DRÁPSLÖNGUN



Óskaplega langar mig til að drepa þessa aðila sem láta klámauglýsingar og sérstaklega klámaulýsingar sem eru poppup á gestabækur hjá fólki. Þetta getur verið svo agalega þreytandi þegar maður vill hafa svona hluti eins og gestabók í friði.
En, nei nei það ert til fæðingarhálvitar í þessum heimi.
Drepa þá.

þETTA ER SORGLEGT



Ég sá fréttir kvöldsins þarna áðan á Rúvinu og sá þetta þarna með Davíð. Nú verður hann ekki lengur forsætisráðherra.
Mig langaði til að gráta. Ekki það að ég sjái á eftir Davíð. Seiseineinei síður en svo. Það er bara apinn sem á að taka við þessu embætti þarna.
Æi ég veit það ekki. Hann á örugglega ekki eftir að endast þarna í þessu. Já þetta á allt eftir að klofna í þaula meðan hann reynir að paufast í þessum ráðherrastól.
Nei ég er bara hissa hvað þessi framsóknarmennska eins dragúldin, illalyktandi og rotin hún er nær að tóra í fólki.
Mér finnst það bara hlæilegt.
Þá held ég af tvennu illu að Davíð sé skárri, þótt hann vitlaus sé.

TANNPÍNA



Eins og þið sjáið þá er ég með bólgu í tannholdi.

ALLTAF ER MIG AÐ DREYMA EITTHVAÐ

Já, í nótt dreymdi mig að einhver draugur var að ásækja mig og lét illa. Var dólgur þessi ófrínilegur slóttugur og meinillur. Svo lenti ég í að glíma við fauta þennan en náði að særa drauginn niður með kveðskap sem séra Hallgrímur Pétursson notaði eitt sinn til að kveða niður draug:
Kveð ég niður í krafti hans
sem krossinn bar á baki.
Allar hallir andskotans
opnar við þér taki.
Varð ég ekkert var við draugsa eftir það

MIG DREYMIR

Já það er aldeilis helvítis ruglið sem mann dreymir.
Það var þannig að mér fannst ég vakna heima í Lautum til að fara í skólan en klukkan var 10 mínútur yfir átta og skólinn því byrjaður og hugði ég sem svo að nú væri Óli skólastjóri brjálaður. En svo vorum ég og Halli ég allt í einu að spila á tónleikum með Stuðmönnum og áttum að byrja að fíflast á sviðinu. Byrjuðum við Halli á að hoppa og sprikla en fórum svo að dansa "fyrst á réttunni svo á röngunni" en ég ruglaði alltaf dansinum. Svo breyttist draumurinn eitthvað og ég fór að hringja í Freysa á X-inu til þess að ropa í útsndinguna hjá honum og hann sagðu"maður ropar ekki í útvarpið".
Þannig var það

MAÐUR ER NEFNUDUR

Þá er búið að skíra litla drenginn okkar. Hann heitir Garðar Máni. Garðar eftir föðurlangafa sínum og Máni var bara falleg viðbót út í bláinn.
Snilld.

HAM

Ég er mikið að hlusta á HAM þessa dagana. Líður vel með það, jájájá

DV LOKKAR TIL SÍN LESENDUR

Mér þykja brellurnar sem DV beytir og býsna klókar til að fá Jón Jónsson út í bæ, til að kaupa blaðið. Skoðum bara eina fyrirsögn DV í dag sem ætti að fá menn til að hrópa í angist.
YNGSTI FANGINN Á LITLA-HRAUNI LOKAÐUR INNI MEÐ BARNANÝÐINGUM.
NÍTJÁN ÁRA ÓHARNAÐUR PILTUR.
þó að útlitið sé svart í þessari fyrirsögn þá er ekki ólýklegt að fréttin lýti svona út.
Hinn nítjánára N.N.sem er vistmaður á Litla-Hrauni hefur verið settur á deild með barnaníðingum þar sem hann hefur gert fangelsisstjóra grein fyrir því að hann ætli að snúa við blaðinu að lokinni fanga vist sem lýkur eftir tæplega sjö mánuði. Fanginn var dæmdur á sínum tíma fyrir fíkniefnamisferli, þjófnaði, ölvunarakstur og fyrir að hafa skotvopn í fórum sínum.
"já ég talaði við Þorstein, yfirmanninn hérna og hann tók mig af deildinni með gömlu félögunum og sendi mig hingað. Þeir eru ágætir hérna kallarnir. Við spilum Bridds hérna eftir fangavinnuna á daginn og svo fékk einn af þeim Lúdó í afmælisgjöf, þannig að menn lyggja yfir því allann daginn líka. Svo varð ég svo stál heppinn að tveir hérna á deildinni eru áhugamenn um fugla og þar sem ég er einnig mikill áhugamaður um fugla þá tölum við lítið um annað. Við höfum mikið af bókum um fugla hérna og við erum mikið til að grúska í þeim."sagði N.N."
Í samtali við Steingrím Njálsson, samfanga N.N. segist Steingrímur vera að kenna honum að þræða og bæta net, þar sem að N.N. var lofað plássi á togara eftir afplánunina.

