blank'/> blank'/> +++Aldrei að hafa gaman af lífinu+++: 2008

sunnudagur, desember 28, 2008

Fífl

Bílaauglýsing einhvers örvæntingafulls einstaklings sem sennilega er kominn er með skítinn á upp á bak og á puttana en gerir sér vonir um að losna við kvikindið með því að borga með bílnum fullt af peningum. En þá svaraði einhver.

smella á myndina til að sjá betur

Afhverju er það sem ég kalla Kartöflustappa kallað Kartöflumús. Í mínu uppeldi var þetta aldrei annað en Kartöflustappa, enda mýsnar ekki mikið hafðar útí það í minni sveit. Því ekki bara Kartöfluelgur eða kartöflufífl. Kannski bara kartöfluaumingi. Nei þetta er bara eitthvað svona heimskulegt rugl sem viðgengist hefur hjá fólki um aldir. Fávitalegt.
Jæja ég ætla að fara og kaupa mér flugelda fyrir fimmtíuþúsund.
Nightwish - I wish i had an angel

föstudagur, desember 26, 2008

Djöflast í Helga

Ég sá krakka leika sér í sandkassa í dag. Hann hafði verið að éta sand. Það sást á kjaftinum á honum. Ég get þó ekkert sagt. Ég át mkið af sandi þegar ég var smábarn. Ég var reyndar mjög sólginn í júgursmyrsl. En var samt ekki eins hrifinn af áburði(Græðir-9) og heldur ekki af kindaskítnum. Svo er nú það.
Ég fór í Hapauk í skeifunni í dag til að skila einhverjum bókum og dvd myndum sem ég var búinn að sjá og lesa. Rakst ég svo á Helga E Helgason fréttamann við búðakassana. Sá reyndar ekki hvað hann var búinn að kaupa sér. Ég hefði kannski átt að reyna að hnýsast í pokann hjá honum.
Helgi: Fyrirgefðu, ertu að hnýsast í pokann minn?
Ég: Ég má'ða.
Helgi: Svona, hættu þessu drengur.
Ég: Nei ég ætla að sjá hvað þú keyptir maður.
Helgi: Svona hvað er þetta maður.(hrifsar pokann til sín)
Ég: N-N-N-NEIIÍÍÍHHHHH....(Heldur dauða haldi í pokann)
Svo hefðum við kannski farið að togast á um pokan þangað til annar gafst upp. Nei bara svona hugmynd sem ég fékk.
Bob Dylan - Positively 4th street


Fantastic Johnn C - Boogaloo Down Broadway


Elwood&Mac Blues and The Blues Brothers Band - Looking For A Fox

þriðjudagur, desember 23, 2008

Reyniði nú að hafa það um jólin



Þá er ég búinn að kaupa þorláksmessuskötuna. Rótsterkan skötudjöful. Já svo sterkan að maður hóstar blóði og augun springa í tóftunum við það að éta hana. Svo er nú það. Annars er allt í góðum gír. Maður er hérna heima einhvernveginn. Hangandi í leti að gera ekki rassgat. Reyndar setti ég inn myndirnar af litlujólunum hjá okkur úti á sjó, inn á netið og má þær nálgast hér. Hei ég horfði á death At a funeral um daginn. Stórkostleg mynd. Hér að neðan er svo atriði þar sem ég lá í sófanum öskrandi og grenjandi úr hljátri yfir því.



Svo er það jólalag. Pavarotti var helvíti góður. Svo góður að ég fékk hroll þegar ég heyrði hans hæstu tóna í heimabióinu mínu í kvöld. Þeir sem fá hroll við að hlusta á góða tónlist fá hroll þegar þeir lygna aftur augun og einbeita sér að því að hlusta á sönginn í laginu. Prufiði bara.
Luciano Pavarotti - O Holy Night

föstudagur, desember 19, 2008

BÖHH



Ég er snillingur í laufabrauði. Það vita allir sem séð hafa. En þá er komið jóla frí. Ég er að reyna það þessa stundina að gera ekki rassgat. Það er voða gott að gera ekki neitt. Kannski hella upp á kaffi og kveikja á tölvunni, reka við og halda svo kjafti.
Það voru haldin þessi fínu litlujól um borð hjá okkur á landleiðinni frá austfjörðum til Grindavíkur. Kokkurinn hitaði kakó og bar fram smákökur og svo kom jólasveinninn með pakkana. Ég fékk þessa fínu jólakönnu. Einhverjir fengu nammi og einn fékk barbídúkku. Síðan stoppuðum við aðeins við í Vestmannaeyjum þar sem klukkann var nú bara hálf sex og vöktum skipstjórann okkar með jólasöng og látum.
Boston - More than a feeling
Willie Nelson - Country Willie

mánudagur, desember 15, 2008

Alveg eru þetta merkilegir menn uppá skrifstofu. Við áttum að landa í Grindavík þann 17. en staðinn þá eigum við að landa á Djúpavogi sama dag og eigum svo eftir að keyra með bátin til Grindavíkur. Þannig að maður kemst ekki í jólafrí fyrren sólarhring seinna. En þeir virðst vera að spara einhverja peninga á þessu kallagreyin.
Annars er búið að vera skemmtilegt hérna um borð, við erum búnir að hengja upp jóla seríur, setja upp jólatré í setustofunni og föndra músastiga. Svo verða litlujólin á landleiðinni til Grindavíkur en þá endar eldar kokkurinn væntalega eitthvað gott og við skipsfélagarnir ætlum að gefa hvor öðrum jólapakka. Það er merkilega góður andinn hérna um borð.
Mig langar í einn London docks.

miðvikudagur, desember 10, 2008

Uppátæki

Einhver hengdi upp þessa vísu í stakkageymslunni hjá okkur um borð.

