Mídíó

Fór á leiguna í gær. Tók Borat og skemti mér konunglega. Tók gamla mynd líka með, Outside Ozona. Hún var alveg ágæt. Veit ekki hvað skal kalla hana, spennuhryllingsmynd kannski. Samt voða róleg mynd eitthvað. En núna eru Danni og Snúður komnir svo að ég verð að hella uppá kaffi núna. Bið að heilsa í bili.

Dvergarnir sjö

Jæja, Þá er ég hér. Ég stikaði niður á vídeóleigu í gær og tók þriðju Saw myndina. Held bara að ég gefi henni öll möguleg stig fyrir spennu og hrylling. Það er allavega sjaldgæft að kvikmyndaframleiðendur búi til góðar hrollvegkjur. Það hefur held ég ekki skeð síðan The Shining og Phsyco voru frlamleiddar og þá hef ég horft á margar hryllingsmyndir.
Svo dreymdi mig auðvitað illa í nótt af því að ég horfði á svo ljóta mynd. Mig dreymdi að ég væri með píku.

Myspace suck royal ass

Þar sem afi minn átti afmæli þennan dag 8. apríl langaði mig að setja á myspace nokkrar gamansögur sem hann hafði talað inn á segulband en myspace er bara svo mikið helvítis batterý að því verður ekki lýst með fögrum orðum. Það verður því að bíða betri tíma.

Skrapp til helvítis í dag



Þar sem Símon er umboðsmaður helvítis fékk hann heimboð þangað og fékk ég að renna með. Hitti ég Hitler, spjallaði töluvert lengi við hann og hann sagði mér nokkrar klámvísur. Eins og sést á myndinni fór vel á með okkur félögunum. Annars var drukkið kaffi í helvíti og leit ég við hjá Saddam þar sem hann er nýbúinn að kaupa sér nýuppgerða íbúð þar neðra, með bílskúr, suðursvölum og assgoti þægilegum nuddpott sem ég testaði hjá kallinum.
Sjá einnig heimsókn Símonar til helvítis.

Páskaegg

Já. Þá eru að koma páskar. Lét nú ekki verða að því að kaupa páskaegg. Át samt eitt úti á sjó um daginn. Íris gaf mér eitt stykki svona upp á fönnið að gera. Ætli maður stelist ekki bara í smá bita hjá stráknum. Hann fær slatta held ég. Annars hefur maður ekki gott af þessum skík. Endar allt með því að maður verður akfeitur af þessu sætinda áti. En hei ég hef ekki gleimt aðhaldinu. Sykur át hefut snarminnkað hjá mér. Það er ekki hægt að kutta alveg á sætingi. Þá eru bara meiri líkur á því að maður falli í stjórnlaust nammi át og aðhaldið bara farið í vaskinn. Það verða að vera nammidagar á þessu.
Svo vil ég láta þá sem ekki vita að síðan hans Símonar hefur fengið nýtt lén www.simonh.tk
Bezzzzzzzzz

Fór Norður

Ég tók svona 28 stunda reisu á norðurlandið. Þannig var að Brynjar bróðir hafði samband við mig og bað mig að skutla sér norður. Ég sló til, settist upp í drossíuna, náði í hann og keyrði af stað norður. Fórum heldur seint af stað, 18:00 og vorum komnir á Akureyri 23:00. En við soppuðum ekkert við þar og héldum ótrauðir áfram og var kominn með Brynjar í Velli á miðnætti. Þar voru allir gengnir til náða nema Todda. Hún var að vísu að bursta tönnina fyrir svefninn. Ég talaði aðeins við hana áður en ég kvaddi. Hélt ég svo áfram og var kominn í Hafralæk hálftíma seinna þar sem ég gisti. Ásgrímur var enn á fótum þegar ég kom og áttum við smá kaffispjall fyrir svefninn. Ég svaf reyndar mest lítið um nóttina. Vaknaði samt fyrir tíu um morguninn. Át brauð og djús. Kjaftaði líka heilan helling við Ásgrím og Elmu. Þau eru indæl. Svo dreif mig svo af stað í Lækjamót. Heilsaði upp á alla þar. Skoðaði nýja New Holland traktorinn hans Sigga og nýju rúlluvélina. Snilldar græjur báðar þessar vélar. Át ég svo laugardagsgrautinn með fólkinu og kjaftaði alveg heilt hlass af orðum við fólkið á bænum. Voða gaman allt saman. Svo dreif ég mig til Akureyrar. Fór til Gerðar og Helga og hitti líka Sólveigu. Að vanda kjaftaði ég mikið. Fór svo á síðasta staðinn til þeirra feðga Hannes og Sigga. Hitti dálítið af fólki sem var hjá þeim líka. Spjallaði svolítið við fólkið og keyrði svo heim. Hér er ég svo kominn.
Svo ráðlegg ég fólki að stinga ekki lakkrísröri beint oní nýopnaða TaB flösku á meðan það ekur bíl. Það er varasamt. Fékk að kynnast því þegar ég ók um Skagafjörð.

