blank'/> blank'/> +++Aldrei að hafa gaman af lífinu+++: 2013

sunnudagur, júní 30, 2013

Meira um staðreyndir lífsins


Og svo var það maður sem ég hitti í bænum í gær og sá hafði lesið síðustu færslu og hafði það á orði að ég „væri svo ruglaður". Nei þarna var ég hjartanlega ósammála. Ruglaður maður gæti aldrei skrifað svona. Ruglaður maður myndi líka trúa þeirri heimsku að allt sem færi upp kæmi aftur niður. Ég man einu sinni eftir fífli sem ruglaði með þennan frasa og sagði að allt sem færi niður kæmi ekki upp aftur. Sá var aftur á móti ruglaður. Ég get alveg sagt það, að þegar ég vann á sláturhúsinu á Akureyri þá tók ég rollulöpp og henti henni niður um lúgu sem kindahausum var kastað niður í en gaurarnir sem sáu um að taka á móti þeim til að klippa hornin af á hæðinni fyrir neðan brjáluðust við þessa stríðni og grýttu löppinni upp aftur svoleiðis að hús þaut upp um lúguna og var nærri því lent í andliti manns sem stóð þar nærri. Jæja ég held að ég leggi mig í smá stund. />
------------------------------------------------------------------------------------ />
Binni bróðir bjó til lag í sama forriti og ég bjó til lagið Pornstars. Það er engum blöðum um að að fletta að þetta er ömurlegt forrit þar sem einungis er hægt að búa til ömurleg lög. En þið verðið bara að hlusta. Sitt sýnist hvurjum.
Binni bróðir - Gay Robot

laugardagur, júní 29, 2013

Geimrusl


Þegar maður fer út að labba með hundin í rigningunni fljóta hugsanirnar í gegn um kúpuna, innum annað og útum hitt ef svo má að orði komast. Maður hefur látið sér detta ýmislegt rugl í gegn um tíðina en 96% af þeim hugdettum hefur þó skolað burt og gleymst jafnóðum. Maður reynir að finna hjá sjálfum sér eitthvað um staðreyndir lífsins en flest þarf maður að finna sjálfur þó svo að maður þurfi ekki ævinlega að standa í því að finna upp hjólið, en margt af því sem manni var kennt í æsku er þvæla og ég hef lært að trúa ekki öllu sem mér er sagt sem hefur leitt til þess að ég tortryggi flesta hluti. Einu sini var mér t.d. sagt að allt sem færi upp myndi koma aftur niður. Það er algjör della. Þegar ég var krakki stóð einu sinni fyrir neðan ljósastaur og kastaði steini upp í loftið en það vildi ekki betur til en svo að steinnin lenti á ljósinu og braut sér gat inn í gegn um luktina og rúllaði innfyrir glerið. Þetta var staur sem hætt hafði verið að nota skömmu áður og ég veit til þess að staurinn hefur ekki verið lagfærður eftir þetta né heldur verið tekinn niður þannig steinninn hlýtur að vera þarna ennþá og þá afsannast því fyrrnefnd staðfhæfing. Já og hvað um allt geimruslið fyrir ofan gufuhvolfið? Það eru hlutir sem þeytt hefur verið upp í loftið en hafa aldrei skilað sér niður aftur. Miðlar. Ég hef farið til miðla í gegn um tíðina en allir hafa þeir bullað að einum undanskyldum sem fór rétt með allt. En tæplega var nokkuð að marka það sem þeir sögðu. Svona eitt og eitt sem þeir hafa hitt rétt á en ég veit það samt ekki. En ég hef þó gefist upp á að púkka upp á þetta annars misgáfulega lið. Ég veit svosem ekki heldur hvað ég er að fara með þessum skrifum mínum núna. Já og myndin við þessa færslu, hún tengist þessu ekki neitt. />
------------------------------------------------------------------------------------ />
Já og þetta lag sem ég bjó til í einhverju forriti fyrir örugglega meira en tíu árum síðan var eitthvert tjasl sem maður gat raðað saman við hitt og sett saman við þetta. Voða sniðugt allt saman. Út koman var þetta og er ekki betri en svo að ég myndi helst ímynda mér að hægt væri að nota það í atriði í klámmynd. Það var svona það sem mér datt einna helst í hug.
Spritti - Pornstars

