn var samt helvíti góður og ekkert til sparað með að nota hann. Ég gat notað internet við fartölvuna mína þarna en vegna nísku nýtti ég ekki viðkomandi netsamband og bloggaði auðvitað ekki. Nennti heldur ekki að fara í banka og nota tölvu þar. Nennti hreinlega engu og heimsótti engan sem ég þekki þarna á suðurlandinu. Ég var helst bara í pottinum og át grillmat. Jú svo komu gestir líka.
-----------------------
Pönk er pönk. Ef þú fílar pönk þá ertu pönkari. Reyndar, maður er ekki alvöru pönkari nema að hafa verið til á pönktímabilinu og fílað pönkið þá. Uh.... ég var til á þessum tíma en þá var ég slefandi og drullandi í bleiur og að berjast við að læra að standa í lappirnar og ganga. Að vísu voru frænkur mínar sem bjuggu heima hjá mér alltaf að spila pönkið svo að það er sennilega með því fyrsta sem ég heyrði. Það voru mest Grýlurnar og Egó og mér fannst gaman að hlusta á það sem þær voru að spila, anginn að tarna. Svo var það Rokk í Reykjavík platan sem varð eihverra hluta eftir þegar þær fóru og ég var alltaf að hlusta á hana. Stóribró átti svo Tappa Tíkarrass plötu. Lagið hér að neðan er svona alvöru pönklag og með þessum líka úrvals hype-ending. Hlustið bara.

Tappi Tíkarrass - Mýrin andar

2010-07-02T00:42:00.003Z

Gleðilegt rok

Það er búið að rigna í allan dag og mér skilst að það eigi líka að rigna á morgun. Það eru voða margir sem eiga erfitt með að hemja eigin skapgerð þegar hann byrjar að rigna. Þeir verða þungyndir og leggjast upp í bæli. Mér leiðist hinsvegar rok. Aldrei hægt að gera neitt af viti úti ef það er rok. Ég hata þegar ég er að veiða og það byrjar allt í einu að rjúka úr einhverri áttinni eins og karmalöggan hafi séð til mín við ánna eða vatnið að veiða. Djöfull hata ég það. Mér þykir í sjálfu sér ágætt að fá dembur. Það yrði nú ljótan ef það ringdi aldrei. En lognið er samt alltaf best, gildir einu hvort það er hiti eða grimmdar djöfulsins frozt. Þá er lognið alltaf best og fínt að það rigni dáldið líka í logninu. Helzt þá ef ég er einhverstaðar í grenndinni að renna fyrir fisk. Þið getið svo dillað ykkur við þessi lög ef sólin fer að skína aftur.
Vonandi gerir hún það bráðum.

Gupo Voz De Mando - A Los Amogos

Márcio Faraco - Feitiço Da Vila

2010-06-30T00:40:00.003Z

Lögguhasar

Síðastliðna nótt vakti löggan mig með því að berja að dyrum og sagði við mig, manninn sem var búinn að sofa seinustu tvo klukkutímana að hringt hefði verið og kvartað út af hávaða úr íbúðinni(sem ég lá sofandi í). Þetta var eitthvað brambolt og eins og verið væri að ganga í skrokk á einhverjum og svo öskur. Einn lögreglumaðurinn talaði eitthvað um setningar eins og "Ég skal drepa þig". Ég er varð nú ekkert var við nein læti heima hjá mér en það var að vísu talað um læti þegar ég fór að spæja málið daginn eftir en þau voru ekki í minni íbúð. Annars er ég nú ekki vanur að vera með slíkan djöfulgang heima hjá mér eða þá að ráðast á heimilisfólk í mínum húsum. Annars eru nú sittlítið af furðufuglum í þessari blokk. Kerling sem talar aldrei og tekur ekki undir kurteisiskveðjur á borð við "góðan daginn" Eitt sinn bauð ég góðan daginn en hún herti bara á göngunni og strunsaði með innkaupapokana sína inn til sín. Svo er kjafta kerling í húsinu sem er með augun í hnakkanum og á snípnum og veit allt um alla og veit líka flest um alla í næstu blokk. Svo er það geðveika kerlingin. Hún sér pöddur og skordýr út um allt og er hin dólgslegasta með að leggja kjaftakerlinguna í einelti. Inná þessu liði hangir oft eitthvað misgáfulegt lið sem er víst til að vera með barsmíðar og líkamsárásir. Kannski kom þessi hávaði frá annarri íbúð hérna í húsinu og einhverjum stútað sem finnst þá ekki fyrr en ég fer að finna nálikt og hringi á lögregluna. Það gæti alveg verið. Þá get ég skammað löggukallana sem komu til mín og vöktu mig um hánótt með því að fara ramba ekki á rétta íbúð. Hver veit.