Þótt veraldargengið sé valt
og veðrið andskoti kalt.
Með góðri kellingu,
Í réttri stellingu
Bjargast yfirleitt allt.

Kona nokkur sagði mér sögu af litlu harmonikkuballi sem eitt sinn var haldið upp í sveit. Eftir töluvert spil tóku harmonikkuspilararnir sér pásu og allir á ballinu foru út í leikinn Hlaupa í skarðið. Svo leið langur tími þangað til að harmonikkuspilararnir gátu loksins farið að spila aftur á nikkurnar en þeir höfðu auðvitað verið of önnum kafnir við að hlaupa í skarðið.

Lisa Nilsson - En kort en lang

fimmtudagur, desember 04, 2008

Mambómambómambó

Og þá er kominn desember. Ég er sem aldrei fyrr staddur á Djúpavogi og snjókoman hérna jólalegri en nokkrusinni. Mér var boðið upp á kaffi hjá þeim Hrönn og Guðmundi sem eru hjón hérna í plássinu og var mikið skrafað um allt mögulegt milli himins og jarðar.
En jólin já. Ég afrekaði að skera út laufabrauð áður en fríinu lauk um daginn og núna er ég bla bla bla.... Jæja það er að koma aftaka veður og við erum að fara út á sjó á eftir. Ég ætla samt að reyna að koma mér í einhvern hátðiðarfílíng. Hlusta á jólalögin.
Slade - Merry Xmas Everybody

fimmtudagur, nóvember 27, 2008

HammerinnKammerinn

Þegar ég var sjö ára var þessi gaur idolið mitt. Á hverju föstudagskvöldi sátu menn negldir á stofugólfinu fyrir framan kassann berjandi augum á töffara töfaranna. Mér er alltaf minnisstætt atriðið þegar Hammerinn stökk út um glugga á 12tu hæð og inn um þann næsta sem var á móti.

laugardagur, nóvember 22, 2008

носителей языка как родного



Ég fór og var við mótmæin á Austurvelli í dag og stóð þar á orginu ásamt fleirum. Ég mætti svo á þetta löggustöðvar mambó á eftir en asnaðist til að vera farinn áður en atið hófst fyrir alvöru(Helvítis vesen). Slepp þó við það að vera hálfblindur með augun svíðandi eftir Gasman Superhero. Annars hef ég tekið því rólega frameftir kvöldi.

Annars dreymdi mig í nótt að ég væri á filleríi að spila plötur heima í stofu hjá Jóni skipsfélaga mínum. Þarna var nú eitthvað fleira fólk sem ég þekkti nú reyndar ekki en alltaf bættust við fleiri og fleiri partýgestir sem ég þekkti. Meðal annars voru það allir sem sé heimsótti fyrir norðan um daginn. Voða gaman. Ásgrímur fór mikinn og fór með gamanvísur. Svo leystist draumurinn upp í jarðaför sem mig hefur oft dreymt áður. Í þessari jarðaför sem mig dreymir er ég yfirleitt heltekinn af sorg, grátandi eða alveg agalega miðurmín. Í umræddum draumi var ég hágrátandi.

Set svo hérna lög með nokkrum flytjendum sem ég er að hlusta mikið á þessa dagana.
Nick Cave and the Bad Seeds - Are You The One That I've Been Waiting For

Antony and the Johnsons - Hope There's Someone

Carl Bellew - Am I That Easy to Forget
Ekki dauður úr öllum æðum

Nei ekki aldeilis. Hef því miður ekki haft tök á því að komast á netið undanfarið en úr því hefur nú verið bætt. Er kominn í frí. Búinn að landa í tvö skipti á Húsavík og hef því notað tækifærið og rennt upp í sveit og heilsað upp á ættingja og vini. Mjög þægilegt að koma á bæjina og dreypa á kaffi með fólkinu mínu þarna norðan heiða. Ekki daglega sem maður hittir það.
Núna ætla ég að fara að kaupa mér jólatré úr plasti.