laugardagur, júní 22, 2013

ta ta ta ta ta taaaaaa

Voðalega lítið að gerast hjá mér um þessar mundir. Dagarnir líða og það kom loksins sól og ég hef ekkert farið að veiða. Maður er búinn að stunda laxveiðar í yfir tuttugu ár og ekki ennþá búinn að ná laxinum. Það kemur. En fátíðindi eru góð tíðindi. A.m.k. gerist ekkert slæmt á meðan. Maður kemur kannski heim eftir nokkura klukkustunda þvæling og spyr hvort eitthvað sé að frétta?(Sú spurning sameinar, hefur einhver hringt, var eitthvað í póstkassanum, hefur einhver komið, er eitthvað í sjónvarpinu hefur nokkuð orðið bilað eða eyðilagst í húsinu o.fl.)og svo andar maður léttar ef svarið er nei, fegin því að það var ekki eitthvað helvítis: Já það hringdi hérna maður frá bla bla bla og það þarf að fara með þennan pappír þangað og jarí jarí en það kostar helling að endurnýja það og svo sprakk heitavatnslögn. Svona tekur maður einn dag í einu áfallalaust. />
------------------------------------------------------------------------------------ />
En jább helgin er löngu byrjuð og því um að gera að dilla sér við smá samba.
Ginza Samba

mánudagur, júní 10, 2013

Góðan mánudag

Ég byrjaði á að fara með eldri soninn á leiklistarnámskeiðið, fyrsta tíma í dag. Hann langar að verða leikari á komandi fullorðinsárum og því geri ég það sem í mínu valdi stendur til að leggja grunn að því. Flott ef maður sjálfur hefði haft færi á að gera slíkt hið sama í æsku en það var víst bara helvítis fótboltinn sem aðallega var í boði í þá daga í minni sveit en ég nennti auðvitað ekki að eyða litlum frítíma mínum í að hlaupa inn á snjáðan túnblett til þess að hreyfa mig eitthvað. Maður var nú reyndar í körfuboltanum þegar hann komst í tísku með tilkomu NBA mynda sem menn söfnuðu vilt og galið eins og enginn væri morgundagurinn. Ágætis sport fannst mér. Þó fannst mér meira varið í að eyða frímínútunum í að rölta yfir í tónlistarskólann og slá á gítarstrengi á þeim tíma sem ég var að læra á slíkt. Maður tók þó þátt í skólaleikritunum á árshátíðum og litlujólum, en þó voru það nú helst einhverjir uppáhalds og vel útvaldir sem fengu flottu hlutverkin. Drengnum mínum leiðist fótboltinn eins og undirritaður og er ég því ekkert að ýta honum í það neitt frekar en hann vill. Nær að hvetja hann til að gera það sem hann langar. En nú er ég að hugsa um að fara á klósettið. />
------------------------------------------------------------------------------------ />
En áður en ég fer á klósettið þá verð ég að segja að mér datt allt í einu í hug þegar ég var í verslun um daginn að athuga hvort Sana Sol væri fáanlegt. Gerði nú ekki ráð fyrir því þar sem ég hef ekki séð þann varning síðan ég man ekki hvenær. En maður var látinn taka þetta inn sem barn ásamt lýsinu til þess að maður yrði nú ekki aumingi. En Sana Sol fæst víst ekki lengur enda er fólkið í landinu að verða aumingjar meira og minna eða bara heimsbyggðin öll. En það er víst til lag um Sana Sol. Þar hafiði það.
Sana Sol Sangen

þriðjudagur, júní 04, 2013

Hvað er að?

Ég fór að venju í búðina í gær til að kaupa í matinn og þegar ég geri það þá fer ég yfirleitt í Bónus sem er næsta verslun við húsið mitt. Nema hvað að þegar kemur að röðinni við kassann þá er búið að stilla upp þessum dagblöðum, Mogganum og Dv, þannig að forsíðurnar gapa framan í mann. Ósljálfrátt, ef röðin er löng og það er kannski einhver gömlu kelling á undan mér að greiða stórinkaup og borgar allt með klinki að þá tekur maður blað og flettir og þá er það forsíðufréttin einna helst, vegna þess að hún öskrar á mann að lesa sig. En hvað er verið að gera með þessar Krossa-erjur í fjölmiðlum? Kemur þetta nokkrum manni við sem ekki er í þessum söfnuði? Er fólk virkilega að láta mata sig með svona ömurlegu fjölskyldrama? Ég þekki Gunnar eða dóttur hans ekki neitt. Hef reyndar lent í dálitlu spjalli við Gunnar fyrir löngu síðan með þriðja aðila sem þekkti hann þar sem við hittum hann á kaffihúsi. Virkaði á mig sem ljúfur og indæll náungi og allt í lagi með það. En það dugar ekki til þess að ég hafi áhuga á hans fjölskylduerjum, tengdu hans söfnuði eða fyrirtæki eða hvað má kalla það. En fók er víst þarna úti og leyfir blöðunum að plata sig með því að gera þetta að æsifréttum sem verður til þess að fólk kaupir blaðið. Vissulega bissnes í því og sniðugt og allt það. En alltaf þokast ég nær og nær þeirri sannfæringu að almenningur sé fífl. Ljótt að segja það en það finnst mér nú oft á tíðum. Þetta er náttúrulega bara bilun/>
------------------------------------------------------------------------------------ />


