Úlfasteinn


Er að spila þennan leik núna. Gamangaman.

Allskonar og amma hans

Fari það kolað. Ég er nú svo skítþreyttur núna að ég veit ekki hvað ég heiti. Er búinn að vera svona allt fjandans fríið geispandi og gapandi í tíma og ótíma. Hef ekki lent í áður að koma heim í frí svona ógeðslega langþreyttur.
Það er merkilegt að þvælast á sölusíðunum á barnalandi. Fólk að losa sig við allt draslið sem það fékk sér í góðærinu mikla og skuldar upp fyrir hvirfil. Það er hægt að fá allskonar drasl þarna, playstation tölvur, kaffivélar, hestavörur, veiðidót, plasmasjónvörp, fartölvur og bara allskonar drasl sem fólk hefur keypt sér á raðgreiðslum og á þannig lagað ekki rassgat í því heldur. Merkilegt.
Ring 2 er í sjónvarpinu. Shit er það leiðinleg mynd. Fyrr má nú vera.

Alýfát

Lúxus er að hafa súrmat að éta í kvöldmatinn. Svo er nú það. Ég rúntaði niður í bæ í dag og enn var verið að mótmæla. Ég held að þetta sé orðið gott. Það hefur verið boðið til kosninga í vor og þá er þetta held ég komið það sem menn vildu. Hefði nú haldið það.
Ég fer í laxveiði í sumar. Vúúúhúúú

Andskotinn



Og þá lét maður eins og andskotinn í gær.

Jesse stone



Þetta eru fínir krimmar. Þeir fjalla um Jesse Stone sem er blautur og ný fráskilinn löggukall úr LA sem tekur að sér starf lögreglustjóra í smábænum Paradise. Venjulega hef ég ekki gaman af amerískum lögguþáttum/myndum en þetta er helvíti gott. Mæli með þessu fyrir þá sem þykir gaman að horfa á krimma.

Æsidraumar

Meira ruglið sem mig dreymir alltaf. Fyrir stuttu síðan dreymdi mig að ég væri í hávaða rifrildi við einhvern fávita sem byrjaði að vinna á sama skipi og ég. Einn skipsfélaga minna kom þá og barði hann í klessu. Svo nóttina eftir var ég á flótta undan lögguni með skottið á bílnum hlaðið kókaíni. Svo um daginn dreymdi mig að ég væri að slást við handrukkara(svona gaur í stíl við Annþór eða Benjamín í kompás) og barði ég hann þannig að hann datt niður moldarbarðið til helvítis. Greip þá kauði í mig og ætlaði að toga mig með sér þarna niður, en sem betur fer náði ég að slíta mig lausan.

Helvíti gott



Jú það gerðist eitt gott á árinu 2008. Neftóbakskokkurinn byrjaði aftur um borð hjá okkur eftir langa fjarveru.

