Fólk er fífl

Meira ruglið þessi kröfuganga. Til hvers þessi kröfuganga. Eru ráðamenn þjóðarinnar að stökkva til fyrir fætur verkalýðsins og sleikja á þeim tærnar á þessum degi. Nei svo friðsamleg aðgerð sem kröfugangan hefur verið alla tíð segir ekki rassgat og þjónar engum tilgangi. Sem verkamaður væri ég til í að safna liði og vera með múgsæsing, brjóta rúður, kveikja í bílum, kasta eggjum og grýta mólotffkokteil í stjórnarráðið. Læt ekki sjá mig eins og aumingja í heimskulegri kröfugöngu.



Ljóta draslið þessi gasgrill. Já meiri andskotans áráttan hjá fólki að kaupa sér gasgrill. Gasgrillinn hafa auðvitað selst eins og heitar lummur í síðastliðna góðæri. Fattar fólk ekki að grillmatur verður að vera með alvöru grillbragði. Það er kolasteikingin sem gefur rétta grillbragðið. Ég bar einu sinni saman grillaða hamborgara, annan á gasi en hinn á kolum og kolahamborgarinn var langt um bragðbetri.

Svo í dag skrapp ég á Hlemm til að fá mér pylsu og gos. Það er fastur liður. Það eru góðar pylsurnar á Hlemmi. En þarna heyrði ég einhverja menn á tala saman um kennaraverkföll og bölvuðu kjör kennara í sand og ösku (þetta hafa sjálfsagt verið kennar þessir menn). Ég get nú ekki stillt mig um að glotta þegar minnst er á kennaraverkföll. Þegar ég var í barnaskóla var kennaraverkföllum ævinlega tekið fagnandi. Einn veturinn gat ég í fleiri mánuði vakið á hverri nóttu með vinum mínum, horft á vídeó og gert símaöt. Þá var nú gaman að vera til.
Jæja það er bezt að hella upp á kaffi.