Þjóðfélags asnar

Það má með sanni segja að þegar menn eins og þessir hafa verið eða látið eins og asnar ættu þeir að líta í eigin bam. Þegar undirritað er svona bull um tilgangslausar reglur um stóriðju eða ekkert er kosið um þær. Ég held að svona stjórn geti með einu pennastriki hæt við allt svona skriffinsku kjaftæði og byrjað dæmið upp á nýtt. Sjáið t.d. innflutning á matvöru og þannig rusli. Verð á matvælum hefur lítið sem ekkert lækkað á meðan áskrift að sjónvarpsefni bara stendur í stað. Þá er varla hægt að kaupa sér kaffi, hvað þá. Reyndar þá held ég að ef skift verði um stjórn í næstu kosningum muni skattar hækka aftur. það er alveg segin saga að fíflin á vinstrivængnum geti ekki stjórnað einu eða neinu. Hvað þá að stjórna heilu landi. Ég veit ekkert hvað ég er að skrifa og það er lítið von til þess að þú skiljir þetta bull heldur. Þetta er bara rugl.

Ég hata net

Mér er það minnistætt þegar ég var á netum. Mitt fyrsta og eina skipti sem ég hef verið á netaveiðum. Ömurleg veiðafæri. Svo eru þau stórhættuleg helvítis netin. Margir hafa þvælst í þetta drasl og farið í sjóinn með því. Varð vitni að því þegar einn kallpungurinn þvældist með fótinn í færið og rétt náði að losa sig áður en færið fór út. Aðeins stígvelið fór niður með netunum. Þarna stóð maðurinn á annari löppinni eins og fífl. Búinn að tapa stígvelinu sínu.
Einu sinni munaði litlu að illa færi hjá mér. Ég og kokkurinn stóðum og vorum að leggja auk annars drengfávita sem átti að kasta færinu um leið og síðasta netið í trossunni fór út. Hann sleppti því og fór frekar að öskra eitthvað eins og helvítis arlam í vekjaraklukku og drógst því færið út í sjó og utan í mig og kokkinn. Náði ég að stökkva frá þessum ósköpum og þvæla hönkinni í hafið áður en illa færi. Munaði minnstu að ég dræpi arlam-gaurinn, fyrir heimskuna. Settumst við kokkurinn skjálfandi niður í borðsal og fengum okkur kaffi til hressingar. Skipstjórinn kom niður og spurði okkur rólega hvort að við værum eitthvað að pæla í sjálfsmorði. Ég svaraði honum með því að snúa eitthvað út úr. Skipstjórinn hristi bara hausinn og fór upp í brú. Já þetta er meira ruslið þessi net. Ég ætla aldrei aftur á net. Hata þau. Þá er nú línan eitthvað annað. Miklu þægilegra að vinna með hana heldur en netin. Veiðist miklu meira á línu, heldur en net. Allavegar eru flest línuskip og bátar að rótfiska þessa dagana, eins og menn hafa séð í fréttum undanfarið.

Ömurlegt

Sá ömurlegi atburður átti sér stað að einn ágætis kunningi minn. Strákur sem ég vann lengi með, tók líf sitt á dögunum. Ég sit hér og hugsa hvað þetta er eitthvað svo ömurlegt. Eitthvað svo vonlaust. Þetta skilur fólk eftir svo málalaust. Strákurinn var ekki í neinum óvenjulegum kringumstæðum. Ekkert rugl og eða neitt. Bara allt undir kontról. En samt endar þetta svona. Þetta er svo óskiljanlegt að ég ætla ekki að reyna að skilja það. Veit bara núna að góður drengur er farinn í gröfina sem er ömurlegt. Vona að hans bíði metra líf með þeim sem á undan eru gengnir. Vona að hann geti unnið sig úr vanda þeim sem hann gat ekki leyst hérna megin.
Hvíl í friði vinur minn.