Þrjóskan í mér er engri lík. Ég gróf upp þessi tvö lög eftir nokkuð langt ströggl en uppskar léleg gæði. Fann þetta hvergi öðruvísi en einhverjir hafa sumsé haft fyrir því taka þetta upp með mæk á meðan myndirnar voru að klárast. Gæðin eru því eins og ég segi léleg og fljótlega má heyra eitthvert röfl úr leikurum myndanna. En engu að síður góð þessi endalög úr báðum þessum kvikmyndum sem heilluðu undirritaðan.
Gerard McMahon - Let the Lightshine In The Morning
Hawaiian Sands

mánudagur, júní 03, 2013

Jahaaaaa eitthvað

/>
Ég þvældist niðrí bæ í dag og kíkti á ekki neitt. Hékk aðeins í bílaröð á mínum venjulega grandarúnti sem ég fer endrum og eins. Þetta var nú orðin svo mikil þvæla af bílum þarna og allir voru orðnir löngu brjálaðir og þá gaf því enginn séns. Þetta varð til þess að í var orðinn brjálaður líka og var farinn að fara framúr röðinni á móti umferð þegar mótakreinin var auð og keyrandi svo yfir gangstéttir eins og fáráður en allt var þetta gert til þess að losna úr öngþveitinu niðrá granda. Allavega þá skal ég aldrei fara þennan rúnt framar á stórhátíðardegi sem tengist miðbænum. Það er nú ljóta ruglið. ------------------------------------------------------------------------------------ />
/>
Meira úr Breaking Bad. Tónlistin úr þessum þáttum er sjúklega góð, það verður að segjast. />

The Be Good Tanyas - Waiting Around to Die
/>

Holy Fuck - They're Going To Take My Thumbs
/>
Hér má svo lesa um The Be Good Tanyas og Holy Fuck

föstudagur, maí 31, 2013

Bolir sumarsins

Venjulega hef ég átt mér einhverja uppáhalds boli um hvert sumar, sem ég geng þá hvað mest í það sumarið. Einhvern tímann var það Rolling Stones bolur og líka Iron Maiden bolur. Ford Mustang var það nú eitthvert sumarið og í hitteð fyrra var það Abdul-Jabbar #33 Lakers treyja. Í ár get ég eiginlega ekki gert upp hug minn, þar sem þessir þrír eru allir í uppáhaldi. Fékk þessa á ebay í einum pakka á spottprís og slapp með að borga tollinn og svoleiðis skemmtilegheit. Þetta eru auðvitað Breaking Bad bolir og þeir sem hafa fylgst með þeim þáttum þekkja auðvitað dralsið framan á þeim. Annars er lítið að frétta bara þetta sama sull og venjulega, vakna éta sofa sinna krökkunum og fleira. Er ekkert farinn að huga að ferðalögum sumarsins og hef ekkert farið að veiða heldur. Kannski að ég skreppi að Reynisvatni um helgina og renni fyrir silung. Hver veit?/>
------------------------------------------------------------------------------------ />
Talandi um Breaking Bad. Uppáhalds atriðið mitt úr þessum frábæru þáttum eða eitt af uppáhalds. Endaatriði og svo rúsínan í pylsuendanum þetta frábæra endalag með The Silver Seas.