áramóta-anall

Annáll já. Þetta ár var held ég bara hálf leiðinlegt. Allt byrjaði það nú á því að það fiskaðist illa í Janúar og Febrúar. Alveg skelfilega. En í Mars fór nú allt að glæðast og ég seldi Avensisinn sem ég átti og keyptur var á bæinn Lexus is 200. Þá ætlaði ég norður helgina eftir en varð að snúa við á Blönduósi vegna veðurs. Í fyrripart apríl var ég svo mest á sjónum en ók svo á norðurlandið þar sem ég sló síðustu stafina í glæpasöguna mína. Gaman er að minnast á það að þegar GAS GAS GAS GAS-atvikið átti sér stað, var ég að keyra um í stafnshverfinu fyrir norðan og hlusta á mótmælin í útvarpinu. Í maí brá ég mér ásamt konu, syni á samt fleirum til Flórída. Það var indælt og mikið brallað og líka slappað af og verið í rólegheitum. Þegar heim var komið var farið á sjóinn og hamast á helvítis keiluveiðum allt fram í júlí en þá tók við afslöppun í sumarbústað í Svignaskarði brá ég mér í nokkrar heimsóknir í Borgarfirðinum líka. Þau leiðindi áttu sér svo stað þennan mánuð að foreldrar mínir slitu samvistum eftir 30 ára sambúð. Bróðir minn og mágkona skyldu líka sem og vina fólk okkar Írisar. Þá dó Palli vinur minn, kenndur við flug. En svo í byrjun ágúst misstu vinir okkar dóttur sína af slysförum í Svíþjóð. Þá leið á mánuðinn og ég fór á sjóinn þar sem brett var upp ermarnar til keiluveiða þrátt fyrir tal manna uppi á skrifstofu um Þorsk og Ýsuveiðar í ágúst, ne,i nei. Svo kom september og haustið. Það er minn uppáhalds árstími en við fórum þá loksins austur fyrir land á Þorsk og Ýsuveiðar. Var því landað á Djúpavogi sem er góður staður að koma á. Einnig varð úr að við lönduðum á Húsavík nokkur skipti og gat ég því tekið mér bílaleigubíl og heimsótt ættingja og vini í sveitinni heima. Svona gekk allt vel þangað til í enda nóvember að Íris lenti í árekstri á Lexusnum og hefur hún haft bakið í lamasessi eftir það og vonandi að hún jafni sig eftir sjúkraþjálfanir. Bíllinn eyðilagðist og var það lán í óláni að það litla lán sem hvíldi á honum var ekki myntkörfu. Fékk ég því dálítið af peningum greitt á milli úr tjóninu og er nú kominn á hlað Mitsubisi Galant.
En það verð ég að segja að það er þungu hræi af mér létt að þetta bölvaða ár sé búið, Því að margt annað ömurlegt gerðist óupptalið. Já annað eins helvítis ár hef ég ekki þekkt á ævinni. Ég vona að árið 2009 verið nú aðeins skárra.

Fífl

Bílaauglýsing einhvers örvæntingafulls einstaklings sem sennilega er kominn er með skítinn á upp á bak og á puttana en gerir sér vonir um að losna við kvikindið með því að borga með bílnum fullt af peningum. En þá svaraði einhver.

smella á myndina til að sjá betur

Afhverju er það sem ég kalla Kartöflustappa kallað Kartöflumús. Í mínu uppeldi var þetta aldrei annað en Kartöflustappa, enda mýsnar ekki mikið hafðar útí það í minni sveit. Því ekki bara Kartöfluelgur eða kartöflufífl. Kannski bara kartöfluaumingi. Nei þetta er bara eitthvað svona heimskulegt rugl sem viðgengist hefur hjá fólki um aldir. Fávitalegt.
Jæja ég ætla að fara og kaupa mér flugelda fyrir fimmtíuþúsund.
Nightwish - I wish i had an angel

Djöflast í Helga

Ég sá krakka leika sér í sandkassa í dag. Hann hafði verið að éta sand. Það sást á kjaftinum á honum. Ég get þó ekkert sagt. Ég át mkið af sandi þegar ég var smábarn. Ég var reyndar mjög sólginn í júgursmyrsl. En var samt ekki eins hrifinn af áburði(Græðir-9) og heldur ekki af kindaskítnum. Svo er nú það.
Ég fór í Hapauk í skeifunni í dag til að skila einhverjum bókum og dvd myndum sem ég var búinn að sjá og lesa. Rakst ég svo á Helga E Helgason fréttamann við búðakassana. Sá reyndar ekki hvað hann var búinn að kaupa sér. Ég hefði kannski átt að reyna að hnýsast í pokann hjá honum.
Helgi: Fyrirgefðu, ertu að hnýsast í pokann minn?
Ég: Ég má'ða.
Helgi: Svona, hættu þessu drengur.
Ég: Nei ég ætla að sjá hvað þú keyptir maður.
Helgi: Svona hvað er þetta maður.(hrifsar pokann til sín)
Ég: N-N-N-NEIIÍÍÍHHHHH....(Heldur dauða haldi í pokann)
Svo hefðum við kannski farið að togast á um pokan þangað til annar gafst upp. Nei bara svona hugmynd sem ég fékk.
Bob Dylan - Positively 4th street