Nú er það svart !



Eða kannski eitthvað annað en svart. Fór og fékk mér þetta í Hárblik í gær. Bara svona fljótfærnis og skyndiákvörðun hjá mér.
Er búinn að kaupa mér creatin og fitubrennslutöflur. Ætla að breyta á mér frontinum. Það er á mér smá bumba og spik og ef ég gríp inn í það strax gæti ég auðveldlega slétt úr þessu á nokkrum mánuðum. Losna við fituna og fá meiri magavöðva. Einfalt en það þarf að vinna að því.
Fer svo á sjóinn í dag.

Vei

Garðar Máni fann eitthvert helvítis blek. Steig í það og fór svo að labba um húsið sér til hressingar.
Þið getið bara rétt ímyndað ykkur............

Ztjörnurnar

Nú er einhver stífla. Klukkan korter yfir sjö og ég hef ekkert að segja. Eins og hvað hugur minn er oft frjór þegar ég er nývaknaður. Var að rína út um stofugluggann til að vita hvort Venus væri á morgunhimninum. Venus verður oft helvíti skær morgunstjarna svona um háveturinn. Ég skoðaði hana nokkru sinnum í stjörnukíki í den tíð. Skoðaði líka Júpíter, Mars og Satrúnus. Hei, það er flott að skoða tunglið í stjörnukíki. Gígarnir og allt draslið verður svo greinilegt. Já maður varð svo sannarlega stjörnuvitlaus af því að fá stjörnukíki í fermingargjöf, þarna um árið. Held að hann sé í lagi ennþá. Kannski að maður versli sér annan betri. En ég ætla amk að fá mér kókóföffs núna og koma syni mínum í leikskólann.
Bezzzzzzzzzz

Öskurapar

Ég og fleiri skipsfélagar mínir erum mikið í því að flaka fisk og hengja upp aftur á skut, við hitablásarana og búa til bitafisk. Kemur nokkuð vel út. Verður samt frekar þurr. Svo er Tyrkis Peber búin að vera vinsæl vara um borð hjá okkur. Erum mikið búnir að smjatta á því. Annars fórum við sjóferð langt vestur af Snæfellsnesi og lögðum í brælutussu. Svo mikill var veltingurinn að ég svaf ekkert tvær frívaktir. Það leiddi til þess að maður varð pirraður og önugur og sí öskrandi á allt og alla. Veit ekki hvað það er. Sjómenn hafa oft verið annálaðir fyrir að þurfa alltaf að vera öskrandi. Ekki beinlínis mikið um það hjá okkur og það heyrist lítið í mér hvað það varðar. En það verða stundum læti á þessu. Ég var einu sinni á netaveiðum á Mörtu Ágústsdóttur GK frá Grindavík og þar voru allir ævinlega öskrandi hver á annan. Eitt vélstjórakvikindi sem er fimmtugur illa skeindur api stóð mikið á orginu þarna. Enda ber hann viðurnefnið "brjálaði". Ég kalla hann bara kallpunginn. Svo var strákgemlingur þarna alveg stjörnuvitlaus. Hann var svona æpandi alltaf eins og arlam í vekjaraklukku. Alveg að drepast úr töffaraskap líka. Alveg hálviti. Jæja ég nenni ekki að skrifa um fæðingarhálvita sem ég hef unnið með. Sumir eru bara alveg hálvitar.
Best að fara í sturtu núna.

Ríðingar, skáldverk og dýralæknar

Jæja. Þá er kominn tími til að blogga eitthvað. Ér asnaðist um daginn til að horfa á þátt í sjónvarpinu. Hann heitir víst Nip Tuck, eða eitthvað svoleiðis. Kom inn í miðjan þátt. Þar sá ég par að ríða og gamlan kall sitja á stól og horfa á. Sýnir bara hvað sjónvarpsefni er orðið sjúkt nú til dags.
Garðar Máni þarf að fara í aðgerð bráðum. Fjarlægja skal nef og hálskirtla. Rör verða sett í eyru hans. Vonandi að allt gangi vel.
Ég er að skrifa sögu. Það er ekkert leyndarmál. Ég er búinn að skrifa tæplega 40 síður. Hvort ég gef eitthvað út eða þannig veit ég andskotann ekkert um. Held varla. Ég er bara að skrifa mér til dundurs. Skrifa mest úti á sjó. Þá loka ég mig af inní klefa með slökkt ljós. Hef heddfónin mín tengd við tölvuna og hlusta á músík á meðan ég skrifa. Þarf að fá einhvern sem hefur vit á þessu til að lesa það.
Ég lét rýja köttinn í vikunni. Hann er norskur skógarköttur og ef menn kemba hann ekki reglulega fer allt í flækju. Ég er ekki reglulegur með neitt, svoleiðis að ég lét bæði rýja hann og sprauta gegn einhverri kattarriðu.
Það lyggur bara vel á mér þessa dagana. Búinn að vera fúll í langan tíma. Held að ég fari norður í land bráðlega. Það væri sko hemja.
Spaði/Lauf er síðan hans Halla. Allir þangað.