mánudagur, nóvember 03, 2008

Límonaði og Prins Póló

Var efnt til fagnaðar um helgina. Hér eru myndirjavascript:void(0)

miðvikudagur, október 29, 2008

Gulur Bragi

Kaffi er þarfaþing. Þegar mér dettur ekkert í hug hvað ég eigi að blogga um þá fer ég og fæ mér kaffi og sötra heilan bolla á meðan ég stend horfandi út um gluggann og pæli eitthvað. En djöfull er Ipod magnað helvíti. Núna eru komin 1040 lög inn á þetta litla stykki. Ipodinn orðinn eitt af hinu nauðsinlegasta sem ég þarf. Þegar ég fer eitthvað út, passa ég upp á að hafa með mér lykla, gsm, og svo Ipod. Hvernig lifi ég án tónlistar. Ég var annars að spá í að fá mér plötuspilara og eitthvað af plötum líka. Ég á reyndar eitthvað af plötum en ef einhver vill selja gamla plötuspilaran sinn þá má sá hinn sami hafa samband við mig.
En núna ætla ég að skreppa út á rúntinn. Keyra eitthvað út í bæ og skoða mannlífið. Fá mér kannski ís líka.
Steelheart - She's Gone
Pink Floyd - Wish you Were Here

mánudagur, október 27, 2008

Zetor

Já og ég er kominn í frí. Það er gaman að vera bloggari á íslandi í dag. Shit hvað maður er að verða leiður á þessum góðæriskreppu bloggurum sem margir annars góðir pennar hafa breytt sér í. Ég nenni ekki að væla um kreppuna. Það er næg kreppa í minni tilvist sem ég get vælt um hér svo að ég sé nú ekki að bæta kreppu þjóðarinnar þar ofaná. Ég hef bara það um að segja varðandi kreppuna á eyjunni bláu. Það eru fæðingahálfvitar sem stjórna landinu. Það er alveg greinilegt. Þeir hleyptu þar með enn verri fæðingarhálfvitum inn í hagkerfið með því að gefa þeim banka og þannig batterí án skilyrða. Það jafngildir því að heimskur faðir gefi krakkanum sínum skítadreyfara stappfullan af nammi og fylgist svo ekkert með því hvort krakkinn sé að éta nammið hóflega eða óhóflega. Það endar eins og allir eiga að vita með því að krakkinn étur og étur sælgætið sitt þangað til að hann springur í tætlur eins og hagkerfi okkar lands manna hefur gert. Sjá Geir Haarde alltaf í sjónvarpinu. Látandi eins og hann stjórni einhverju. EINS OG ÉG VITI EKKI AÐ DAVÍÐ STJÓRNAR ÖLLU ENNÞÁ ASSHOLE. Hengja þetta helvítis lið upp á löppunum.
C.S.I. Miami er í sjónvarpinu. Ekkert að gerast. Ég ætla að hafa löngutöng á kafi í rassgatinu á mér í kvöld. Já já, gera bara það sama og ríkisstjórnin hefur verið að gera síðustu tíu árin.
Jim Reeves - He'll have to go

laugardagur, október 11, 2008

Það er spurningin

Viltu byrja með mér, er spurning sem er oft erfitt að æla út úr sér. Já hún brennur á vörum margra og það þarf kjark til að bera spurninguna fram. Margir guggna en margir sigrast á óttanum og láta vaða. Spurningin er sennilega algengust meðal fólks á gelgjuskeiði, því fullorðinn einstaklingur lætur svona hluti vanalega koma án formlegheita. Á sextánda ári var ég staddur á Húsavík og lét ég spurninguna flakka til ónefndrar manneskju, eftir langt stöngl og samningaviðræður við óttann og kvíðann. Fékk reyndar synjun en ég var ánægður í hjarta mínu fyrir sigurinn. Held svona eftir á að hyggja að þetta hafi verið ákveðið manndómspróf eða nokkurskonar manndómsverkefni. Lífið er ein áskorun. Nú væri svona gaman vita í stuttu máli um ykkar reynslu af akkúrat þessari spurningu.
10cc - I´m Not In Love Þetta lag lýsir svo lundarfari mínu þegar ég gekk hryggur á brott eftir að hafa verið hafnað

sunnudagur, október 05, 2008

Halelúja

Já já. Ég er á Djúpavogi. Voða gaman að vera þar. Vildi samt að ég væri heima sko. Annars er fólkið hérna ágætt. Maður er farinn að vera málkunnugur þónokkrum einstaklingum hérna. Jæja ég ætla um borð aftur og reyna að ræða eitthvað við kokkinn.

sunnudagur, september 28, 2008

Flatiron Reykjavík



Þessi bygging hér vinstramegin er svona tíkpíst grámyglulegt skeljarsandsklætt hús utan um þurrkuntulegar ríkisstofnanir. Þetta er ljót bygging sem gefur miðbænum kuldalegan og hversdagslegan gráma. Það eina við þetta hús er að það er á horni gatnamóta sem myndar kvasshorn(Geirsgata/Tryggvagata). Flatiron (New York) byggingin hér hægramegin er dæmi um kvashornabyggingastíl sem getur verið mjög flottur þegar hann er notaður rétt.
Væri ekki hægt að rífa niður þetta ógeð sem er þarna á horni Geirsgötu og Tryggvagötu og gera eitthvað svoooooooonahhhhhhh.