DV er alltaf með eitthvað svona.

KALLI BJARNI VARÐ HLESSA



Ég skrapp út að keyra í leiðindunum og þvældist svona hér og þar um Efra-Breiðholtið og rendi svo um götu eina þar sem einhver hljómsveit er með æfingaraðsöðu. Þar sá ég að Kalli úr ædolinu sóð fyrir utan og var að kjafta við einhvern. Pældi ég sossum ekkert í því en þannig vildi til að ég fékk einhverja þrá til að fíflast aðeins og renndi aftur í gegnum götuna og þar sem ég er á sjálfskiptum bíl stóð ég bensínið gjörsamlega í botn þegar ég var alveg að verða kominn að Kalla og þaut framhjá með vélina svoleiðis þanda (heyrist hátt). Kalli leyt á mig stórum augum eins og ég væri fæðingarhálviti.
Mér fannst þetta frásagnarvert.

GNÍA-GNÍA-GNI-GNI-GNI

Nú er ég búinn að sanna það vísindalega að gníagnítónlist (harmónikkutónlist) hefur róandi áhrif á ungabörn. Þannig er að strákurinn minn grenjaði alveg óskaplega um daginn og ég var þá að reyna að hugga hann. Svo setti einhver Gíagníið á fóninn og spilaði dálítið hátt, en þá steinþagnaði sá stutti og vuvvaði bara og slefaði með. Svo prufaði ég þetta aftur síðar og það skotvirkaði. Drengurinn sofnaði bara.
Merkilegt

SKÁPÚÐAR


Já eitt sem ég sá þarna á sæðingardeildinni (fæðingardeildinni) var að þar stóð á einni skúffuni á ganginum orð sem ég fæ engan botn í. "Skápúðar". Hvort er átt við um Ská púða, púða sem eru notaðir í eitthvað til að leggja eitthvað á ská eða Skáp úða, úða til að úða í skápa, hreinsiefni mögulega. Kannski er þetta prentvilla og orðið sé skáppúðar eða púðar sem notaðir eru til að hafa innan í skápum. Veit ekki til hvers en orð þetta þykir mér dularfullt. Það liggur beinast við að ég fari þarna niðrettir til að gá í skúffuna og sjá hvað þetta er, skápúðar.

Tímarit á Norsku

Hvaða helvítis árátta er þetta. Ég var á fæðingardeildinni um daginn eins og flestir vita. Þá var ég alltaf að bíða eitthvað og var þá alltaf að reyna að finna mér eitthvað til að lesa í tímaritabunkunum en fann andskotann ekkert nema norsk slúðurtímarit.
Ég spyr, HVAÐA FÁVITA DETTUR Í HUG AÐ PANTA SLÚÐURTÍMARIT FRÁ ÚTLÖNDUM TIL AÐ HAFA Á ÍSLENSKUM BIÐSTOFUM. Þetta er bara rugl. Hver kann norsku hérna. Ég meina því ekki bara að setja gölt í stíju með hrút og athuga hvort þeir fara ekki að ríða í rassgat. Það er álíka viskulegur andskoti.

Trú er óþarfi

Fólk drepur fyrir trúna. Fólk er pyntað fyrir trúna. Fólk deyr fyrir trúna. Fólk er drepið fyrir trúna.Þetta eru staðreyndir sem við daglega heyrum um í fréttum og lesum um í mannkynssöguni.Það á bara að leggja niður trúarbrögð. Enda eru þau óþörf. Við lifum hér og svo drepumst við. Þegar við drepumst slökknar á okkur. Engin hugsun engin persóna. Allt dautt. Menn verða dauð kjötstykki og ekkert með það. Ekkert himnaríki, ekkert helvíti og enginn hin vídd eða endurfæðing.Trúarbrögð eru bara til þess að gera fólk ruglað og gerir fólk kolvitlaust.Múslimar eru morðóðir, Kristnir eru líka morðóðir og Gyðingar eru bara Júðar.Væri ekki heimurinn dásamlegur ef ekki væru til nein trúarbrögð, ef enginn væri að rífast um þetta lagað.

