Vííííííííííííííííííííííííííííííííí

Þá er hún Íris mín búin að eiga afmæli í dag og árin því orðin 25ára og í tilefni þess átum við kjúkling í kvöldmatinn. Voða góðann.

Þeir urðu nokkuð hlessa skipsfélagarnir þegar ég kom æðandi um borð, veifandi Sound Of Music í dvd hulstri sem ég svo smellti í spilarann í setustofunni. Ég skemmti mér líka konunglega við að horfa á ræmuna með heddsettið á hausnum eða svo vel að mér fannst ég vera labbandi úr bíói þegar ég fór yfir í borðsalinn til að éta smjör með rúgbrauði og kindakæfu. Skipsfélagarnir fussuðu og sveiðuðu og hræktu í allar áttir. Skilðaekki.

The Sound of Music - Do Re Mi


The Sound of Music - Edelweiss


The Sound of Music - I am 16 Going on 17

Frívakt

Magnaður skítur að blogga svona úti á sjó. Ég hef nú ekki fengið mér netpung ennþá en er að spá í að verða mér út um eitt stykki á mánudaginn þegar ég kem í land. Annars erum við í lala fiskaríi hérna við Surtsey. Reyniði svo að kjósa eftir beztu sannfæringu og samvisku í dag. Sjálfur kaus ég utankjörfundar á miðvikudaginn var. En núna ætla ég að flaka mér nokkrar ýsur í soðið og svo er ég farinn að halla mér í kojunni minni.

Fyrr má nú vera helvítið

Meiri andskotans rugldagurinn. Ég er búinn að eyða deginum að megninu til í tóma vitleysu. Kom litlu sem engu í verk og tíminn leið eins og ég veit ekki hvað. Drakk ég samt dálítið mikið kaffi og fór í heitt bað til að mýkja upp skrokkinn sem ég er annars að drepast í allan daginn. Svo fékk ég mér ágætis búts áðan en það er klaki þeyttur saman við ávexti. Það voru eingöngu bláber í því bútsi sem ég drakk. Hún leynir á sér þessi klakadrulla.

Svo var gerður derringur þarna um árið og tókst vel. En sá gjörningur var framinn af Geira en hann á það til að bregða á leik. Þetta er snilld og þið verðið að hlusta á Derringinn. Hlustiði. Heyriði ekki neitt ?




Geiri - Derringur

Kæsing

Lagði ég skötu til kæsingar í dag. Hún verður þá orðin skemmtilega úldin þarna seinnipartinn í maí þegar ég fer í frí. En kæst skata er algjör nauðsin tvisvar til þrisvar á ári. Annars er bara ágætis blíða hérna á sjónum. Ósköp vinalegt bara.

Menningarviðburður í Þingeyjarsveit




Bjarki Hall og Foxtrot - Vængjaður Engill

æksehrbgkserbgeaorgbewar

Það er vor í lofti. Maður finnur það á tilvistarkreppunni að hún er ekki eins sterk og verið hefur undanfarna mánuði. Ég fékk mér rúgbrauð með kæfu og drakk svart kaffi með því áðan en er núna með heiftarlegan vindgang eftir bæði rúbbann og páskaeggið sem ég jat núna yfir páskana. Í gær andskotaðist ég svo á þrekhjólinu til að stemma stigu við öll sætindin, ofreyndi mig og ældi. Ég ætla að lyfta lóðum núna.
Kom svo þessi skemmtilega NBA-mynd inn um lúgana hjá mér í morgun. Þá held ég að þetta sé bara komið það sem ég pantaði af ebay og er því Jabbar safnið mitt bara orðið nokkuð myndarlegt. Ég er svo búinn að gramsa í körfuboltamyndum sem mér voru gefnar (heilir þrír kassar) og er þá gamla safnið mitt sem ég tapaði á sínum tíma orðið upp bætt og gott betur Þökk sé Hannesi vini mínum. En talandi um myndir þá setti ég inn á myndasíðuna myndir af sjónum. Sjá þær hér.