Smellið á myndina til að sjá hana betur.

fimmtudagur, september 25, 2008

Dísus

Christurinn maður(eða Chryslerinn eins og Snúður segir alltaf). Ég er nú að lesa Ísfólksbækurnar. Oftast er þetta nú afar spennandi og skemmtilegt en svo eru heilu og hálfu bækurnar svo steindauðar og leiðinlegar að ég myndi ekki einu sinni leifa sultuhundi að heyra slík leiðindi. En stundum koma kynlífslýsingar í þessu og þá er það lesið upphátt fyrir skipsfélagana við góðar undirtektir. Kannski ætti ég að leggja Ísfólkið á hilluna og leggja meira kapp á skrif. Er byrjaður að skrifa nýja glæpasögu eða kominn af stað með nokkurskonar eða hugmynd að fléttu. Er að þreifa mig áfram. Fyrst er að sjá hvað útgefendur segja við því sem ég er búinn að skila til þeirra. Allz ekkert vízt að nokkuð verði gefið út. Þá er það bara þannig.
Eric Clapton & JJ Cale - Sporting Live Blues

Suede - Picnic By The Motorway

þriðjudagur, september 23, 2008

Var hann eða ekki já eða tveir saman

Æ ég veit það ekki. Líf mitt kallar á róttækar breytingar. Nóg um það. Ekkert tilvistarkreppuvæl núna. Ég er kominn í frí og ætla að byggja upp andann, stunda fundi, borða hrísgrjón eða bíta gras og lesa Dr Phil og éta svo bókina á eftir. Meira fíflið þessi Phil. Hann er verri en Benny Hinn og Þessi.
Afi minn var snillingur. Góður sögusegjari og fiðluleikari. Eitt lagana spilaði sá gamli oft fyrir okkur börnin, lag sem við kölluðum Bjrálaða lagið. Á meðan afi spilaði lagið hoppuðum við krakkarnir og dönsuðum trítilóð í kringum hann.
Brjálaða lagið

miðvikudagur, september 10, 2008

Nú er ég raaaaaasandi

Meiri andskotans heilaskaðin sem fólk verður fyrir þegar það er að sniffa lím og benzín. Ég er nú mest hissa á að Snúður vinur minn hafi ekki kvekit í heilanum á sér þarna um árið. Hann fékk sér nú vinnu í efnaverksmiðjunni Sjöfn til þess að geta verið með nefið á kafi í límdollunum, sniffandi í vinnuni allan liðlangan daginn. Helvítis árátta.

NMT farsímakerfið er að fara í hundana. Sem betur fer. Þessu er ekkert haldið við og verður það vonandi til þess að netkerfi verði sett um borð í öll skipin í staðinn. Fínt að geta verið á netinu út á sjó sem sagt. Held samt að Símafyrirtækin ættu að reyna að efla GSM kerfið til muna. Í færeyjum nær GSM kerfið allt að 50 sjómílur frá landi. Why not here?

Í nótt dreymdi mig svo teboð hjá Múmínálfunum. Múmínmamma bar fram te, brauðrétti og 5000 lítra af rabbabarasultu. Meira magnið það. Við Múmínpabbi og Hemúllinn áttum í feitum samræðum um kreppuna, fasteignaverð, stýrivexti og vísitölu neysluverðs. Múmínsnáðinn og Snabbi og Mía litla hömuðust við að lana með fartölvurnar í herberginu við hliðina á stofunni.

Ég held að heimsendir sé í nánd.
Rolling Stones - She's So Cold

fimmtudagur, september 04, 2008

Áfram veginn

Ég lifi í deginum í dag. Ég er að horfa fram á veginn. Haustið er komið sem er uppáhalds árstíminn minn. Samt hef ég vonda tilfinningu gagnvart komandi hausti. Veit ekki hvers vegna.

Land og þjóð hefur endanlega brugðist Breiðuvíkurdrengjunum eina ferðina enn. Þessar bætur sem í boði eru, eru til háborinnar skammar. Ríkisstjórn Geirs og Ingibjargar er endanlega búin að bremmsa í buxurnar með því að taka gjaldeyrislánið. Þau eru fífl. Árni Mathisen á svo að dratthalast úr fjásmálaráðuneytinu eða selja hlut sinn í Byr. Hálvitaskapur að hafa bissnesmann í stól fjármálaráðherra. Gerum bara Jóa í bónus að Viðskiptaráðherra. Æi mér er svossem alveg sama. Þessu liði er nær að vera hálfvitar.

En hvað um það. Ég er byrjaður að lesa Ísfólkið. Búinn með fyrstu bókina og lofar þessi þvæla bara góðu.
Toby Keith & Willie Nelson - Beer for my horses