The Silver Seas - Catch Yer Own Train

Hér má lésa meira um The Silver Seas.

miðvikudagur, maí 29, 2013

Þá er mp3 bloggið klárt og ég þarf að þusa smá


Vandamálið með mp3 bloggið var þannig að maður var að puðra inn mp3 files(tónlist) inn á server sem er í eigu góðs vinar. Ég setti þarna inn tónlist sem var þá vitanlega downloadað af blogginu mínu en sá galli var á gjöf Njarðar að þó svo að flestir sem sóttu lögin væru íslendingar þá er blogspot.com í usa. Þannig að Guðmundur á Bakkafirði sækir lag á síðuna, lagið uploadast af servernum sem er hér á íslandi, í gegn um blogspot.com þannig að mp3fællinn fer tæknilega til usa og downloadast þaðan til íslands aftur, svoleiðis að þetta fór að vera kosnaður fyrir vin minn sem á serverinn. Og í ofanálag þá voru mp3 leitavélar sem nú hefur tekist að blokkera, verið að vísa á þennan server og þannig var fólk allstaðar að úr heiminum að sækja tónlistina hingað og eins og þú sérð á þessum rituðu línum var þetta orðið vandamál. Nú hefur hann fundið út aðferð(hann er forritari sko) til þess að hægt sé eingöngu að sækja mp3 fælana í gegn um íslenskar iptölur og einnig sett inn forrit sem eyðir burt mp3 fælum sem hafa verið inni í þrjá mánuði. Þannig verður kosnaðurin lítill, bara smotterí sem ég ræð við um hver mánaðarmót. En reglan er sú að þeir sem geta notið eru eingöngu þeir sem eru hér á landi og hvert lag hangir inni í þrjá mánuði.
------------------------------------------------------------------------------------

Hér kemur svo lag sem á ágætlega við núna en það er Missing you for so long eftir Guð má vita hvern. Eitthvað eru samt vafrarnir að taka því misjafnlega, þessu tónlistarbloggbrölti mínu, en það verður þá bara að reyna og reyna þar til það hefst, ef það verður á annaðborð vesen fyrir ykkur að ná laginu eða hlusta á það í vafranum. Það er líka hægt að gera það einfaldasta og hægrismella á lagið og ýta á „save link as" og svo „save" og downloada bara laginu beint í tölvuna þína. Þar hafiði það.

Missing you for so long

sunnudagur, maí 19, 2013

Helvíti gott

Ég rambaði á plötuna Rimlarokk sem hljómsveitin Fjötrar frá Litla-Hrauni gaf út árið 1982, í Lucky Records fyrir skömmu síðan. Ég geri mér allt of sjaldan ferðir í þá ágætu verslun. Sennilega færi ég á hausinn af því að vera að þvælast of oft þangað og myndi síðan drukkna í vínylnum heima hjá mér. Ég hitti Rúnar Þór í saumaklúbb á dögunum og fékk hann til að rita nafn sitt á plötuna. Skemtilegra að eiga hlutina áritaða, sé þess kostur. Ég var svona að grúska eitthvað um plötuna á timarit.is og sá að einhverjir voru nú eitthvað efins um að platan myndi seljast þegar hún kom út árið 1982 en hún seldist nú í meira en 1000 eintökum og mæting á útgáfutónleika var með eindæmum góð. Eitthvað virðist þetta tukthúslima tónlistardæmi hafa farið í rassgatið á sumum og líklega hefur platan verið bönnuð til spilunar hjá ríkisútvarpinu þó að það hafi ekki verið gert opinbert. Enda ríkisútvarpið uppskrúfað einokunarbatterí á þeim tíma. Reyndar, þá man ég það þegar Sævar Ciesielski var að bögglast við að fá Geirfinns & Guðmundarmál tekin upp að nýju í kring um 1996 að þá voru lög spiluð af plötunni á Rás 2 þegar verið var að ræða þessi mál í morgunútvarpinu./>
/>
En hér má svo heyra lagið Minning með hljómsveitinni Fjötrum sem er samið og sungið af Sævari Ciesielski./>

