Brúnaðar kartöflur í bílnum mínum



Ég fór í sjoppuna áðan keypti í fyrsta skipti nammi uppá krít. Bévítans kæruleysi. Svo þegar ég var að setjast upp í bílinn kom maður askvaðandi að mér og bað um eld. Ahh er ekki með neinn eld. Nema þó sígarettukveikjarann í bílnum. En þar sem ég reyki ekki lengur hefur kveikjarinn nú vikið fyrir gsm hleðslutæki og er hann því alltaf í öskubakkanum. Svo vildi það óhapp til að kveikjarinn var einu sinni fyrir löngu á þvælingi á gólfinu í bílnum og það helltist kók og kámaðist súkkulaði á hann sem ég hafði ekki þrifið af honum.
Svo þarna áðan tók ég til við að troða honum inn. Beið smá og var að tala við kallinn þegar brúnaðrakartöflulyktin kom. Þá leit ég við til að taka kveikjarann úr en þá rauk úr öllu draslinu. Ég var fljótur að taka kveikjarann og henda honum hálflogandi út. Ég meirað segja brenndi mig smá.
Nei kallinn þurfti víst að fá eld annarstaðar.

Bleiki Pardusinn og myndir



Keypti mér nýjasta diskasafnið með Bleika Pardusinum. Diskarnir eru 5 og innihalda allt heila klabbið. Sá Bleiki er alltaf magnaður, annars hefi ég ekki haft mikinn tíma í að skoða þetta nema þó í þessum veikindarviðbjóði sem ég er í núna. Vekur áhorfið upp bernskuminningar. Mikið horft á hann í Sjónvarpinu í gamladaga. Reyndar um daginn eða það var um nótt, dreymdi mig að ég væri að vinnu í slipp við línuveiðiskip. Verið var að mála skipið gult og átti að heita eitthvað mannsnafn. Ég stakk svo uppá því að dallurinn yrði málaður bleikur og yrði látinn heita Pardus. Fékk það slæmar undirtektir.

Eymdin er endalaus. Ég þarf að fara í Elco í dag og fá mér nýjann DVD spilara eftir að einn ástkær fæðingarhálviti eiðilagði þennan sem ég á núna. Sá er bara heppinn að það sjái ekkert á spilaranum og að hann sé í ábyrgð.

Svo fór ég út að labba um daginn og tók myndir

Ælupest

Jæja núna er ég veikur. Vaknaði í nótt og ældi um allt. Er líka með hita.
Þetta er viðbjóðslegt ástand.

Myndir



Sussum hvað það er skemtilegt að vera til á haustin. Svo gaman þegar það er orðið dimmt. Allavega heillar þessi árstími mig rosalega. Hefur góð áhrif á mig sálarlega.

Sletti hér inn myndum sem ég tók frá Mík í Vírdal og til Egilsstaða.
Sjá

Lappaklippir

Mér er það minnistætt nú á haustdögum, þegar ég var nú einu sinni að vinna á sláturtíð. Það var þegar ég bjó á Akureyri og vann þá vitaskuld hjá KEA. Ég var settur í það djobb að klippa lappirnar af skepnunum með beittun þrýstiloftsklippum. Sko fyrst er kindin skotin og látin rúlla á færibandið, þar er hún svo blóðguð og hausinn síðan skorinn af, síðan er rist aftur úr löppunum og svo framúr löppunum svo eru lappirnar klipptar af.
Bara deila þessu með ykkur.

Glæpasaga
/>Af tilviljun datt mér í hug spennuflétta. Ákveðinn söguþráður sem ég fékk í kollinn og fór því að pæla þetta dálítið út og suður. Hugsanlegt að þetta sé efni í glæpasögu en ég er búinn að hugsa þetta svolítið afturábak og er það alveg magnað hvað hægt er að gera einfalda hluti flókna og það á einfaldan hátt.
Helst þyrfti ég að fara betur oní saumana á sjálfri fléttuni og svo er að skapa persónur og svoleiðis drasl.
Veit ekki hvað verður úr þessu. Myndir þú kaupa glæpasögu eftir mig ?

JÁ...........!

Já því skrifar enginn ?

GESTAPÓ

Æi reyniði nú að skrifa í þessa helvítis gestabók hérna.

DJÖFULL OG TUSSA BARA......

Það að er alveg GJÖRSAMLEGA óendanlega óþolandi helvíti þegar maður er búinn að jarma og jarma og jarma og jarma og jarma og jarma og jarma og jarma og jarma jarma og jarma og jarma og jarma og jarma og jarma og jarma og jarma og jarma og jarma jarma og jarma og jarma og jarma og jarma og jarma og jarma og jarma og jarma og jarma og jarma og jarma og jarma og jarma og jarma og jarma og jarma ALVEG ENDALAUST um hlutina en svo kemur bara einhver Gunnar eða einhver bara í gegnum klíku og hirðir allt.
Ég er ILLA pisst núna bless.

KILL BILL

Fékk lánaðar Kill Bill myndirnar. Þvílíkt og annað eins helvítis rugl. Mér tókst að þvínga sjálfan mig til að horfa á fyrri myndina en þegar leið á þá númer tvö þá sagði ég STOPP.
Þær fuku báðar í sjóinn að tarna.

Svo var Garðar bróðir minn og Íris kona hans að eignast litla dóttur nú á dögunum.
Sjá barnið ?