fimmtudagur, ágúst 28, 2008

Leiðindi

Þetta sumar hefur nú varla verið gott. Jú það lofaði góðu í enda Maí þegar ég fór með konu og barni ásamt fleirum til Flórída. Var svo í Júníbyrjun farið á norðurlandið þar sem ættingjar og gamlir sveitungar voru heimsóttir. Svo þegar Júlí startaði var farið að Svignaskarði í vikudvöl í sumarbústað til afslöppunar. Það var mjög gott. En svo þegar hallað hefur á seinnipart sumarsins hafa mjög leiðinlegir atburðir átt sér stað. Mamma og Pabbi ákváðu að slíta samvistum eftir 30ára sambúð. Einnig voru bróðir minn og mágkona að splútta samvistum eftir langt hjónaband og ofan á það gekk vinafólk okkar Írisar einnig frá sínum skilnaðarskjölum. Um verslunarmannahelgina fékk ég svo þær fréttir þegar ég var í tjaldferðalagi með fólkinu mínu að góður félagi minn úr 12sporabransanum, maður sem mér þótti afar vænt um, væri látinn eftir mikla baráttu við krabbamein. Þar á eftir fékk vinafólk okkar þau válegu tíðindi að dóttir þeirra hefði látist af slysförum út í Svíþjóð.
Yfir þessu öllu saman er ég ákaflega hryggur og hafa síðustu vikur verið tilfinningalega átakanlegar. En að geta verið til staðar fyrir þá sem manni þykir vænt og að vera hæfur til þess að geta hlúð að þeim um getur gefið manni ótrúlega mikið. Sjálfur reyni ég að horfa fram á veginn og lifa í núinu og nota þessi andlegu verkfæri sem mér voru færð í AA samtökunum.
Nightwish - Frozen

fimmtudagur, ágúst 21, 2008

Með drulluna

Ég er farinn á sjó. Gráminn er byrjaður aftur eftir gott sumarfrí. Var að koma heim eftir fyrsta túrinn. Keila, Langa, ýsa og grátlega lítið af Þorski. Allt er búið að gerast í þessu blessaða fríi mínu. Svo fer ég á sjó og borgarstjórninni bara steypt af stóli og búið að hræra öllu liðinu til. Hefði ég nú samt vilja hafa sama borgarstjórann áfram. Segi það nú bara.
Og nú er lag. Toby Keit er góður kántrýsöngvari.
LAG

föstudagur, ágúst 15, 2008

Mp3 og MPEG-4 á bloggið. Nú er lag.

Meiri andskotans skítaliktin sem kemur þegar verið er að sjóða slátur. Eins og hvað þetta er nú annars ágætis matur þegar búið er að súrsa það. Fnykurinn er slíkur að ég reyni bara að vera úti þegar verið er að sjóða slátur.
Í dag fór ég reyndar út að taka til í bílnum mínum. Já, þegar menn eru farnir að finna ruslatunnulikt í bílnum þá er kominn tími á tiltektir.
Þá er að kynna nýjan lið hérna, en það tilstandið verður það að ég mun af og til setja inn lög með bloggfærslum mérna. Þið verðið bara að fylgjast með því undir þeim færslum sem ég kem til með að bæta lagi við. Í tilefni verða það 2 lög núna.
LAG
LAG

miðvikudagur, ágúst 13, 2008

Blómiiiii

Hefi ég ætíð verið hrifinn af ritverkum Þórbergs. Hef lesið töluvert eftir hann og núna var að koma út krafsinu bók sem ég las eftir hann á sínum tíma eða þegar ég var 15ára. Það er Sálmurinn Um Blómið og fjallar um það þegar Þórbergur og Margrét eiginkona hans bjuggu á Hringbraut 45 og samskipti þeirra við skábarnabarn þeirra, Helgu Jónu sem bjó með foreldumsínum á hæðinni fyrir neðan þau. Þórbergur var svo mikill snillingur að koma þessu ritverki á blað að það er með ólíkindum. Hann setur sjálfan sig svo vel inn í hugarheim barnsins og gerir textann í bókinni svo skemmtilega barnalegan. Svo er svo skemmtilegt hvernig lífsins speki og þrautir eru sett í einfalt og barnalegt form. Einnig þegar Þórbergur lýsir fyrir barninu illsku heimsins og valdi græðginnar á svo einhvaldan og barnalegan hátt.
Bókin varð mér svo hugleikin þegar ég las hana á unglings árum að þegar ég á sama tímabili lífs míns fór ég til Reykjavíkur, bað ég Pabba minn að keyra með mig sérferð að Hrinbraut 45 bara rétt til að sjá hvernig húsið liti út og hvernig umhverfið væri þarna í kring.
Núna er best að ég fái mér kaffisopa. Fyrst ætla ég samt að henda út einni Hrossaflugu og skíta.

mánudagur, ágúst 11, 2008

Þrautarugl
Getur einhver leyst þessa gátu. Hún gengur út á það að að draga samfellda línu í gegn um hvert strik aðeins einu sinni. Sá sem nær að leysa þessa þraut fær í verðlaun Fréttablaðið og áskrift að Skjá einum frítt í heilan mánuð.

laugardagur, ágúst 09, 2008

Homma Prýði

Ég gerði mér ferð til að skoða gönguna niðrí bæ í dag. Þar var að vanda alveg hellingur af alveg Þveröfugu liði. Öfuguggaskapurinn var svo þvílíkur að ég hefi aldrei vitað annað eins. Magnað hvað kynvillingarnir geta nú verið ísmeygilega skemmtilegir á svona stundum. Er ég stoltur af þessu fólki að geta verið eins og það er svo frjálst, konurnar eins og keðjuhlekkir og karlarnir pumpandi í hvern annan alveg linnulaust. Ég hvet því alla sem slíkar kenndir hafa að opinbera þetta fyrir fjölskyldu og vinum því að samskapanudd eða garnaþvæl er ekkert til að skammast sín fyrir.

föstudagur, ágúst 08, 2008

Helvítis ónæði

Hvað er málið með Hrossaflugur í þessu húsi sem ég á heima í. Alveg merkilegt hvað þær sækjast hingað inn þegar ég er að reyna að hanga í tölvunni í friði. Ég er búinn að drepa slatta af þessum kvikindum síðustu daga og nú er ein hérna í stofunni að þvælast. Ógeðsleg kvikindi.