2010-06-28T19:59:00.011Z

Demo og take one

Það er nú meiri fjársjóðurinn þegar maður dettur niður á kasettu fulla af 13 ára gömlum rugliupptökum sem ég og Finnur tókum upp í ölæði, enda við báðir virkir og bullandi alkar í þá daga. Eitthvað tengist þetta ástarsorgum okkar beggja. Kærastan ný búin að dömpa kallinum og ég í tjóni eftir að hafa verið hafnað af stelpuskjátu sem ég var skotinn í og allt í veseni. En þá settumst við niður með gítar og hljómborð og útkoman varð þessi og textarnir eru ekki við hæfi barna. Ég held að á seinna laginu séum við eitthvað að reyna að apa eftir The Beatles þeð með því að setja trommuendi við lagið eins og þeir gerðu með Strawberry Fields Forever. Ég veit það svo í sjálfu sér ekki afhverju við kölluðum lagið sem ég póstaði hér að neðan "Hið fallega og hið ljóta" frekar en "Hosuþjapparinn". Ég kýs að nefna það hosuþjapparann. Ég þakka svo doktornum kærlega fyrir tæknilega aðstoð við að koma þessu af kasettunni yfir á tölvutækt form.

Stonekey & Spritti - Hosuþjapparinn(demo)

Stonekey & Spritti - Hosuþjapparinn(take1)

2010-06-23T18:32:00.002Z

Mín saga er dásamleg

Úrslit voru gerð kunn í glæpasmásögukeppni Mannlífs og Íslenska glæpafélagsins í dag, sagan mín sökkaði og komst ekki einu sinni í blaðið, enda gengur snillingum alltaf illa í þegar þeir byrja í bransanum. En hér að neðan getur þú lesið söguna sem ber heitið Hallgrímur:

Hallgrímur

Hún stóð við Hallgrímskirkju og horfði upp eftir kirkjuturninum og á þungskýjaðan himininn. Freydís sá á útliti skýjanna að þessi dagur yrði ábyggilega jafn ömurlegur og síðustu dagar, vikur og mánuðir. Foreldrarnir báðir upp á spítala með litlabróður og hún sjálf á vergangi.
Litlibróðir Freydísar hafði veikst skömmu eftir fæðingu og til stóð að hann færi í aðgerð erlendis en nú var komin kreppa og búið að skrúfa fyrir allar fjárveitingar í læknisaðgerðir til útlanda. Slíkt þurfti fólk orðið að greiða úr eigin vösum og foreldrar Freydísar ekki efnaðasta fólkið í bænum. Foreldrarnir stóðu uppi atvinnulaus með alvarlega veikt barn í höndunum og að auki í einbýlishúsi sem nánast var komið undir hamarinn. Þá voru náttúrulega ekki til peningar til að fara með fárveikt barnið í aðgerð erlendis. Aðgerð þar sem fólk kom nánast undantekningarlaust fullbata heim aftur. Freydís bölvaði í hljóði. “Bara að ég gæti nú útvegað peninga fyrir meðferðinni”, hugsaði Freydís og saug hor upp í nefið. Hún og skálmaði með blauta hárlokkana í átt að dyrum Hallgrímskirkju, framhjá fína svarta fornbílnum sem skreyttur var hvítum borðum og fallegum slaufum. Freydís hugsaði með sér að kannski ætti hún að biðja til guðs. Setjast einhverstaðar niður inni á kirkjubekk og biðja guð um hjálp. Vona að guð myndi lækna litlabróður eða gera bara eitthvert kraftaverk. Fjárhagslegt happ svo að bróðir hennar kæmist til útlanda í læknismeðferðina. “Aumingja litlibróðir”, hugsaði Freydís og fékk tárin í augun. Þau runnu niður kinnarnar í bland við regndropana. Hún labbaði upp kirkjutröppurnar og kom í anddyri kirkjunnar og inn að lokuðum dyrum inn í sjálfan kirkjusalinn. Freydís opnaði dyrnar og ætlaði að labba inn í þegar kirkjuvörðurinn sem stóð þar nærri kom askvaðandi að vísaði henni burt.
- Snáfaðu stelpa, hvæsti vörðurinn. Það er verið að gifta fólk hérna.
Freydís snérist á hæli og gekk í burtu.
- Æi bansetta giftingapakk, tautaði hún. Snobbhænsn.
Hana langaði svo til að biðja í kirkjunni. Biðja til guðs. Kannski ætti hún líka að biðja til Hallgríms Péturssonar. Hún var nú á annað borð stödd í kirkju sem nefnd var eftir honum. Freydís kom auga á afgreiðsluborð sem seldi ferðamönnum miða upp í Hallgrímskirkjuturninn en þar var enginn maður og alveg við útidyrnar stóð passamyndasjálfsali. “Best að ég fari þarna inn og biðji til guðs”, hugsaði Freydís.
Hún settist inn í sjálfsalann og dró tjöldin fyrir. Hún vissi ekki hvernig hún ætti að byrja, hvort hún ætti að byrja á að tala til guðs eða Hallgríms eða fara bara fyrst með bæn til að byrja með. Ósjálfrátt spennti hún þó greipar og byrjaði:

Faðir vor og Hallgrímur Pétursson,
Þið sem eruð á himnum.
Helgist ykkar nöfn.
Til komi ykkar ríki.
Verði ykkar vilji svo á jörðu sem á him.....

