Fáðu þér standara

Ég mundi í gær tvo gamla brandara sem hljóða svo:

Einu sinni voru íslendingur, rússi, kínverji og frakki á kaffihúsi og þá fór íslendingnum
að leiðast að hanga þarna svo að hann sprengdi kínverjann klæddi sig í frakkann og
keyrði á rússanum heim.

Og hinn brandarinn:

Einu sinni hittust tvö lík úti í kirkjugarði .
- Erum við Lík, spurði annað líkið.
- Jább, öll lík eru lík, svaraði hitt líkið.

Það er ekki að spurja að gamanseminni í manni. Æi ég nenni ekki að vera eitthvað málefnalegur hérna. Maður flettir blöðunum hérna og horfir á fréttir og eitthvað. Ég hef enga skoðun á þessu. Mér er skítsama. Já já reisiði bara álver og virkjanir helvítin ykkar. Fjármagnið það með eiturlyfja sölu og auglýsið eiturlyfin með biblíuauglýsingum. Fínt ef öryrkjar og ellilífeyrisþegar borguðu eitthvað í þessu. Látiði líka barnaníðing fá uppreysn æru af því að hann er dómari og vill halda áfram að dæma í sakamálum okkar landsmanna. Dómskefið er hvort sem er fucked up. Hafið þetta eins vangefið og þið getið helvítis fíflin ykkar.

And finaly:

Hvað er líkt með skák og kynlífi ?
Það er allt búið þegar kóngurinn er dauður.
(Það er líka hægt að setja kónginn í rassgatið)

Akureyri og prentarinn

Núna er komið fram á rauða nótt. Harrisson Ford er í sjónvarpinu. Alveg er ég skítþreyttur. Sjitt. Ég fer alltaf að hugsa voða mikið þegar ég er sifjaður. Ég sakna Akureyrar dálítið. Þegar ég var á þvælingi norðanlands um daginn kom ég inn í húsið sem ég bjó í á Akureyri. Það var voða skrítið að koma svona inn í hús sem maður einhvernveginn millilenti í stutt tímabil á lífsleiðinni. Það var stutttur tími en svo rosalega eftirminnilegur. Svo var maður meira og minna stjarfur af ölvun allan tímann. Ég var jú atvinnu laus. Þá var stundum ekkert þarfara að gera en að hella sig á rassgatið. En Akureyri er sérstakur staður. Alltaf voða gaman að koma í þennan miðbæ þó að það sé alltaf sama liðið þar. Unglingarnir á Nætursölunni, Möri að tína dósir og Hans með skúffukjaftinn niður á sköflunga. Svo má ekki gleima Kalla prent. Hann setur sinn svip á bæinn. Maður lenti stundum í honum. Þurfa að standa og hlusta á hann röfla. Þó talaði ég einu sinni við hann þegar hann var ófullur. Þetta virðist vera ágætis kall. En það fer ekkert sérlega vel í hann að drekka vín
Lítið á Kalla.

Alltaf sami grjótkastarinn

Fór með bílinn á verkstæði áðan til framrúðuskipta. Fékk á mig grjótkast þegar ég var á ferðinni fyrir norðan í fyrradag. Helvítis rassgat. Er þetta annar grjótkastarinn sem ég mæti á stuttum tíma. Sá fyrri maskaði fyrir mér öðru framljósinu. Ásgrímur á Hafralæk kom með þá kenningu að þetta hefði ekki verið steinn heldur að einhver hafi heldur verið að reyna að skjóta mig. Maður veit aldrei hvað fólki dettur í hug að gera. Annars datt mér í hug að selja bílinn og fá mér eitthvað annað nýrra. Sjáum til.
Ég verð að nota aðra gerð af klósettpappír. Mig svíður agalega í rassgatið eftir þetta grófa drasl sem ég keypti í gær.