Og í alvöru. Prufiði onlinebandit. Alveg mergjuð snilld að hanga inná þessu og spila lúdó.

fimmtudagur, júlí 31, 2008

Draumfarir og brjálaðir pólverjar

Tómt rugl. Mig dreymdi í nótt að ég væri keyrandi á bíl einhverstað á leiðinni á norðurlandið. Var Megas með gítarinn í aftursætinu og söng lagið Every Grain Of Sand. Síðan komum skruppum við í kaffisopa á einhverju eyðibýli í Öxnadal. Var heimilisfólk draugar sem höfðu búið þar í gamladaga og báðu Megas að spila fyrir sig. Reyndar var KK á leiðinni á bæinn líka og biðum við í kaffi þangað til að KK mætti. Spiluðu þeir Komdu Og Skoðaðu Í Kistuna Mína. Að söngnum loknum fórum við Megas á bílnum okkar áfram heim á Norðurlandið. Hann fór svo út á Akureyri þar sem hann ætlaði að halda tónleika en ég hélt áfram keyrandi í Reykjadalinn.



Jæja. Þá er maður búinn að skreppa á sjóinn svona í sumarfríinu. Fór á Ásbjörninn í fjóra daga. Ég hef vanalega gert þetta síðustu ár þegar Vísisbátarnir fara í sumarstopp, að skreppa þá að gamni mínu á eitthvað annað skip. Alveg óþarfi að húka í fríi í fimm vikur í einu. Annars heyrði ég ljóta sögu af pólverja nokkrum sem á það á það til að æða inn í klefann hjá mönnum sem eru á frívakt og ráðast á menn sofandi og lemja í klessu ef honum líkar eitthvað illa við þá. Ég veit svei mér ekki hvað ég myndi gera ef ráðist yrði svona á mig berskjaldaðan í svefnró. Held að það myndi fjúka svo gasalega í mig að ég myndi ganga af viðkomandi einstaklingi dauðum þegar uppi væri staðið. Maður verður nú nógu illur við tilhugsunina eina og sér.

Hér getiði svo náð í lagið Every Grain Of Sand með Bob Dylan.






Eitt að lokum. Fyrir þá sem ætla að vera á innipúkanum um verslunarmannahelgina. Þá þykir mér gaman að spila Lúdó eða Chitris á netinu. Einnig er hægt að spila vist og Jatsí þar líka. Þið þurfið ekki annað en að fara inn á onlinebandit og ná í forritið þar.

miðvikudagur, júlí 23, 2008

Ekki flókið

Það er nú ekki flókið að afgreiða þennann. Bara setja í bakkgír og spóla af stað. Já mér leiðist voðalega þetta pakk sem er að mótmæla því sem ekki verður hætt að framkvæma. Ef ríkisstjórnin er búin að ákveða eitthvað þá verður því ekki haggað. Hannig hefur það verið og þannig er það.
En þetta er nú meira sumarfríið. Það er tussast á lappir svona einhverntímann eftir hádegi, fá sér eitthvað að éta og hanga í tölvunni. Ég þyrfti helzt að taka út veiðidótið mitt og stika upp að vatni og ná mér í soðið. Fara norður kannski. En nú ætla ég allavega að renna niður á Grensásveg og taka mér dvd og eitthvað nammi í leiðinni.

þriðjudagur, júlí 22, 2008

Sjá þetta

Dæmalaust hvað fólk tekur upp á að gera. þetta er nú eitthvað það ógeðslegasta fyrirbæri sem ég hef augum litið á ævinni. Race spoiler settur á venjulega Toyotu Avensis. Mátti hreinlega til með að taka mynd af þessu fyrirbæri. Að fólki skuli detta svona rugl í hug og framkvæma það í þokkabót.

Talandi um bíla. Þá er eins og allir eiga að vita, benzínverðið stjórnaf af satani og félögum. Benzínverð er hreinlega leikfang satans þessa dagana. Þá datt mér í hug að reyna að selja Lexusinn og reyna að fá mér eitt stykki Daihatsu Charade. Að fyllann myndi kosta í dag kannski 6000 kall og er vel hægt að komast á honum fram og til baka til og frá Rvk og Akureyri. Átti eina svona bíltík sem reyndist mér alver einstaklega vel. Svo er fyrir þá sem gera við sjálfir ákaflega einfalt að gera við þetta. Svo bara að leika sér á þessu er alvgjör snilld.

sunnudagur, júlí 20, 2008

Eymiggi










Rakst á þetta í bænum í dag. Greinileg að einhver hefur verið fúll út í eiganda bílsins. Merkilegt þegar menn verða fúlir hver út í annan. "Þykir þér vænt um bílinn þinn" heyrði ég eitt sinn spurt þegar tveir fábjánar áttu í rifrildi. Því ekki bara að biðja viðkomandi að slást? Það að eyðileggja bílinn hans er aumingjaskapur. Fífl.