Allt í einu stoppaði Freydís bænina þegar hún heyrði einhvern koma hlaupandi inn í anddyri kirkjunnar. Síðan var rekin hendi í einhverju snarhasti inn fyrir tjöld sjálfsalans og lítil skjalataska var látinn detta til fóta hennar. Krumlan hvarf svo jafn skjótt og hún kom. Freydís rak höfuðið út um sjálfsalan, forvitin yfir þessum látum og sá á eftir manni í frakka og með hatt hlaupa inn í kirkjuna og í átt að brúðhjónunum. Þar á eftir kom annar maður í fjólubláum flauelsjakka á harðaspretti. Hún leit niður á töskuna. “Hvaða taska er nú þetta”, hugsaði hún með sér.
-----------
Haustregnið var eins og hellt væri úr fötu. Svona úrhelli hafði ekki orðið mánuðum saman. Rannsóknarlögreglumennirnir Jón gamli Þorsteinsson og ungur félagi hans Helgi, sátu í rólegheitum í gamla Volvóinum hans Jóns og vöktuðu húsið af yfirvegun.
- Djöfulsins rugl, sagði Helgi. Þú veist að við eigum ekki að gera svona rannsóknir upp á eigin spýtur.
- Rólegur strákur, sagði sá gamli. Við erum bara rétt að sjá hvernig landið liggur. Helgi bölvaði í hljóði. Hann dauðsá eftir því að hafa ekki farið strax með málið til fíkniefnalögreglunnar. Frekar hafði hann farið með málið til gamla sérvitringsins sem fór þá að ráðskast með þetta.
- Ég átti allavega frí í dag, sagði Helgi. Alveg þangað til að þú komst heim og reifst mig upp á rassgatinu í þetta stakeout.
Helgi hafði af tilviljun heyrt til tveggja manna inná klósettinu á Hlemmi. Þeir höfðu verið að skiptast á peningum og fíkniefnum. Helgi hafði svo veitt öðrum þeirra eftirför og séð hann labba inn í hús við Þingholtsstræti. Og núna voru þeir þarna fyrir utan bárujárnhúsið, og ekki einu sinni á vakt.
Helgi sem var að drepast úr hungri og tók upp heimatilbúinn matarbakka sem hann geymdi í plastpoka. Hann fór að troða í sig óupphitað hakk og spagettí þarna í bílnum. Jón horfði á Helga án þess að blikka auga. ”Djöfull étur hann ógeðslega”,hugsaði hann með sér.
- Hvað ertu að éta nestið þitt í bílnum mínum, tuðaði Jón.
Helgi svaraði ekki, enda að troða í sig.
- Er þetta gott?
- Nei.
Aðeins hungrið fékk Helga til að hakka matinn í sig. Hann hafði ekkert étið þennan dag vegna sterkrar þynnku. Honum var enn hálf illt og langaði helst til að æla öllu aftur þegar hann var búinn með matinn. Helvítis þynnkan var að gera hann vitlausan enda hafði Helgi hellt sig vel fullan kvöldið áður og vaknað þennan dag við hliðina á konu sem hann þekkti ekki og í húsi sem hann vissi ekki hvar var. Það hefði þess vegna getað verið á Egilstöðum, svo óminnugur var Helgi á atburði næturinnar. Helgi hafði svo farið heim og verið tiltölulega nýlagstur útaf og sofnaður þegar Jón gamli bankaði uppá og fékk hann til að fara með sér út.
Og áfram héldu þeir innan um haustlaufin og helliregnið að vakta húsið.

- Helvítis djöfulsins djöfull sagði Óli um þegar hann gægðist út um kjallaragluggann.
- Er andskotans Volvóinn ennþá í götunni, spurði Brynjar.
- Já helvítis fíflin vita af okkur hérna.
- Ertu viss um að strákurinn sem þú sást í sé í löggunni.
- Hundrað prósent á því. Ég sá hann svo greinilega þegar ég var á leiðinni hingað áðan. Ég labbaði framhjá þessum Volvó. Gamli kallinn er líka í löggunni.
- Fjandakornið, sagði Brynjar og strauk sér í framan.
Hann horfði niður á líkið af gamla manninum sem hann hafði drepið um morguninn.
- Já og helvítis fljótfærnin í þér alltaf, hvæsti Óli. Þetta var kannski fullmikið að kála kallinum
- Hann ætlaði að stinga af til útlanda með kerlingunni sinni með alla peningana sem við létum hann geyma. Ekki mikið vit í því að missa tugi milljóna einhvern andskotann út í heim.
Dálítið brölt heyrðist frá kústaskáp við vegginn þar sem Brynjar stóð í blóði gamla mannsins.
- Og kerlingin, sagði Óli. Ekki höfum við hana keflaða inn í skáp til eilífðarnóns.
- Það finnur hana einhver bráðum, sagði Brynjar og byrjaði að sparka og öskra við kompuhurðina.
- Hættu þessu helvítis brölti þarna kerlingatussa eða ég brýt af þér hausinn.
Óli stökk að félaga sínum og reif hann í hálsmálið.
- Hættu að öskra, hvæsti Óli. Það er verið að fylgjast með húsinu fáviti. Það sem við þurfum að gera er að finna undankomuleið. Við tveir og peningataskan þurfum að komast út og í bílinn sem er í næstu götu og þaðan upp á flugvöll.
- En kókið, sagði Brynjar og klóraði sér á höfðinu. Það er hálft kíló hérna ennþá og slatti af hassi líka.
- Til andskotans með það, sagði Óli. Förum til Brasilíu með peningana, njótum lífsins og látum ekki sjá okkur hérna framar. Aldrei.
Óli lagaði á sér dökka hárið sem náði niður á mitt bakið. Hann horfði á félaga sinn sem hafði blóðslettur í andlitinu og var í alblóðugri peysu. Steikarhnífurinn sem hann hafði rist gamla manninn upp með lá í blóðpollinum við líkið.
- Hvað eigum við að gera við’etta, spurði Brynjar og horfði á líkið af sjötugum manninum.
- Drullaðu þér bara í sturtu ég held að ég sé búinn ég hugsa upp áætlun, sagði Óli og virti fyrir sér kápu og frakka þeirra hjóna. Hann kom auga á staf og hatt gamlamannsins.