Fantastic Johnn C - Boogaloo Down Broadway


Elwood&Mac Blues and The Blues Brothers Band - Looking For A Fox

Reyniði nú að hafa það um jólin



Þá er ég búinn að kaupa þorláksmessuskötuna. Rótsterkan skötudjöful. Já svo sterkan að maður hóstar blóði og augun springa í tóftunum við það að éta hana. Svo er nú það. Annars er allt í góðum gír. Maður er hérna heima einhvernveginn. Hangandi í leti að gera ekki rassgat. Reyndar setti ég inn myndirnar af litlujólunum hjá okkur úti á sjó, inn á netið og má þær nálgast hér. Hei ég horfði á death At a funeral um daginn. Stórkostleg mynd. Hér að neðan er svo atriði þar sem ég lá í sófanum öskrandi og grenjandi úr hljátri yfir því.



Svo er það jólalag. Pavarotti var helvíti góður. Svo góður að ég fékk hroll þegar ég heyrði hans hæstu tóna í heimabióinu mínu í kvöld. Þeir sem fá hroll við að hlusta á góða tónlist fá hroll þegar þeir lygna aftur augun og einbeita sér að því að hlusta á sönginn í laginu. Prufiði bara.
Luciano Pavarotti - O Holy Night

BÖHH



Ég er snillingur í laufabrauði. Það vita allir sem séð hafa. En þá er komið jóla frí. Ég er að reyna það þessa stundina að gera ekki rassgat. Það er voða gott að gera ekki neitt. Kannski hella upp á kaffi og kveikja á tölvunni, reka við og halda svo kjafti.
Það voru haldin þessi fínu litlujól um borð hjá okkur á landleiðinni frá austfjörðum til Grindavíkur. Kokkurinn hitaði kakó og bar fram smákökur og svo kom jólasveinninn með pakkana. Ég fékk þessa fínu jólakönnu. Einhverjir fengu nammi og einn fékk barbídúkku. Síðan stoppuðum við aðeins við í Vestmannaeyjum þar sem klukkann var nú bara hálf sex og vöktum skipstjórann okkar með jólasöng og látum.
Boston - More than a feeling
Willie Nelson - Country Willie

Alveg eru þetta merkilegir menn uppá skrifstofu. Við áttum að landa í Grindavík þann 17. en staðinn þá eigum við að landa á Djúpavogi sama dag og eigum svo eftir að keyra með bátin til Grindavíkur. Þannig að maður kemst ekki í jólafrí fyrren sólarhring seinna. En þeir virðst vera að spara einhverja peninga á þessu kallagreyin.
Annars er búið að vera skemmtilegt hérna um borð, við erum búnir að hengja upp jóla seríur, setja upp jólatré í setustofunni og föndra músastiga. Svo verða litlujólin á landleiðinni til Grindavíkur en þá endar eldar kokkurinn væntalega eitthvað gott og við skipsfélagarnir ætlum að gefa hvor öðrum jólapakka. Það er merkilega góður andinn hérna um borð.
Mig langar í einn London docks.

Uppátæki

Einhver hengdi upp þessa vísu í stakkageymslunni hjá okkur um borð.

Þótt veraldargengið sé valt
og veðrið andskoti kalt.
Með góðri kellingu,
Í réttri stellingu
Bjargast yfirleitt allt.

Kona nokkur sagði mér sögu af litlu harmonikkuballi sem eitt sinn var haldið upp í sveit. Eftir töluvert spil tóku harmonikkuspilararnir sér pásu og allir á ballinu foru út í leikinn Hlaupa í skarðið. Svo leið langur tími þangað til að harmonikkuspilararnir gátu loksins farið að spila aftur á nikkurnar en þeir höfðu auðvitað verið of önnum kafnir við að hlaupa í skarðið.