fimmtudagur, júlí 17, 2008

Skyturnar

Merkilegt helvíti. Ég fór nú í BT um daginn sló til og keypti mér Skytturnar. Mynd sem ég sá þegar ég var krakki. Horfði mikið á hana í gamladaga með Símoni sem hafði tekið hana upp. En þetta er nú svona dæmigerð íslensk þvæla eftir Friðrik þór. Svona típísk íslensk bíómynd. Æi íslensk kvikmyndagerð var svo eftirá á þessum tíma. Samt furðu vel heppnuð ræma. Barn síns tíma hefði ég sagt. Kvikmyndagerð á Íslandi fór ekki að heppnast almennilega fyrr en Hilmar Oddsson og Froztfilm gerðu Foxtrot. Dæmalaust.
En ég var nú að taka til í skápnum hjá mér í gær og ótrúlegt hvað maður á orðið af DVD myndum. Svo er það mesta furða hvað ég á af hryllingsmyndum. Hægt er að sjá safnið hér.

miðvikudagur, júlí 16, 2008

KRAGGAR !

Óskaplega er gaman að sjá hvað Josh og Reeva í The Guiding Light eru happý. Var hún ekki annars búin að drepast í þessum þáttum. Mig minnir það síðan ég fylgdist með þessu í eina viku árið 1997. Maður fylgist svona með þessu í kerlingaskap í sumarfríinu. Æi þetta er leiðinlegt. Er ekki bara bezt að fylla á Ipodinn og ganga á fjöll. Syngja kannski líka lagið sem maður söng í tónment hjá Ragnari í gamladaga.

Hann Stubbur litli labbar
með landpóstinum yfir fjöll.
Hann langaði að líta
á landsins stærstu tröll.

Svo fór hann upp á fjöllin
og fékk að líta heljartröll,
en fór á burt sem fljótast
og fannst þau lítil öll.

Þá sá hann sjóinn bláa
og sentist niður snarbrött fjöll
Er leit hann sig í lygnu,
þá loksins sá hann tröll.

Nei, bara svona hugmynd. Neeeeeee.... Held að ég fái mér bara kaffisopa núna.
Katarent á könnuna katarent á könnuna katarent á könnuna og ekkert kvak.

föstudagur, júlí 11, 2008

A4 B18 @=0=(^@)djj. HA?

Uss... Helvítis borvélamorðinginn ásótti mig aftur í nótt. Það er ekki flóafriður við að hvíla sig upp í bústað með fjölskyldunni. En ég er allavega búinn að hafa það ágætt í heitum potti og étandi af grillinu hina ýmsustu rétti. Meira hvað Míkadó getur verið skemmtilegt spil þegar maður leggur sig fram við að geta eitthvað í því. Annars var þetta mjög chilluð sumarbústaðar vika í Borgarfirðinum með góðu veðri . Skrapp til Inga bónda og saup á ljómandi góðum kaffiuppáhellingum. Ég var sko ekki svikinn af því.

Svo var mér gefin þessi forláta Hawaii skyrta í dag. Nokkuð lukkulegur með hana. Það reddar því þá að ég spandera ekki í slíka skyrtu hjá Dr Gunna eins og ég hafði hugsað mér. Ég er bara nokkuð lukkulegur með hana þessa. Ekki það að ég hafi verið eitthvað sérstaklega hrifinn af svona skyrtum. En þær eru nettar. Ég átti einu sinni svona skyrtu sem ég pússlaði saman í saumatíma þegar ég var í barnaskólanum. Var nokkuð oft í henni á Ýdala-böllunum. Hözzlaði samt ekkert út á hana en skyrtan var samt flott. Minnir að ég hafi lent í slagsmálum út af henni. (Helvítis húsvíkingar) Held að ég eigi skyrtudjöfulinn ennþá einhverstaðar mölétna inní skáp. Spurning um að reyna að selja hana eins og doktorinn gerir.

Ái. Ég var stunginn af geitung í gær. Það var bara helvíti sárt. Helvítis motherfuckerinn. Ég stútaði nú reyndar einu búi hérna í garðinum í dag með hárlakkbrúsa og kveikjara. Einfalt og öruggt og fljótlegt og skemmtilegra heldur en að láta meindýraeyðinn gera það sem maður getur gert sjálfur og borga fyrir það.

fimmtudagur, júlí 03, 2008

ÚÒ»½ì±ùµº»ªÈËÁªÒê»áÀíÊ»á³ÉÔ±ºòÑ


Hrikalegt. Þegar ég var að sofna í nótt, dreymdi mig að ég væri einhverstaðar í 101num á bílnum mínum til að erinda eitthvað. Lagði ég bílnum mínum í stæði og ætlaði að ganga burt þegar ég sá einhvern mann læðupokast í grennd við bílinn. Ég fór að athuga með þennan sperðil og þegar ég sá hann fela sig handan við húshorn sá ég að hann var vopnaður borvél og ætlaði að brjótast inn í bílinn minn en þarna var ég búinn að koma upp um manninn en þá tók viðkomandi á árs með borvélina á lofti og ætlaði að ganga frá mér með helvítis borvélinni og hljóp á eftir mér með borvélina í gangi. Þetta er í fyrsta sinn sem ég hrópa um leið og ég vakna. En ég brjálaðist úr hlátri um leið og ég áttaði mig. Djöfull var þetta vitlaust.