Helgi sat og dottaði í bílsætinu á meðan Jón sat og keðjureykti. Hann var að spá fyrir alvöru að hætta þessu bölvaða smókaríi. Enda búinn að reykja í meira en fjörutíu ár. Hann drap í og ætlaði að lækka smá í harmonikkutónlistinni sem hann var með í gangi en varð það á að snúa volume takkanum öfugt og botnaði hátalaranna í bílnum. Bílrúðurnar léku á reiðiskjálfi og Helgi hrökk upp organdi við það kominn að fá taugaáfall.
- Djöfulsins kallandskoti öskraði Helgi og reyndi í jafnmiklu fáti og Jón að lækka niður í tækinu.
- Fyrirgefðu, sagði Jón þegar hann var búinn að lækka tónlistina
Honum hafði einnig hafði brugðið dálítið við þessi mistök.
- Þú drepur mig.
Helgi fálmaði innan í fjólubláa flauelsjakkann sem hann var í og náði sér í sígarettu. Hann opnaði rifu á gluggann.
- Er ekkert að gerast, spurði Helgi.
- Þetta er allt voða rólegt, sagði Jón.
Helga varð flökurt við reykingarnar og henti sígarettunni út um gluggann.
- Ef ekkert gerist á innan við hálftíma þá er ég farinn heim og þú lætur fíknó vita af þessu. Ég stend ekki í þessu þar sem ég er á frívakt. Ég þarf að komast að fá mér afréttara.
- Gott og vel, sagði Jón. Við skulum bara renna af stað núna. Ég læt strákana hjá fíknó vita.
Jón kveikti á bílnum.
- Nei heyrðu, sagði Helgi og sperrti sig.
- Hvað ?
- Nei ekkert, sagði Helgi. Þetta eru bara gömul hjón sem eru að ganga þarna út úr húsinu.
Jón sem var búinn að setja bílinn í dirve og stóð á bremmsuni varð starsýnt á þessi gömlu hjón. Þetta var maður í frakka með hatt og staf og gömul kona í kápu með silkiklút á höfðinu. Hún hélt á veski og gamli maðurinn var með netta skjalatösku í hendinni.
- Þetta er heldur stór kerling, sagði Jón og renndi bílnum rólega af stað.
- Hvað meinarðu ?
- Ertu fattlaus drengur, tautaði Jón. Þetta er ekki gamalt fólk.
Helgi horfði á eftir þessu meinta gamlafólki labba eftir götunni. Þetta voru tveir menn í dulargerfi.
- Andskotans fífl, sagði Helgi.
Jón vissi ekki hvort Helgi væri að tala um sjálfan sig eða hjónin.
- Farðu á eftir þeim, sagði Jón. Ég hringi eftir aðstoð.
Helgi dæsti.
- Já, áfram strákur.
Helgi steig út í rigninguna og labbaði á eftir hjónakornunum. Maðurinn í kápunni leit aftur fyrir sig og hertu þau á göngunni þegar þeir vissu um Helga labbandi á eftir sér.
- Heyrið mig, kallaði Helgi.
Hjónin hertu enn á göngunni.
- Halló, kallaði Helgi.
Félagarnir litu báðir við en á augabragði stukku þeir hlaupandi í sitthvora áttina og með því sama stökk Helgi á eftir manninum í frakkanum upp Laugaveginn. Það var Helga til happs að þegar hlaupin bárust inn á Þingholtstræti, þá var lögreglubíll var ferðinni um Laugarveginn og rétt kominn að horni Laugavegs og Þingholtsstrætis. Helgi náði á hlaupunum að fanga athygli lögreglumananna með því að hoppa orga og blístra og benti á eftir manninum í frakkanum. Lögreglumaðurinn sem ók lögreglubílnum þekkti Helga og setti því blikkljósin á og beygði upp Þingholtstræti á eftir þessum hlaupagörpum.
“Helvítis fífl”, rumdi Helgi á stökkinu yfir matarskilti sem frakkamaðurinn hafði velt um koll á eftir sér.
Hlaupin bárust alla leið upp að Hallgrímskirkju þar sem dólgurinn hljóp inn í kirkjuna en þar var verið að gifta ungt par.