Prumpa nei Kúga

Þá búið að setja vetrardekkin undir bílinn. Var búinn að sitja lengi í stofunni með verkkvíða. Maður svona var að taka til í bílnum og vesenast. Svo tók ég veiðidótið úr skottinu og setti í inn í geymslu. Dem it, það eru 9 mánuðir þangað til að ég fer að veiða næst. Maður stundaði þetta meira og minna í allt sumar. Ofsalega gaman. Verður maður ekki að fara í Lax næstasumar. Blæða einum 50þúsund kalli í meðalgóða laxveiðiá. Djöfull var ég nærri því farinn að stelast í eina á í sumar. Það var sérlega freistandi þar sem ég stóð nálægt einhverjum árpolli og horfði á Laxana stökkva og andskotast. Mig klæjaði í puttana.
Ég er farinn norður.

ÞakBankar

Ég hef nú stundum gónað á Yay Leno. Hef fundist þetta grín í honum oft misgáfulegt og sumt alveg hreint grjótvitlaust. En nú á að hætta að sýna hann í íslensku skjónvarpi. Mér er nokk sama. Það fer samt fyrir brjóstið á einhverjum því að nú, líkt og með Randversmálið, er farið að safna undirskriftum til að mótmæla því að S1 ætla að hætta að senda út þættina. Alþýðan talar sínu máli. Ef ekki í þjóðaratkvæðargreiðslu. Nú á netinu þá. Fá kannski Þjóðarsálina á sinn stað á Rás2 aftur. Þá geta menn mótmælt þar í bland við kjökrandi kerlingar af báðum kynjum að kvarta undan hundi nágrannans. En hér er allavega þessi undirskriftarsöfnun fyrir þá sem vilja.

Ég er að spá í að fara í leikhús bráðlega. Sé til hvað ég nenni að sjá. Annaðhvort Ást í Borgarleikhúsinu eða Abbababbið hans Dr Gunna. Bæði kannski. Hver veit. Fór síðast í leikhús þegar ungmennafélagið Efling kom að norðan og var með sýningu í Þjóðleikhúsinu. Maður ætti að gera miklu meira af þessu. Skammbara.

Ég var svo að lesa Bakþanka Þráins Bertelssonar í Fréttablaðinu. Mér þykir hann nú oft hitta naglann afar rétt á höfuðið í þessari þjóðfélagsumræðu. Hann er líka hnittinn og sniðugur kallinn. Það má einnig segja um fleiri af þessu Bakþankagengi. Sem er þó oft mis gáfulegt lið.
Spurning hvort að maður ætti að fara í það að taka þátt í þeirri vitleysu.

Magnað helvíti

Jæja, dópið sem ætlað var börnunum okkar náðist. Gott mál segi ég. Þá ekki að láta börn hafa eitur. Ekki öðru fólki heldur. Það magnaða við þetta er að við mættum skútunni úti á sjó. Klesstum næstum því á þessa skútukarla. Ef maður hefði vitað hvað og hverskyns gengi væri þarna um borð. Jahh ætli maður hefði ekki boðist til að leysa skipstjórann af í kaffi og siglt svo helvítin niður á meðan. Nóg um það.

Núna var ég að fá í hendur eintak af bókinni Byggðir og bú suður-Þingeyinga 1960. Var búinn að bíða lengi eftir henni reiknaði ekki með því að hún kæmi á fornbókasöluna. Hafði ég verið á höttunum eftir eintaki nokkurn tíma en svo var heppnin með mér eitt skifti á ævinni. En samt, helvítis fornbókasalinn þurfti auðvitað að vera með okur. (Helvítiðitt þarna fornbókasali). ég prúttaði samt á móti. Ég er líka ánægður með að eiga eintak af þessu. Ég á að sjálfsögðu 1985 bókina og svo er bara að fjárfesta bráðum í 2005 útgáfunni og þá er serían komin.

Nei-U bíðið við....