The Doors - Riders On The Storm

Víðigerði frekar en Staðarskála

Jæja. Þá er ég kominn suður aftur. Maður skrönglaðist bakaleiðina í snjó og hálku þetta á sumardekkjunum. Gef svo þessum nýja Staðarskála núll í einkunn enda bara eins og venjuleg N1 bensínstöð, ekkert persónuleg eins og hvert annað þurrkuntulegt batterí.
Þá tek ég stoppið frekar út á aðeins smærri en kósí stað eins og Víðigerði en þar er að fá sér ágætis hamborgara og líta á ýmis skemmtileg handverk sem einnig eru fáanleg fyrir rétta verðið. Prump á Staðarskála.

Vúúúúúúúúúúúúúúúúú

Já sveiattan ef allt fór ekki á háa loft hérna í húsinu um daginn þá veit ég ekki hvað. Í það minnsta á ég að láta draugarannsóknir í friði en til stóð að ég og einn ónefndur ætluðum að skoða og gera rannsóknir á ferðum framliðina á ákveðnum stöðum og húsum og höfðum orðið okkur út um græjur og áhöld til þess arna eins og notuð eru í þáttunum Ghost Adventures. En um daginn fékk ég ítrekaðar aðvaranir að handan og áminningar um að láta allt slíkt vera og vera ekki að ónáða hina dauðu frekar en að ég vilji að þeir ónáði mig. Ekki flóknara. Þó ég sé mikill spíritisti og áhugamaður um astralheimana þá get ég ekki áskilið mér rétt á innbroti inn á þessa staði. Einungis fólk með meðfædda miðilhæfileika hafa þannig séð bara "leyfi" til að skyggnast þangað.
En nú er ég farinn með fólkið mitt norður. Þar verður haldið ættarmót á Föstudeginum langa. Ég er ekinn af stað með Ipodinn stilltann á Country, Blues og Rythm.
Svoooooooonahhhhhhhhhhhhhh


John Lee Hooker - I Got


Willie Nelson - Goodhearted Woman


Fantastic Johnny C - Boogaloo Down Broadway

Sobbeggi

Og nú ætla ég að lesa eitthvað þórberg Þórðarstuff. Ég stikaði á bókasafnið í dag og tók mér að láni Bréf til Láru og Í kompaníi við Þórberg. Ég er nú þegar búinn að lesa Ofvitann og Sálminn um blómið en það eru dásamlegar bækur. Svo las ég líka Bréfin hans Þórbergs. Hún er líka skemmtileg. Helvíti hefði verið magnað ef þórbergur hefði geta notað tækni á borð við internet. Klárlega myndi ég lesa bloggið hans. Annars er ég ný búinn að lesa bók sem heitir Samneyti og fjallar höfundurinn þar um reynslu sína af fljúgandi furðuhlutum, svosem eins og að verða numinn á brott í fáeina klukkutíma. Furðulegur þegar menn telja sig hafa orðið fyrir þessum andskota annars tek ég allar frásagnir svona lala trúarlegar en ég er þess full viss um að eitthvað líf leynist annarstaðar en hér á þessum hnetti. Sjálfur hef ég nú aldrei séð fljúgandi furðuhlut en er áhugamikill um þá. Væri alveg til í að sjá einn. Svo er nú það.


Whistling Jack Smith - I Was Kaiser Bill's Batman

Serbneskt


Mikki skipsfélagi minn mælti með Riblja Corba og Ceca, þegar ég spurði hann út í skemmtileg serbnesk dægurlög en Mikki er einmitt frá Serbíu. Þangað hefur mig alltaf langað alveg óskaplega til að fara. Annars er ég farinn á sjóinn í nokkra daga og er svo kominn í kærkomið páskafrí.
Ceca - Koza Pamti


Ceca - Trn i Ruzia


Riblja Corba - Poslednja Pesma o Tebi


Riblja Corba - nemoj da ides mojom ulicom