Alveg er það nú makalaust af stjórnvöldum að reka úr landi Paul Ramses sem sótt hefur um hæli hérlendis. Það er ekki eins og landið fari á hausinn við að hafa hann hérna. Er ekki Ísland það ríkt land að það geti gert eitthvað fyrir þetta fólk. Er kerfið virkilega svona fokked up að það verði að reka manninn af landibrott frá konu og barni. Það að veita þessu fólki ekki skjól og leifa því ekki að koma undir sig fótunum hér á landi vegna aðstæðna sem þau koma úr í heimalandi sínu undirstrika það rækilega hverslags hræsnarar það eru sem stjórna þessu systemi hérna og eru landi og þjóð öllum til háborinar skammar og bölvunar.

En hvað sem öllu rugli líður þá er Kristín Gk komin í sumarstopp og ég þar með kominn í sumarfrí og er stefnan tekin á vikuafslöppun í sumarbústað með tilheyrandi heitapottslegu og áti. svo verður brunað á norðurlandið og chillað þar í nokkra daga. Svo bara chillað meira í reykjavík.

Núna held ég svo að ég fari að elda mér einhvern andskotann. Humar eða Naut eða eitthvað.

mánudagur, júní 23, 2008

Uppbót

Ég hef ekkert að segja. Bæti það bara upp með klaufabárðunum.

laugardagur, júní 14, 2008

Atburðarrás í kjölfar símtals

það er óhætt að segja að margt stórkostlegt hafi gerst í dag. Málið er að ég sat í rólegheitum í stofunni heima og át humar þegar ég fékk óvænt símtal frá ókunnugum manni og þá ерxoно новыwй обqорот поzлучила история вокруг скандально известного сайта Ингушетияр. Несмотря на то, что с прошлого года сайт заблокирован на территории Ингушетии местными интернет-провайдерами, регистрация и хостинг Ингушетии.ру находятся в США, так что применить санкции к самому серверу российские власти не могут. Евросоюз начинает признавать нашу банковскую систему. Свидетельство тому – лицензия, полученная недавно Первым Чешско-Российским банком (ПЧРБ), на осуществление банковской деятельности своей дочерней структуры в Чехии. Примечательно, что выход российской кредитной организации на европейский рынок активно лоббировался и нашим банковским сообществом, и на государственном уровне
Вряд ли Сбербанк будет играть в не совсем честные игры, но реалии таковы, что граждане России вообще не читают договора, что подписывают. Они смотрят рекламу и верят ей, особенно если это касается банка № 1. Поэтому весьма велика вероятность того, что увидев привлекательную ставку в рекламном ролике, многие вкладчики поспешат сунуть сбербанковскую кредитную карту в банкомат. На берегу Тигра в самом центре иракской столицы днем и ночью, не прекращаясь ни на час, кипит работа. Огромные краны снуют над строительной площадкой, рисуя в городском пейзаже контуры десятков зданий. Официальные лица американской оккупационной администрации на все вопросы не отвечают ничего вразумительного. В три часа дня 4 июня 1988 года Центральное телевидение и Всесоюзное радио передали краткое сообщение правительственной комиссии о том, что около станции Арзамас-1 взорвались три вагона. Не было ни подробностей, ни версий, ни слова о погибших и раненых. И вот лишь сейчас, через двадцать лет мы можем достаточно точно ответить на вопрос, что же все-таки произошло в тот трагический день. Задержанный в марте этого года в Санкт-Петербурге убийца Сергей Одинцов подчинялся слышанным им голосам, приказывавшим «Убей». Нечто подобное ранее говорил убийца монахов Оптиной пустыни. Не исключено, что попытки современной науки объяснить природу маньяка заведомо обречены на тупик, если изучение самых мрачных глубин человеческой души по-прежнему будет проходить лишь материалистическими методами прикладной психопатологии. от которого традиционно отсчитывается начало непрерывной российской государственности. Развитие клиентского бизнеса - одна из приоритетных задач АБ "РОССИЯ". Банк ежегодно укрепляет свои позиции на рынке обслуживанияОбщие информация о телеканале, сведения о передачах, программах и фильмах транслируемых на телеканалеканале. корпоративных клиентов, и на сегодняшний день, является стратегическим партнером для многих крупных предприятий регионов страны. В основе этого партнерства - ориентация Банка на потребности клиентов, индивидуальный подход к формированию необходимого им пакет услуг, что ведет к росту доверия и взаимовыгодного сотрудничества. En ég veit að atbruðir dagsins munu setja mark sitt á líf mitt og mesta mildi þykir mér að ég skyldi ekki fríka út andlega. Svakaleg lífsreynsla.
После распада cанкт-интерактивная

Æi sjitt..... Ég er búinn að sitja hérna í klukkutíma og ég hef bara ekkert að segja.

föstudagur, júní 13, 2008

Гуx дыxKяэE юыx€

Mér sýnist þetta vera dúkka sem stendur nú þarna.