föstudagur, maí 17, 2013

Spor í sandinn

Sumarið er komið. Það gladdi lyktarskynið og heilann minn þegar ég var á labbi í bænum að ég fann lykt af trjám sem voru að laufgast. Já og svo fattaði ég það ekki þegar ég var að fara út í búð og var kominn að bílnum mínum, að ég var bara á bolnum og fannst það notarlegt. Hugsanlega þarf ég að koma mér í það að taka fram veiðidótið og sjá hvort að mig vanti eitthvað í töskuna eins og veiðigarn og fleira slíkt.
Ég fór í leikhús um daginn í fyrsta skipti síðan ég man ekki hvenær. Jú þegar leikfélag ungmennafélagsins í sveitini heima kom með sýningu hingað suður vorið 2000. En ég sumsé fékk boðsmiða á frumsýningu Hvörf sem byggir á Guðmundar og Geirfinnsmálum. Verð að segja að ég var hálfpartinn á móti þessu þegar ég heyrði af þessu fyrst. Við virðumst stundum gleyma því að bæði Geirfinnur og Guðmundur Einarssynir áttu foreldra, systkyni og skyldmenni og Geirfinnur var faðir tveggja eða þriggja barna. Og eins og fólk er flest, þótti þeim vafalaust vænt um þá rétt eins og þér lesandi góður þykir vænt um föður þinn, son, bróður, frænda, mág eða vin. Svona gagnvart þeim fannst mér þetta pínu ósmekklegt og vafalaust tel ég að svona rífi í gömul sár þeirra. En enívei. Vel leikið og gott og vandað verk. Gert dálítið ruglingslegt en ruglið haft í réttri röð. En gæti þó ruglað þann sem ekki hefur kynnt sér málin áður en fer svo og kíkir á þetta leikrit. En var málið ekki líka rugl í heild sinni? Jú mikið rétt. Þessi uppsetning gæti mögulega verið liður í að hjálpa til við að ýta undir það að þessi mál verði tekin upp að nýju sem og umræður um G&G sem haldnar voru í Þjóðleikhúskjallaranum fáeinum kvöldum eftir frumsýningu. Vægast sagt áhugavert að sitja og fylgjast með og leggja orð í belg. Maður vonar að verðandi dómsmálaráðherra hver sem hann verður kynni sér sannleiksskýrslu starfshóps innanríkisráðuneytis um G&G. />
--------------------------------------------------------------------
Hér er gott lag sem meðlimir Coldplay stálu kafla úr og notuðu í lagið Viva La Vida.

laugardagur, mars 16, 2013

Þá sit ég hér með kaffibolla í hönd. maður hefur nú alveg verið aktívari við að halda þessari síðu úti en andleysið og tilvistarkreppan hefur stundum alveg verið að ganga af manni dauðum. Ég var eins og menn vita lööööngu byrjaður á annari skáldsögu en er síðan fyrir jólin búinn að vera strand með hana og hef ekkert getað unnið í henni. Svo hrökk eitthvað af stað í fattaranum og hann sagði mér það að ég sé að þrjóskast við. Ég fékk aðra hugmynd að krimma, lagði þann gamla uppá hillu og er byrjaður að skrifa nýtt. Ég hef verið að nema leiklist síðan eftir áramót og er búinn að læra helling. Maður er svo hér og þar að stökkva í aukaleikarahlutverk hér og þar í þáttum, kvikmyndum, auglýsingum og bara í allskonar og er búinn að fá fullt að gera. Spurning um að koma sér á svið í einhverju leikfélagi? Hugsanlega held ég áfram að sækja námskeið í leiklist hér og þar og allstaðar næsta árið. Bara gaman af því. ------------------------------------------------------------------------------------ Finnst eins og að birt hafi yfir í andlitum fólksins í landinu eftir Icesave dóminn. Já og svo er að koma matvælaverksmiðja í Bíldudal. Djöfull lýst mér vel á það. Það hefur verið rólegt þar síðan togarinn og kvótinn var keyptur þaðan. Vafalaust munu flestir kjósa svo X-D í vor til þess að eiginhagsmunaseggir geti byrjað að planta sér hérna niður með banka og verktakafyrirtæki og stóriðju verkjsmiðjur í hvern fjörð svo að allir geti nú keypt sér fellihýsi sumarbústað og lagt nýtt parkett á gólfið já og keypt dollara og evrur eins og enginn væri morgundagurinn. Jæja ég ætla allavega út í búð núna að verzla mér Bónuspáskaegg nr.10 núna.

miðvikudagur, janúar 02, 2013

Skaupið 2012 og ég var í því

Þarna er ég, þið sem sjáið ekkert, voruð of full eða gáfust upp á að horfa á skaupið fyrir miðju. Fyrst er ég glottandi við starfsfélaga minn í höfuðstöðvum Samherja sem er að sýna mér á blaði alla milljaðatugina sem við vorum búnir að græða. Svo sést hvar ég í panikki er að taka saman draslið af skrifborðinu sem skattrannsóknarliðið má ekki komast yfir og svo er ég þarna rétt áður en þeir taka mig fastan og hina á skrifstofunni og fara með okkur út.Fjör í þessu og gaman að leika í skaupinu þó að maður sjáist lítið. Nú þarf maður síðan að fara í að skiptast á bókum við aðra. Las Stefán Mána og Arnald, bækur sem ég fékk í jólagjöf og er reyndar með Myrknætti sem ég kom út í fyrra eftir Ragnar Jónasson.