UPP UPP UPPÁ FJALL......
 

Ég geri ég ráð fyrir því að þig kannist við lagið:
  Upp upp uppá fjall,
  Uppá fjallsins brún.
  Niður niður niður niður.
  Alveg niðrá tún.
Ég og Trausti fundum það út, að þessu er hægt að breyta. Þannig er að það er smá hæð fyrir ofan bæinn Brún í Reykjadal og á hæðinni er tún. Þannig má bæði framkvæma og syngja:
  Upp upp uppá fjall,
  uppá fjallsins tún.
  Niður niður niður niður.
  Alveg niðrá Brún.
Það er vit í þessu.

ÍÍÍÍÍÍÍÍÍÍÍÍÍÍJJJJJJJJEEEEESSS....
 
Hringdi í Tvíhöfðann í morgun og þeir gáfu mér Tv-Höfða diskana. Auðvitað átti ég að vita svarið við spurningunni um Gísla Martein, en þeir gáfu mér diskana samt. Ég hef nebbilega því miður ekkert horft á þessa þætti þar sem eitthvað vesen er með Popptívíið hjá mér. Eða það er eitthvað ekki tengt í örbylgjuloftnetið eða eitthvað svoleiðis og ég þarf að fara uppá þak til að redda því en ég kann ekkert á það. Í hæsta falli dett ég bara niður af þakinu og hálsbrýt mig eða eitthvað þh rugl. Þá verð ég lamaður fyrir neðan háls og ég er ekkert að nenna því.
En öngvu að síður þá er ég kominn með þessa þætti gulltryggða í mínar hendur og þá er ekkert annað að gera en að horfa á.
Jæja það er best að ég fari að snyrta á mér klaufirnar, pússa hornin mín og greiða halann.

OG ÞÁ ER MAÐUR ORÐINN PABBI

Sonur minn fæddist í gær kl 23:23. Hann var 16,5 merkur, 56 cm og 4175 gr.
Snilld.

Jæja þá fer að koma að þessu hjá okkur Ínu. Fæðingin var sett 15.Júlí og núna er kominn 24. svoleiðis að ef ekkert fer að gerast þá verðu þetta allt saman sett af stað og vesen. Annars er Ína búin að vera með samdrætti og verki undanfarna 2 tímana svo að ætli þetta fari ekki bara að bresta á allt saman. Vonandi.
Læt vita hvernig fer. :D

Kallinn

Einu sinni var kall, hann dó.
Endir

TÓMUR 
  

Eins og einhverjir hafa tekið eftir, þá hef ég ekkert verið að skila af mér hérna. Vegna anna og tómleika hefur mér bara ekkert dottið í hug að skrifa.
Læt samt þessa vísu eftir mig lyggja hér.

  Mikið var það skondin sýn
  að horfa niður á túnin mín.
  Þar var ferlegt krumma svín
  að plokka í bláu augun þín.

NEJ, JEG SNAKKER IKKE SO MEGET DANSK

Tónlistarsmekkur minn er nú svona allavega og tegir anga sína víða og er playlistinn minn mjög langur. Suma tónlistarmenn eða flytjendur þoli ég samt hreinlega ekki. Það á t.d. við um helvítis Hljóma. En svo ég get kannski af öllum plötum Elvis bara keypt eina og bara vegna þess að ég fíla bara eitt lag en hata allt hitt draslið. Ég á t.d disk með Duran duran og hlusta bara á tvö lög á þeim diski en verð brjálaður og brýt allt og bramla ef ég heyri í hinum lögunum. Ég frem fjöldamorð, svei mér þá.
Svo er það Kim Larsen. Það helvíti er það mesta viðrini sem fyrir finnst í tónlistarklósetti veraldar. Maður þurfti alltaf að hlusta á músíkina með mannandskotanum í dönskutímum þegar maður var í barnaskóla. Djöfullin sjálfur. Ég hélt að ég myndi kyrkja dönskukennarann þá og þegar en lét mér bara nægja að svíða hann dálítið. Alltaf var verið að spila lagið,"Midt om natten". Andskotans sori bara.
En samt er eitt lag sem ég get dillað mér við með Kim Larsen og engin hætta á að ég fái brjálæðiskast þegar ég heyri það, en það er lagið,"De smukke unge mannesker". Það er ókei. Svona skemtileg og glaðleg melodían og textinn skemtilegur.