Lisa Nilsson - En kort en lang

Mambómambómambó

Og þá er kominn desember. Ég er sem aldrei fyrr staddur á Djúpavogi og snjókoman hérna jólalegri en nokkrusinni. Mér var boðið upp á kaffi hjá þeim Hrönn og Guðmundi sem eru hjón hérna í plássinu og var mikið skrafað um allt mögulegt milli himins og jarðar.
En jólin já. Ég afrekaði að skera út laufabrauð áður en fríinu lauk um daginn og núna er ég bla bla bla.... Jæja það er að koma aftaka veður og við erum að fara út á sjó á eftir. Ég ætla samt að reyna að koma mér í einhvern hátðiðarfílíng. Hlusta á jólalögin.
Slade - Merry Xmas Everybody

HammerinnKammerinn

Þegar ég var sjö ára var þessi gaur idolið mitt. Á hverju föstudagskvöldi sátu menn negldir á stofugólfinu fyrir framan kassann berjandi augum á töffara töfaranna. Mér er alltaf minnisstætt atriðið þegar Hammerinn stökk út um glugga á 12tu hæð og inn um þann næsta sem var á móti.

носителей языка как родного



Ég fór og var við mótmæin á Austurvelli í dag og stóð þar á orginu ásamt fleirum. Ég mætti svo á þetta löggustöðvar mambó á eftir en asnaðist til að vera farinn áður en atið hófst fyrir alvöru(Helvítis vesen). Slepp þó við það að vera hálfblindur með augun svíðandi eftir Gasman Superhero. Annars hef ég tekið því rólega frameftir kvöldi.

Annars dreymdi mig í nótt að ég væri á filleríi að spila plötur heima í stofu hjá Jóni skipsfélaga mínum. Þarna var nú eitthvað fleira fólk sem ég þekkti nú reyndar ekki en alltaf bættust við fleiri og fleiri partýgestir sem ég þekkti. Meðal annars voru það allir sem sé heimsótti fyrir norðan um daginn. Voða gaman. Ásgrímur fór mikinn og fór með gamanvísur. Svo leystist draumurinn upp í jarðaför sem mig hefur oft dreymt áður. Í þessari jarðaför sem mig dreymir er ég yfirleitt heltekinn af sorg, grátandi eða alveg agalega miðurmín. Í umræddum draumi var ég hágrátandi.

Set svo hérna lög með nokkrum flytjendum sem ég er að hlusta mikið á þessa dagana.
Nick Cave and the Bad Seeds - Are You The One That I've Been Waiting For

Antony and the Johnsons - Hope There's Someone

Carl Bellew - Am I That Easy to Forget

Ekki dauður úr öllum æðum

Nei ekki aldeilis. Hef því miður ekki haft tök á því að komast á netið undanfarið en úr því hefur nú verið bætt. Er kominn í frí. Búinn að landa í tvö skipti á Húsavík og hef því notað tækifærið og rennt upp í sveit og heilsað upp á ættingja og vini. Mjög þægilegt að koma á bæjina og dreypa á kaffi með fólkinu mínu þarna norðan heiða. Ekki daglega sem maður hittir það.
Núna ætla ég að fara að kaupa mér jólatré úr plasti.

Límonaði og Prins Póló

Var efnt til fagnaðar um helgina. Hér eru myndirjavascript:void(0)

Gulur Bragi

Kaffi er þarfaþing. Þegar mér dettur ekkert í hug hvað ég eigi að blogga um þá fer ég og fæ mér kaffi og sötra heilan bolla á meðan ég stend horfandi út um gluggann og pæli eitthvað. En djöfull er Ipod magnað helvíti. Núna eru komin 1040 lög inn á þetta litla stykki. Ipodinn orðinn eitt af hinu nauðsinlegasta sem ég þarf. Þegar ég fer eitthvað út, passa ég upp á að hafa með mér lykla, gsm, og svo Ipod. Hvernig lifi ég án tónlistar. Ég var annars að spá í að fá mér plötuspilara og eitthvað af plötum líka. Ég á reyndar eitthvað af plötum en ef einhver vill selja gamla plötuspilaran sinn þá má sá hinn sami hafa samband við mig.
En núna ætla ég að skreppa út á rúntinn. Keyra eitthvað út í bæ og skoða mannlífið. Fá mér kannski ís líka.
Steelheart - She's Gone
Pink Floyd - Wish you Were Here