Úti á sjó Ipodinn er alveg brínasta nauðsyn, úti á dekki. Sérstaklega þegar ekkert er í útvarpinu nema rás 2 og gufan. Djöfull getur maður orðið þreittur á þessum sömu þáttum ALLTAF. Óli Palli og Guðni Már og síðdegisútvarpið og ekki nenni ég að hlusta á samfélagið í nærmynd eða miðdegistónleika á gufuni. Stundum er þetta orðið þannig að Reykjavík Síðdegis á Bylgjunni verður hreinasti munaður, svei mér þá.
En ég hef hreinlega ekki verið í gírnum undanfarið misseri. Búinn að vera í þunglindi og verkkvíða úti á sjó. Mikil tilvistarkreppa þar. Enda tilveran oft hálf snauð úti á ballar hafi. Maður reynir þó að notast við gerfihnattarsjónvarpið og hræra í tölvuni. Fer bráðum að klára söguna sem ég er búinn að skrifa í áföngum síðustu tvö árin. Hef tekið svona rispur í þessu.
Ég ætla svo að fara að koma með viðbjóð mánaðarins aftur. Það var liður sem átti að vera í hverjum mánuði en það datt eitthvað uppfyrir. Er kominn með nokkur atriði til að setja inn.
Núna ætla ég að reyna að tjatta eitthvað við Pálma skipsfélaga minn. Vita hvernig hann hefur það kallinn. Pálmi er ágætur. Á það til að stökkva upp á nef sér og vera með hreyting þegar leikar standa sem hæst. Eru það ekki ekta sjómenn. Hann yrkir líka skemtilegar vísur. Allavega hef ég lært það að í flestum skipum er setninginn "haltu kjafti" með þeim fjölnotuðustu. Á eftir koma svo orðin skíthaus, djöfullinn, helvítis og fleira í þeim dúr. Það sem skiftir mestu máli er að mannskapurinn sé góður þá fiska menn meira.
Ég er ekki frá því að tilveran hafi skánað töluvert við að blogga smá.

Fyrir alla muni. Heimtum Randver Þorláksson aftur í Spaugstofuna <------- undiskriftarlisti

Jarí

Sumt í þessum blöðum okkar er svo tilgangslaust til aflesturs. Í fréttablaðinu í dag segir að bandarískur þingmaður segi af sér eftir kynlífshneyksli. Mér er sama um það og fólk sem lætur sig varða eitthvað um það hvort einhver þingmaður í Bandaríkjunum sé að ríða framhjá konunni sinni á að skammast sín. Það væri kannski annað mál ef þetta væri Íslenskur þingmaður. Og þó, nei mér væri líka skítsama. Þetta er bara rugl. Það er bara einka eða fjölskyldumál hvers og eins sem ríður framhjá. Hvort sem hann er Þingmaður, stýrimaður, leigubílsstjóri eða á atvinnuleysisbótum. Jæja þetta er rugl. Dagblöð geta verið ágæt. Sumt getur orðið æði þreytt. Ég sá forsíðuna á DV í gær og þar var Gummi í Byrginu með hattinn. Á forsíðunni stóð "Ég er saklaus". Þú veist, ég nenni ekki að lesa þetta. Guð hvað þetta er þreytt. Agalega leiðinleg blaðamennska hjá þeim á þessu blaði.
En Jæja, ég var að kaupa mér sviðakjamma á BSÍ áðan og núna ætla ég að éta hann.

PJUHHH....

Síðustu tvær vikur fyrir tilviljun hef ég verið staddur fyrir framan sjónvarpið með stillt á rúv akkúrat á þeim tíma sem þættirnir The Street, eru sýndir. Þó að þetta séu venjuleg bresk vitleysa markaðsett fyrir kerlingar og aðra plebba þá er gott skemmtanagildi í þessum þáttum. Ég er ekki vanur að horfa á breska þætti í sjónvarpinu. Mér var líka að detta í hug hvort að fólkið í landinu hefði ekki gott af því að vera án sjónvarps á fimmtudögum eins og í gamladaga. Ég vil taka þetta upp á ný. Hafa internet og gsm með í dæminu. Fólk hefði svo gaman af því að fara í heimsókn eða spila á spil. Jafnvel að hlusta á útvarpsleikrit. Man vel eftir þessu þegar ég var lítill.
Namm ég var að éta síld og rúgbrauð. Djöfull rek ég við af því. Það er þó að mestu liktarlaust. Hei einu sinni rak ég svo ógeðslega fúlt við í herberginu hans Símonar að hann hélt að kötturinn sinn hefði verið að reka við.
Pælið í því.