Loksins var stóri dagurinn runninn upp. Þóranna var komin upp að altari, klædd í brúðarkjólinn. Maðurinn sem hún elskaði stóð gegnt henni og af lotningu heyrði hún ekki orð prestsins.
- ....vilt þú ganga að eiga Jón Hallvarðsson sem eiginmann þar til dauðinn aðskilur ykkur.
Þóranna stóð og horfði á Jón eins og dáleidd.
- Halló, sagði presturinn.
Þóranna hrökk upp af ástardáleiðslunni.
- Ha... Já... ég vil það, sagði Þóranna.
Þá lýsi ég ykkur sem hjó ........
Skyndilega var hurðinni lokið upp og inn hljóp maður með hatt og í frakka. Á eftir honum kom á harða spretti maður klæddur í bláan flauelsjakka eins og hann hefði verið úti á lífinu. Þeir enduðu báðir við fætur brúðhjónanna uppi við altarið. Allir stóðu og upp og störðu á þessi ósköp þangað til að tveir fílefldir lögreglumenn komu askvaðandi inn á eftir þeim og virtust hafa meiri áhuga á að ná manninum í frakkanum heldur en þeim flauelsjakkanum. Þeir smelltu manninn í járn og létu hann standa upp.
- Fyrirgefið, sagði Helgi við altarið og lagaði flauelsjakkann. Við erum lögreglan og eltum þennan mann alla leið hingað. Ég vona að það hafi ekki truflað.....
Helga greip í skyndingu um magann. Hann hafði gleymt hversu þunnur hann var ennþá og magainnihaldið, hakk og spaghettí var orðið að bullandi kviku sem þurfti að brjótast úr strax eftir hlaupin. Brúðguminn og svaramaðurinn sem og allir gestir kirkjunnar urðu þess aðnjótandi að sjá brúðina og prestinn fá ljósbrúna æluna yfir sig. Helgi sem nú var búinn að æla út brúðina og prestinn. Fór allur í fát.
- Uh, sagði Helgi og þurrkaði munninn með erminni. Fyrirgefið.
Hann hraðaði sér út og tók upp farsímann. Hinir tveir fylgdu á eftir með þann frakkaklædda á milli sín.

Freydís seig út úr passamyndasjálfsalanum og horfði á eftir lögreglumönnunum tveim sem elt höfðu mennina inn í kirkjuna. “Hvað var um að vera”, hugsaði hún með sér. Hún helt á töskunni sem fleygt hafði verið til hennar inn í sjálfsalann. Lögreglumennirnir og maðurinn í flauelsjakkanum virtust vera að yfirbuga manninn með hattinn og frakkann. Hún fylgdist með lögreglunni færa manninn í handjárn reisa hann upp. Síðan sagði flauelsjakka maðurinn eitthvað við prestinn.
- Oj, sagði Freydís og gretti sig um leið og maðurinn í flauelsjakkanum ældi yfir prestinn og brúðina.
Hún stökk til baka og faldi sig aftur í passamyndasjálfsalanum þegar hún sá að lögreglumennirnir fóru að drösla manninum út. Maðurinn í flauelsjakkanum var talandi í farsímann þegar og nam staðar í anddyrinu rétt við sjálfsalann.
- ...Já við náðum helvítinu, sagði Helgi. Hvað segirðu, fór hitt fíflið inn á kaffihús og faldi sig inn á klósetti. Hvað segirðu? Taska? Full af peningum? Nú já er það tuttugu og fimm milljóna fíkniefnagróði? Hann hefur sett hana frá sér einhverstaðar. Hún hlýtur að finnast þessi taska.
Skyndilega kúgaðist Helgi.
- Ég hringi á eftir ég þarf að finna mér eitthvað klósett hérna.
Helgi skaust eins og stálfjöður inn á nærliggjandi salerni og það næsta sem Freydís vissi var að flauelsjakkamaðurinn var ælandi þar inni.
Hún leit á töskuna sem hún var með í höndunum. Hún heyrði manninn segja að einhver taska full af peningum. Full af fíkniefnagróða. Hún opnaði lásana sitthvoru megin framan á töskunni og leit ofaní hana. Það var satt Hún var sneisa full af fimmþúsundköllum. Nú skyldi svo illagert fé aldeilis fá að gera góða hluti fyrir lítinn veikan strák sem þurfti að komast til útlanda í læknisaðgerð. Freydís lokaði töskunni ofurhægt og gægðist svo varlega út um rifurnar og sá að búið var að loka inn í kirkjuna og maðurinn í flauelsjakkanum var ennþá ælandi inn á klósetti. Hún smeygði sér úr sjálfsalanum og gekk hröðum skrefum út og sá lögreglumennina tvo berjast á hæl og hnakka við að koma þeim frakkaklædda inn í lögreglubílinn sem vildi illa við una.
Og glöð og reif gekk Freydís heim til sín. Ánægð í hjarta sínu yfir að geta fært foreldrum sínum þetta mikla fé svo að litli bróðir hennar gæti nú fengið meina sinna bót í útlöndum. Hún þakkaði líka Guði fyrir bænheyrnina en síðast en ekki síst þakkaði hún líka Hallgrími Péturssyni.

Endir

2010-06-20T09:44:00.002Z

Amma þín hvað?