Já já, kvennfólk. Það gat nú verið.

Nú hefur það komið í ljós að uppruni Baugsmálsins sem kostað hefur lansmenn tugi ef ekki hundruði milljóna er vegna afbrýðisemi Jóns geralds á garð Jóns Ásgeirs. J. Gerald vildi meina að J. Ásgeir hefði verið að þjösnast á eiginkonu sinni og dóttur ef ég heyrði fréttir rétt. J. Ásgeir neitaði því í tölvupósti að hafa þjappað í þær.
Ég hefði nú haldið að þetta sé sjúkleg afbrýðisemi fyrst J. Gerald skvílar viðskiftafélaga sinn og drykkjufélaga svona. Nema þá að J. Ásgeir hafi í raun og veru verið að hamra í þær mæðgur eitthvað. Þá er það kannski skiljanlegt.
En þá er þetta auðvitað eins og ævinlega. Kvenfólk er alltaf til vandræða.
Haldiði að þetta sé hemja ?

Rússajeppinn hans afa

Æi, sumir hlutir geta verið vangefnir. Já lenti í smá stappi við bankann í dag en vona að allt blessist. Var á tímabili tilbúinn að standa upp í bankanum og öskra á þjónustufulltrúann og rústa svo staðnum. Allt blessaðist samt áður en það rann á mig bræði. En jæja hvað um það þá er ég ánægður með það að gamli rússajeppinn hans afa míns sáluga sé kominn í góðar hendur á Ystafelli. Það eru margar æskuminningar tengdar honum og gott að hann fái umönnun hjá góðum aðilum. Skildist það á Sverri að hann sé það heill að hann sé vel sýningarhæfur á safninu og verði þar innanhúss. Vonandi að hann fari í gang þegar reynt verður að gangsetja hann.

Næs sunnudagskvöld

Þá er helgin að verða afstaðin. Búinn að gera mest lítið af mér. Jú fór með Írisi og Garðari Mána á róló, eldaði grjónagraut, át sperðla, lagaði fjárhag minn svo um munar og tók til í bílnum mínum. Mér finnst voða gott að vera til á sunnudagskvöldum. Það er allt eitthvað svo rólegt.
Það var voða gaman hér áður að hlusta á þáttinn Frjálsar Hendur sem Illugi Jökulsson hafði umsjón með á Rás1, á sunnudagskvöldum. Dálítið skemmtileg stemming og spennandi að vita hvað hann tæki fyrir í þeim þætti sem var að byrja. Yfirleitt var það alltaf áhugavert sem hann fjallaði um. Það voru oft einhver fræði eða einhverjar sögusagnir, eitthvað úr mannkynssöguni, Íslendingasögunum eða þjóðsögunum. Hann tók einhverntímann fyrir nokkuð skemmtilegar þjóðsögur úr bókinni Þjóðsögur og Munnmæli. Man eftir sögunni um Katanesdýrið sem var ófreskja í tjörn á Katanesi. Hún var á stærð við kvígu, með stuttar lappir og eins álna langan hala og með langan digran haus. Hana sáu margir og öttuðust mjög. Sýndust menn hún synda hraðar en hún hljóp. Engum banaði dýrið samt. Menn ætluðu að ná skepnunni og koma henni fyrir kattarnef og tæmdu tjörnina með því að grafa skurð frá henni og niður í sjó en aldrei fundu menn þó skepnuna.
Jæja ég ætla að slappa meira af og fá mér bók að lesa.