Dæmalaust þetta

Það nennir enginn að taka þátt í þessari helvítis getraun. Ykkur er nær. Þá fær enginn bíóferð fyrir tvo í verðlaun. Ég fer bara sjálfur í bíó. En svarið við þessu er auðvitað Rosemary og Fred West. Þau urðu fræg þegar upp komst um þau athæfi hjá þeim að drepa fólk og grafa það í garðinum hjá sér eða steipa fólkiið niður í kjallara hússins. Það gott þegar hjón hafa góða samheldni og hafa sameiginleg áhugamál. Einnig seldi konan blíðu sína og oftar en ekki var maðurinn milliliður í þeim viðskiftum. Svo tók hann allt upp á myndband að sjálfsögðu en það er nú enn ein áráttan hjá fólki. Alveg merkilegt helvíti. Framkvæma sjúklegar kynlífs athafnir og taka þær upp á myndband. Rugl.
En jæja, það er samt búið að vera líf í bænum síðustu daga. Hér hjóla menn í djöfulmóð um götur bæjarins berir og sjálfsfróandi fyrir framan ungar stúlkur. Sjálfsagt einhver að æfa sirkusatriði. Djöfuls gredda í sumu fólki.

Sú rauðhærða og getraun



Sem mikill aðdáandi rauðhærðu afturgöngunar tók ég mig til og horfði á myndina. Fékk pantaðan tíma til þess arna hjá Rúv og plataði Írisi til að horfa á hana með mér(ég þorði ekki einn). Ég reyndi nú að teyma Símon á augnlokunum til að fara með en hann þorði bara alls ekki að fara og þar við sat. En ég fór þarna í Rúvhúsið og sá allskonar lið eins og Boga fréttaþul, Óla Palla, Jónas Jónasson og aðra svipaða jólasveina.
En afturgangan, já. Mikið djöfull fannst mér hún alltaf jafn ógeðsleg. Helvítis óhræsið. Það var mesta ólán að ég skyldi sjá myndina þegar ég var krakkaskítur. Maður var alltaf að drulla í buxurnar af hræðslu og ekki bætti úr skák að sumir voru alltaf að hræða mann á þessu. Merkilegt hvað það tókst nú alltaf vel til. En hér að neðan er svo gáta. Sé til hvort það verða verðlaun.



Hvaða hjónakorn eru þetta ?

Hvorki Bubbi né pólskar pylsur

Ég prufaði að gefa hinum ógeðslegu pólsku pylsum annan séns. Ég henti þeim á grillið og át. Nei, ekki kaupa þetta. Það er alveg sama hvað þú gerir við þetta þetta er alltaf jafn vont. Svo og ropbragðið á næstu klukkutímana á eftir.

Hvað haldiði nú ? Ég ætlaði að sækja eitthvað af lögum með Bubba Morthens á netinu og skoðaði gaumgæfilega lögin sem í boði voru. Nei nei ég er bara kominn með ógeð á þessu öllu. Ég einhvern veginn tók út mitt Bubbatímabil spilaði allt með honum sem tönn á festi og er bara kominn með ógeð á því öllu eins og það leggur sig vegna þess að ég nauðgaði því. Það vill brenna við hjá manni. Einu sinni var ég alltaf að hlusta á Bítlana og Lennon. Kominn með ógeð núna. Æi þetta verður svona þegar búið er að spila sama stuffið hundraðmilljóntrylljónsinnum.