Þunglyndi pungbindi þunglyndi pungbindi þunglyndi pungbindi þunglyndi pungbindi þunglyndi pungbindi þunglyndi pungbindi þunglyndi pungbindi þunglyndi pungbindi þunglyndi pungbindi þunglyndi pungbindi þunglyndi pungbindi þunglyndi pungbindi þunglyndi pungbindi þunglyndi pungbindi þunglyndi pungbindi þunglyndi pungbindi þunglyndi pungbindi þunglyndi pungbindi þunglyndi pungbindi þunglyndi pungbindi þunglyndi

2010-06-18T10:32:00.009Z

Peningar og plötur

Mér áskotnuðust þessir seðlar. Þetta var nammi peningurinn einu sinni í viku þegar maður var sirka sex ára, brúnn fimmtíukróna seðill með Guðbrandi Þorlákssyni(1541-1627). Helvíti hefur hann Guðbrandur náð að verða gamall. Svo er það græni hundraðkallinn með Árna heitnum Magnússyni en hann fæddist s.k.v. uppl. á seðlinum 1663 en svo dó hann árið 1730. En þegar ég varð eitthvað eldri, átta ára eða eitthvað eða þegar þeir hættu að prenta út þessa fínu brúnu seðla, þá var nammipeningurinn hækkaður upp í hundraðkallinn hverja viku. Svo þegar hundraðkallinum var breytt í klink, var löngu búið að leggja af vikulega nammipeninga til mín sökum aldurs og of hárra tekna af vinnuskóla og svo síðar Laugafisks. Gaman að eiga svona seðla.
--------------------------------
Ég var að kaupa mér plötuspilara. Það er góð fjárfesting og nú get ég rippað yfir á mp3 það sem ekki er fáanlegt af vínyl með öðrum hætti. Ég hlustaði mikið á plötur á tímum nammi peninganna. Þetta voru vínylplötur Gæja bróður. Ég var hrifinn af pönkinu og þeytti Rokk í Reykjavík af mikilli ástúð. Svo átti hann þessa plötu með Tappa Tíkarrass sem ég snéri undir nálinni af alúð. Ekki skemmdi það að trommari hljómsveitarinnar Guðmundur Gunnarsson sem nú trommar með Fræbbblunum flutti í sveitina heima. Vappaði ég oft í kringum hann þar sem hann var kokkur á hótelinu á Laugum. Það var fjör.

Tappi Tíkarrass - Get ekki Sofið

2010-06-14T10:20:00.005Z

Lofttæmi

Stundum langar mig ferlega að skrifa. Maður veit að handan við hornið er eitthvað magnað sem maður veit að maður getur spunnið upp og samið. Það eru kringumstæður, samtöl og atburðarrásir sem ég næ ekki að koma frá mér. Puttarnir neita að pikka á lyklaborðið heilinn neitar að drífa heilastöðvarnar. Allt er lamað og engar hugdettur koma í ljós. Viti þið hvað þetta er kallað. Það kallast lofttæmi. Það er ekkert á seyði og ekkert að gerast. Engin þungi. Ekkert flæði né hreyfing. Engar sveiflur, blæbrigði né breytingar. Og ef hlustað er grannt, heyrist hvorki tónn, hrynjandi nér taktsláttur. Bara..... alls ekkert. Þannig er líf mitt orðið. Lofttæmi.

2010-06-12T11:59:00.009Z

Kaffiandinn tekur völdin

Kaffiandinn sem Þórbergur Þórðarson talaði stundum um. Ég veit ekki havaða fyrirbæri það er. Sennilega einhver draugur sem drekkur kaffi í gegn um fólk eins og þessar sálir látinna alkóhólista drekka vín í gegn um fyllibyttur sem ennþá lifa á jörðinni. A.m.k. lét þessi kaffiandi mig drekka þrjá sterka kaffiskammta í morgun. Kannski er þetta sjálfur Þórbergur sem drekkur kaffið í gegn um mig. Ég veit allavega að það eru til draugar sem drekka brennivín í gegn um fólk og þeir voru nokkrir draugarnir sem fengu sér neðan í því í gegn um mig þegar ég var hvað virkastur í mínum alkóhólisma. Hvort það var Þórbergur sem þarna var á ferðinni veit ég ekki. Veit ekki til þess að hann hafi verið neitt sérstaklega blautur í lifanda lífi en hann drakk samt brennivín og hann bruggaði ásamt eiginkonu sinni áfengan drykk sem þau kölluðu Þorláksdropa. En ég hef nú ekki lesið um það að hann hafi verið alki. Og þó ég þekkti mannin aldrei. Getur vel verið.
---------------------------------
Þetta er ágætt lag. Hlustaðu á þetta segi ég.
X - Nausea

2010-06-12T11:06:00.000Z

Vhaaaaa

Múhahahaha

2010-06-04T11:38:00.003Z

Hugdettur heilans

Mig dreymdi í nótt að ég væri í heimsókn hjá Björgvin Halldórs og fjölskyldu. Ég spjallaði töluvert við kallinn en þó meira við kellinguna hans og Svölu. Svo að loknu molakaffi fórum við Krummi á rúntinn.
Meira ruglið
---------------
Þetta er mynd sem ég fíla vel. Þetta er svona þjóðvegatryllir ef svo má að orði komast. Músíkin í þessari mynd er líka góð. Þeir nota country, blues og dálítið af svona slow rock í ræmuna.