Der Untergang



Horfði á Der Untergang um daginn en hún fjallar um síðustu 10 daga í lífi Hitlers. Mynd sem enginn ætti að láta framhjá sér fara. Frábærlæega leikin og vel gerð.
Fimm stjörnur.

Dæmalaust Helvíti

Alveg merkilegt hvað maður er einhvernveginn útjaskaður þegar maður er í fríi frá sjónum. Sama hvað maður vaknar seint á daginn, maður er alltaf dottinn útaf á kristilegum tíma á kvöldinn. Maður er líka svo þreyttur alltaf.

held að ég fari svo í einn túr frí í vibót við næsta stopp.

Loft-inntak

Var að fjárfesta í kraftsíu og breiðara loftinntaki í Honduna.
Vííííííí........

HÁSPENNUDRULLA

Einstaka sinnum kemur fyrir að ég skrepp í háspennu til að gambla dálítið. Þá sjaldan ég legg ég leið mína að spilakassa fer ég sjaldan með meira en fimmþúsundkall og gullpotturinn verður líka að vera hærri en 5 millur. Það eru mínar reglur.
Í nokkur skifti hef ég unnið meira en 10.000 en oftast gengið tómhentur út. Það er nú það. Svo var nú kéllingin mín eitthvað að flækjast þangað inn í gær og setti þúsundkall í einn kassann og spilaði hann niður í ekki neitt. Fór hún að því loknu í spilakassann við hliðina og var að klára þar einn skitinn fimmhundruðkall þegar einhver kall pungur fór í kassann sem hún var í síðast, kastaði í tvö skifti og vann gullpottinn sem var tæpar 7 milljónir.
Kveikja í þessu.

Muse já

Það er mikið af músík hérna á skipinu. Nóg af henni til að hlusta á á vaktinni, jammjamm. Svo var verið að þeyta einhverjum diski með Muse í spilaranum. Muse er stórgott band. Það verður ekki annað sagt. Þó leiðist mér eitt með söngvaranum. Þegar hann er að syngja á innsoginu. Það er eins og hann sé að reyna að kæfa sig á sönglinu stundum blessaður kallinn.

Æi ég veit það ekki

STÍM

Eitt það leiðinlegasta sem til er á sjó er, er stím. Þegar verið er að stíma 1 -2 eða jafnvel þrjá sólarhringa á miðin. En þá kemur auðvitað dvd og vhs til góðara nota. Spil eru þar líka nauðsinleg til að leggja kapal eða spila Ólsen og Veiðimann með sem og kjaftglaðir skipsfélagar til að kjafta við. En stundum þrýtur allt svona. Maður er kannski búinn að lesa sama fréttablaðið 5þúsund sinnum, en þá er bara að hringja eitthvað. Svo er allt í einu enginn til að hringja í eða það er ekkert samband. Þá er kanski bara lausn að lemja hausnum í vegginn þangað til að eitthvað nýtt skeður.

Hvað skyldi það nú vera ?

Ingjaldur



Tölvan hefur hreinlega gert mig geðbilaðan með tilheyranid vírusum, frosi, reströrtum, error reportdrasli og þannig löguðu. Verð því að vera hér í bandi, líkt og Ingjaldsfíflið forðum. Góður kunningi minn kemur á eftir og kíkir á þetta hjá mér.
Vonandi að allt verði þá sem fyrr.

Hef ekki tíma



Neibb enginn tími til að hanga í tölvuni núna. Clint vinur minn er að koma til mín í kvöldkaffi og er sennilega þreyttur eftir annarsaman dag á tökustaðnum.

Heimskir fuglar

Alveg merkilegt hvað Fýllinn er heimsk fuglategund. Ekki nóg með það að hann æli á þann sem ögrar honum heldur getur hann ekki flogið nema hann sjái sjóinn. Það flaug einn innfyrir hérna hjá okkur og þegar hann lenti sá hann ekki sjóinn. Þá spriklaði hann bara og rogaðist um til að reyna að komast eitthvað. Maður fór að reyna að elta kvikindið til að reyna að henda honum upp í loftið til að hann sæi sjóinn og gæti þá flogið eitthvað út í buskan en þá ældi hann bara á mann ef maður kom nærri honum. Helvítis fíflið. Hann ældi á lopapeysuna mína og fýlan næst ekki af, sama hvað er reynt að skrúbba hana af.

Pæliði í því ef við mannfólkið gætum ekki labbað nema við sæum fjöll "Helvítis nú hef ég labbað of langt. Engin fjöll sjáanleg". Svo myndi maður detta niður og ekkert geta hreyft sig og myndi drepast úr sulti ef manni yrði ekki bjargað. Svo ef einhver ætlaði að bjarga manni þá myndi maður tryllast og æla á viðkomandi björgunarsveitarmann.

Nei þetta er bara pæling.

Splæs flókið eða ekki

Meira helvíti hvað það er flókið að splæsa saman línu þegar maður kann það ekki. Það var kleppur fyrir mig að læra að splæsa. En svo þegar maður kann það er ekkert eins einfalt og að splæsa.

Þó er ekkert eins vont að læra fyrir hesthausa eins og netavinna. Bæta og þræða net.

En ef maður ætlar að vera á trolli einhverntímann þarf maður að læra það eins og annað.

Kannski er það ekkert flókið.