Hvað er þetta með sumt fólk. Ef A vill ekki hafa B í garðinum sínum þá segir A "farðu heim til þín" Ef ég vil ekki hafa einhvern í garðinum mínum, fjósi eða refahúsi þá hefði ég hefði nú frekar sagt "Farðu eitthvað annað". Ég vil ekki ráðskast með fólk utan við mín hús, lóð eða landareign. Ef ég vil ekki hafa einhvern nálægt mér og ég bið hann að fara þá skiftir það mig ekki neinu máli hvert hann fer. Hann má fara heim, í sjoppuna eða upp í heiði fyrir mér. Betra væri nú samt ef viðkomandi færi í rassgat því að ef ég bið einhvern að fara af mínu umráðasvæði eða bara bið viðkomandi um að vera ekki nærri mér þá er það líklega af því að mér leiðist viðkomandi.
En ég er ekkert að skipa honum að fara heim til sín. Það er svo vitlaust.

Fóstbræður Rabbabari og TaB



Ég hef nú hér í dag og í gær verið að dunda mér við að horfa á Fóstbræður á youtube og á spólum sem ég hef haft undir höndum. Flest er nú helvíti gott í þessu en annað er nú alveg út úr öllum kortum og sumt skilur maður bara ekki. Jæja, en það er samt hægt að hlæja af því vegna þess að það er svo vitlaust. En gallinn við fóstbræður finnast mér vera þessir útúrteygðu og langdregnu sketsar eins og kynþáttafordómar, heimsókn til Kidda safnara eða Þegar dekkið springur á bílnum hjá Þorsteini Guðmunds og hann leitar hælis á sveitabæ þar sem allt heimilisfólkið er geðveikt. Það er gott hugmyndarflug í þessum sketsum og þeir eru vandaðir en sketsar eiga bara að vera stuttir. Jæja ég skal ekki segja. Misjafn er smekkur manna.



Grillaða hamborgara hef ég verið að leggja mér til munns þessa dagana. Ætla að grilla mikið um helgina líka. Hamborgara og pylsur. Ég hugsa að ég muni gefa hinum ógeðslegu pólsku pylsum annan séns. Máski að þær séu betri grillaðar. Verst þykir mér að TaB sé ekki fáanlegt lengur. TaB var skársti sykurlausi kóladrykkurinn. Jæja en fólk er fífl og vill ekki sjá það sem gott er. Drekkiði meira kók og pepsí með sykri. Þetta eru afurðir úr helvíti.
En nú ætla ég að fara út í garð og ná mér í Rabbabara sem ég dýfi svo í sykur áður en ég ét hann. Ég var líka að spá í að fá mér vindil núna.
Lifi TaBið.

Lesalesa

Lítið búinn að gera í dag. Búinn að vakna, sofna, vakna ekki og sofna svo meira og vakna. Ætla að éta eitthvað núna. Grilla hamborgara. Fuss vil ekki sjá gasgrill. Kolagrill gefa miklu betra bragð af ketinu sem verið er að grilla. Djöfuls gasgrillvæðing þetta er.
Svo hef ég veriðað lesa bók sem skrifuð er um Sævar Ciesielski. Hún ber heitið "Stattu þig drengur" og er skrifuð á þeim tíma sem Sævar sat inni fyrir Geirfinns og Guðmundarmál. Þar segir Sævar frá lífshlaupi sínu, æskuárunum, dvöl sinni á Breiðuvík og rannsókninni á þeim málum sem hann sat inni fyrir. En eins og allir vita þá var sú rannsókn algjör steipa og ekki fótur fyrir neinu sem átti að hafa átt sér stað í þessum málum. En ég nenni ekki að fara út í þá sálma hér. Ég tel a.m.k. að það hafi eitthvað mikið verið að hjá þeim sem sáu um þessar rannsóknir.
En svo eru þarna viðtöl við fólk sem þekkir Sævar og eitthvað fleira fólk sem tengist honum á einn eða annan hátt.
Svo er ég búinn að bæta vil hlekk á síðunni en það er línkur á hinn þjóðkunna Arthur.
Mig langar í sígarettu.