2010-06-03T21:49:00.005Z

Ósjálfgjafa

Lítið verið að gera þessa dagana nema bara að tippalingast eitthvað í leti og leiðindum. Aðeins skroppið að veiða en þó mun minna en ég hefði ætlað. Jú ég fór í sund í fyrradag og kjaftaði frá mér allt vit í heitapottinum. Svo í sturtunni á leiðinni uppúr sá ég lókinn á einum borgarfulltrúa sem ég man aldrei nafnið á. Á þeirri stundu dó eitthvað innra með mér. Það er ekki sjálfgefið að sá typpi á borgarfulltrúa og sleppa heill frá því. Ég og vélstjórinn komumst reyndar að því í síðasta túr að það er ekkert sjálfgefið sama hversu sjálfsagt það lítur út fyrir að vera. Það eina sem er sjálfgefið er að við drepumst einn daginn, hvert og eitt. Og þó, er það ekki hreinasta andskotans tilviljun að það hafi kviknað líf hérna á þessum stóra bolta hvernig getur þá verið sjálfgefið að eitthvað deyi sem ekki hefur þau forréttindi að lifa. Nú svo í Kristnihaldi Undir Jökli talaði Laxness eitthvað um líf sem væri gengið svo langt að það gæti ekki dáið. Það væri nú ljóta vesenið að fæðast inn í svoleiðis líf.
Ég er kominn með hausverk af því að hugsa.
----------------------------
Geisladiskar og aftur geisladiskar. Ég fór og keypti mér slatta af geisladiskum í dag, innlenda og erlenda músík en ekki náð að rippa þá þar sem tölvan mín er með eintóma stæla og rífur bara kjaft. Þá verður ekkert mp3 póstað neitt af þeim diskum að þessu zinni. Það þýðir ekkert að grenja yfir því neitt þá er bara að pósta hérna einhverju öðru annarsstaðar frá. Það er þá Lynyrd Skynyrd. Góður diskur sem ér er fyrir löngu búinn að týna en rippaði sem betur fer á sínum tíma.
Lynyrd Skynyrd - I Aint The One

Lynyrd Skynyrd - Things Goin

Lynyrd Skynyrd - Mississippi Kid

2010-05-30T22:50:00.004Z

Jebote patax

Rosalega var mokað af lúðu um borð í túrnum. Annars var það bara Keila og Blálanga. Sucks...
-----------------------
Meiri skemmtilegheitin í hausnum á mér þegar ég sef. Mig dreymdi hér eina frívaktina að ég hefði gelst. Ekki veit ég hvað beitingarvélahnífur var að gera í hagkaup í Skeifunni en helvítis hnífurin lenti í pungnum á mér. Það var svosem ekkert sárt, heldur svona "Æi hvaða vesen". Ég labbaði út til að komast til læknis og skúraði á eftir mér blóðslóðina með þvegil. Svo í dyrunum mætti ég manni sem einnig var eitthvað í vandræðum með tólið á sér og ætlaði að finna þvagfærasérfræðing inn í Hagkaup vegna forhúðarþrengsla.

2010-05-24T22:40:00.000Z

Langt stím

Þá er best að rífa dálítið kjaft núna. Ég er kominn á sjó og verð þar næstu daga en er eftir þessa fáeinu daga komin í gott frí. Það er jákvætt. Það sem er náttúrulega neikvætt er að við erum að sigla úr net og símasambandi eitthvað lengst suðvestur í djúpasta helvítis rassgat til að ná í meira af andskotans Keilu og Löngu. Verðlaust rusl eða verri verðleysa en Ýsa og Þorskur. Jæja en ég ætla ekkert að væla. Það er langt og gott leyfi framundan hjá mér. Ég er að hugsa um að vita hvernig kokkurinn hefur það og vita hvort ég geti ekki fengið mér í nös hjá honum. Íslenst neftóbak að sjálfsögðu. Hann er allavega búinn að setja rúgbrauð og síld á borðið hérna. Rúgbrauð síld og svo í nefið.

2010-05-16T11:15:00.002Z

No Alcohol

Furðulegt, það eru liðin ellefu ár síðan ég játaði mig sigraðan í stríðinu við Bakkus konung og hef ég ekki bragðað á brennivíni eða notað önnur hugbreytandi efni síðan. Samt ótrúlega stutt síðan og merkilegt að maður skuli ekki fyrir löngu vera dottinn í það aftur miðað við allt sem búið er að ganga á á þessum tíma. Mótlæti herðir mann sagði mér vitur maður. Held að það sé rétt. Ég hef líka haft í nógu að snúast en að vera drekkandi brennivín alla daga. Annars er sama tuggan búin að vera í gangi lengi. Líf mitt kallar á breytingar en kallar samt ekki á brennivín eða önnur efni sem bjóðauppá boðefnasvindl
---------------------------
Mp3 að þessu zinni er nokkuð gott en Death Cab For Cutie er amrísk hljómsveit sem var stofnuð einhvern tímann í helvítinu í Bandaríkjunum. Held að það hafi verið nítíu og eitthvað. Ef þú vilt vita hvenær þá getur google bara verið vinur þinn. Sumt af þessum lögum þeirra eru nú alveg ágæt en mörg lögin eru nú líka hreinasta eitur í eyrun. Þið verðið bara að hlusta og sjá svo til.

Death Cab For Cutie - Summer Skin

Death Cab For Cutie - California

Death Cab For Cutie - Someday You Will Be Loved

2010-05-14T08:54:00.006Z

Rassgatus typpalingus

Það er nú ekkert svakalegt afrek að skrifa. Maður sér hvað kemur út úr þessu. Allavega þá er ég búinn að senda eitt stykki sögu í glæpasmásögukeppni Mannlífs. Það er sumsé Gaddakylfan sem barist verður um. Ég var of seinn í fyrra. En það var í fyrra og bíttar engu lengur. Sjáum hvað setur með litla fléttu af morði, smygli, stakeout, brúðkaupi og grenjandi ungling. Það er nú það.