Laugardagshefðin

Það þykir mikil hefð að elda grjónagraut á Laugardögum. Fatta ekki hvers vegna. Ég er alinn upp við grjónagraut á laugardögum, foreldrar mínir, afar og ömmur líka. Alltaf grjónagrautur á laugardögum. Þetta var allavega þannig á hverjum bæ heima í sveit og er enn þar ég bezt veit. Þetta er svona úti á sjó líka. Voða algengt á þeim skipum sem ég hef verið á. Þá er það jafnan soðin Ýsa og grjónagrautur á Laugardögum. Sumir kalla þetta Mjólkurgraut aðrir Hrísgrjónagraut og ég segi Grjónagrautur. Svo er það líka misjafnt hvernig menn vilja hafa hann. Hjá sumum er hann þunnur öðrum þykkur og með rúsínum líka. Gömul kona hér í bæ sem nú er látin, setti meira að segja gráfíkjur og sveskjur í grautinn. Flestir fá sér kanil út á hann, margir súrt slátur og aðsrir hafa bara hvítan sykur. Ég vil hafa hann þykkann með smá smjörslettu. Mikið af kanil og svo má auðvitað ekki gleima súra slátrinu sem er algjör nauðsin. En það væri gaman að vita afhverju landinn étur þetta alltaf á laugardögum. Hvernig viljið þið hafa ykkar graut ?

ululululululululululululu.................

Alltaf jafn gáfulegur. Ég og Íris fórum á Subway í dag og átum. Fékk ég mér einn 12 tommu bát með allskonar drulli innaní og þar með talið Jalapeno og sterka sósu og þannig. Mér þykir sterkur matur nefnilga afar góður og hef myndað ágætis þol gegn chilli og öðrum pipar. Mér svíður ekki eins mikið og menn gera almennt með strkan mat. Samt er ég ekki eins og tælendingar sem éta chilli á eins og kanil út á grjónagraut. En hvað um það. Ég jat semsagt minn sterka 12 tommu bát og lét vel af. En mér fór samt fljótlega að verða illt í maganum. Það stoðaði ekkert að drekka mjólk, vatn eða kók, alltaf langaði mig jafn mikið til að æla. Þá prufaði ég gamalt húsráð sem er að fá sér í nefið þegar eitthvað bjátar á og athuga hvort að ég hresstist ekki. Nei, þarna gerði ég sömu skissuna og fyrir um 12 árum síðan þegar ég keðjureykti nokkrar sígarettur og tók svo vel af Snuff99 í nefið, heima hjá þeim feðgum og stórvinum mínum Hannesi og Sigga. Ég tók tóbakstósina og byrjaði að troða íslenska neftóbakinu í nasirnar á mér en það heppnaðist ekki betur en svo að ég saug aðeins og fast og helvítis tóbakið sogaðist oní kok. Þarna stóð ég á miðju stofugólfinu hóstandi og kúgandi eins og ég veit ekki hvað. Því næst strunsaði ég inn á klósett og ældi öllu gumsinu sem ég hafði étið klukkutíma fyrr. Held að ég hætti hér með að nota neftóbak.

Like A Rolling Stone

Bob Dylan er tónlistamaður sem ég hef lítið hlusað á í gegnum tíðina. Hef hlustað á hann núna dálítið undanfarið. Búinn að heyra lög með honum sem ég vissi ekki að væru til og önnur sem ég vissi ekki að væru með honum heldur einhverjum allt öðrum. Einnig var ég að blása rykið af Willie Nelson plötunum mínum og smella þeim á fóninn. Nelson er alltaf góður. Svo skakkur og einlægur alltaf. Veit ekki hvort að þið séuð fyrir Country-tónlistina en ég hef mætur á henni.
Ég er að pæla í því að láta hárið flakka. Nenni ekki að hafa það sítt lengur. Allt of mikið umstang með það. Svo er svo óþægilegt að vera með mikið hár úti á sjó. Held að ég hafi hausinn skafinn eins og ég var lengi vel. Var ég kominn á fremsta hlunn með að láta það fara um daginn en það var bara svo kalt í veðri að ég ákvað að láta heysátuna gera sitt gagn fyrst hún var þarna ennþá. Ég hef bara ekkert hár í þetta lengur.
Svo eins og einhverjir vita þá hef ég verið að eiga við viðrini undanfarna mánuði. Á dögunum vannst frækinn sigur á þeim. Í dag hringdi ég svo í eitt þeirra og lét helvítið vita að það borgar sig ekki að kássast upp á mig eða mína fjölskyldu.
Don't fuck with me !