Orgvél



Jæja, þá á ég orgel. Þetta er gamla orgelið þeirra afa og ömmu. Amma spilaði dulítið á það og afi líka. Afi spilaði einnig á sög. Þau gömlu voru mjög músíkölsk og voru mikið fyrir að hlusta á og spila músík. Afi var lengi í kirkjukór Kópavogs og svo var hann helvíti góður með sögina og fiðlubogann. Skemmtilegt vofuhljóð sem kemur þegar verið er að spila á sög. En orgelið já. Ég hef nú löngum haft gaman af því að spila á orgelið og því gáfu foreldrar mínir mér það. Hér getiði svo hlustað á þýskann hermanna marz sem ég spilaði í gær. Nasistar nefndu lagið Horst Wessel. Njótið !

Jarðaför

Mig dreymir oft að ég sé á jarðaför. Veit ekki hvern er alltaf verið að jarða eða hvar athöfnin fer fram. Þarna er alltaf mikið af fólki sem ég þekki. Ættingjar, vinir, vinnu og skipsfélagar mínir og líka mikið fólk sem ég þekki ekki. Stundum bara eitthvað lið sem ég hef oft séð niðrí bæ eða bara einhverstaðar. En yfirleitt er ég mjög miður mín eða hágrátandi þarna.
Veit ekki hvað það táknar en þetta situr mjög í mér.

Búið að skemmidda



Alveg er það árátta hjá sumu fólki að þurfa alltaf að kveikja í strætóskýlum. Þetta brann fyrr í dag. Náði bara því miður ekki að festa sjálfan brunann á filmu. Þau eru þó nokkur hér í efrabreiðholti sem eru að fara alltaf á þennan hátt.
Minnir mig alltaf á símaklefan í göngugötunni á Akureyri sem þarf verulega að dytta að þegar gamlárskvöldið er búið. Ævinlega búið að sprengja hann alltaf í tætlur á nýársmorgun. Hef orðið vitni að því nokkrum sinnum þegar stórar bombur fá að njóta sín þar inni.

suðsuðvestan fjórir

Ég fór á málefnin.com og skrifaði þetta.
Svvvvvoooonahhhhh.......

Þetta er nú þannig

Það er tvennt sem mér hefur auðnast að verða aldrei húkt á. Það er Harry Potter og Lord Of The Rings. Prufaði að lesa og horfa á hvoru tveggja og gafst fljótlega upp. Ég er bara heppinn þar. Æi þetta er svo voðalega vitlaust eitthvað. Ég hefði kannske fílað þetta þegar ég var 10ára.
Á sínum tíma lásu allir sögurnar um Ísfólkið. Mamma á allar bækurnar og ég var að hugsa um að gefa þeim bókmenntum sama séns og Harry Potter og Lotr. Sjáum hvað setur.

Sperðill

Hei ég keypti mér Taken þættina á dögunum. Horfði á megnið af þeim úti á sjó um daginn. Hafði bara helvíti gaman af því að sjá þessa þætti aftur. Var að spá í að kaupa mér fyrstu seríuna af Lost. Ég hef ekkert fylgst með þeim þáttum. Langar rosalega að sjá þessa þætti.
En spurning hvað maður gerir núna þegar búið er að snarminnka Þorskkvótann. Hætta þessu bara og vinna í Kexverksmiðjuni Frón eins og í gamladaga. Fara norður í Laugafisk að glenna ýsuhausa kannski. Þeir ætla jú að bæta samgöngurnar, kallarnir á Austurvelli. Hvernig væri þá að byrja á að malbika leiðina framhjá Blönduósi. Blönduós er bara hraðahindrun og ekkert annað. Göng yrðu svo alveg kærkomin hola í gegn um Vaðlaheiði. Það er sko vel hægt að stutta þessa leið um klukkutíma eða tvo. Léttilega. Reyna svo að gera þessa leið að 2+2vegi. En það er líka vel hægt. Má alveg gera það í litlum áföngum. Það flýtir leiðinni um heilan helling að aka um á 2+2 vegi.
Jæja þá er ég farinn út á sjó í nokkra daga. Blogga þaðan eitthvað líka. Lofa því.