Kareem Abdul-Jabbar spilaði með Milwaukee Bucks(69-74) og með L.A. Lakers(75-88). Hann var mesti og besti körfuboltaleikmaður ever. Ég fékk þennan bol loksins heim sem ég hafði pantað af ebay fyrir mánuðum og mannsaldri síðan. Ég reyndi að panta mér svona eintak fyrir ári en það klikkaði eitthvað hjá mér þetta ebay sístem. En nú er bolur sumarsins s.s. komin í mínar hendur. Æði.
------------------
Ekkert mp3 verið nýlega enda ekkert verið sérlega afkastamikill síðustu mánuði á þessari síðu. Það kemur til af miklum geðsveiflum, þunglyndi, tourette og öðrum andsetningum og umskiptingum. Það stendur til bóta. Bóta, heyriði ekkert. Smá techno remix hérna handa ykkur núna ormarnir ykkar.

Base Attack - Techno rocker(rob mayth remix edit

2010-05-11T08:12:00.003Z

Lesið bækur

Jæjahhh, ég er kominn í frí. gott mál. Er búinn að lesa Horfðu á mig, eftri Yrsu Sigurðardóttur. Skemmtileg lesning þar. Ég las líka Ösku. Ekki eins skemmtilegt. Er að spá í að lesa Þriðja táknið. Ég er farinn að veiða núna. Bæ.

2010-04-20T21:38:00.008Z

Hvern andskotansdjöfulinn

Ég keypti sódastrímtæki á dögunum. Jákvætt. Ég fer á sjóinn á morgun. Neikvætt. Mig langar ekkert þangað núna. Hef ekkert að segja. Er kominn með fríiðbúiðþunglyndi. Þunglyndi pungbindi. vonandi fiskast eitthvað. Er ekki bezt að fá sér eitthvað að éta núna. Núðlur, nei. Rugfras, nei. Hita upp pottrétt frá í gær, nei. Ert ekkert til hérna ? Jú, sódastrím og Maarud. Veiiii......... Ég er farinn í búðina að versla eitthvað að éta. Ísskápurinn er tómur. Trallala
--------------------
Mobiles - Drowing In Berlin

2010-04-17T13:38:00.002Z

já já já já já já já já já

Maður verður að vera jákvæður og brosa. Jákvæmur og brosna eins og útlendingur nokkur sagði. Það er komið vor og maðkurinn er vaknaður heyrði ég víst. hann bíður bara eftir að láta tína sig upp og láta þræða sig upp á öngul og verða svo hent fyrir lax og silung í sumar. Nenni nú samt ekki að hlaupa út í gluggaveðrið aleita að maðki. Nenni bara engu almennt. Jæja ég ætla að skíta og byrja svo á að lesa aðra glæpasögu. ég þyrfti eiginlega að hafa mig í að skrifa aðra í viðbót við hina sem ég skrifaði.

2010-04-15T02:50:00.003Z

Helvítis bloggleti

Ég er búinn að hafa ekkert fyrir stafni þegar kemur að þessari blessuðu bloggsíðu. Maður er búinn að húka á sjónum og jú jú Þá þenar maður eithvað og svo kemur maður heim um morguninn og rokinn aftur á sjó um kvöldið. Ég er reyndar að fara í frí í nokkra daga. En jæja, þessi skýrslufjandi er kominn út og er hún eins og ég bjóst við upp full af lándráðum og svínaríi. Ætlar enginn að fara í að smíða gálga við Austurvöll hvernig er það ?

2010-04-01T01:32:00.007Z

Gott að svolgra

Fór í Kost um daginn. Skemmtileg verzlun sem Kostur er. Ég rakst á bretti með Kool-Aid. Þetta er svona amerískur svali það sem litarefnið er bragðmeira en bragðiefnið í drykknum. Það er ágætt að sulla þessu í sig. Já, já ég er hrifinn af litarefnis svaladrykkjum. Þeir minna á góðærisárin þegar menn leyfðu sér að fara til bandaríkjanna og spreða þar dollurum á alla vængi. Helvítis rugl. Jæja en þið skulið prufa þetta þegar nýjasta sending kemur ég veit ekki hvenær. Þið verðið að fylgjast bara með. Hægðirnar verða grænar af þessu.
-------------------------------
Já maður verður að standu undir væntingum þeirra sem finnst gaman að flækjast á hin og þessi mp3blogg. Jæja ég hef ekkert frekar að segja. Páskarnir eru bara að koma og ég er að komast í stuð til að rífa kjaft.

Flash Cadillac & The Continental Kids - At The Hop

2010-03-29T20:30:00.002Z

Óstuð

Ég hef aldrei verið í jafnmiklu bloggóstuði og núna. Bara gjörsamlega tómur þessa dagana. Það er nú það.

2010-03-26T17:39:00.003Z

Fjör

Fékk þessa mynd inn um póstlúguna í gær. Topps 81-82, Kareem Abdul Jabbar. Alltaf voða gaman að fá eitthvað annað en gluggapóst og reikninga senda heim.