Og þá er komin síðasti dagur þessa árs. Ég vil þá bara nota tækifærið og þakka öllum fyrir allt gamalt og gott á liðnum árum. Svo að gefnu tilefni vil ég minna á Brútus. Það er komin ný saga.
Takk takk.

Helvida



Ég er búinn að vera veikur. Angoda eyrnabólga sem er að gera mig sköllóttann. Ekki nóg með það heldur er maður með hita og óráð.

En Brútus bætir og kætir. Hér er ný saga.

Draumvísa

Snemma á árunum milli 1870 - 1880 dreyndi konu einni að til hennar kæmi maður að mæla fram vísu þessa um Vindbelg* í Mývatnssveit:

Ó þú Vindbelgjar einmanna hnjúkur,
sem allsnakinn stendur á fjallana grund,
samt faldur þinn skauta fyrnist ei heldur,
Þó fjólurnar blikni og grösin í lund.
Allt er í heiminum umbreyting,
Ástin og geðið í hjartanu þjóða,
engum því veldur ásteyting,
afarhátt fjallið sem skáldin um ljóða.

Vísuna mundi hún vel þegar hún vaknaði.
Aldrei hafði kona þessi komið í Mývatnssveit, aðeins einu sinni séð Vindbelgjarhnjúk, á ferð yfir Vallnafjall.

*Fyrir þá sem kunna ekkert í landafræði þá er Vindbelgur fjall í Mývatnssveit.

VÖMB

Belgurinn á mér er stappfullur af hamborgarhygg, brúnuðumkartöflum, gulum baunum, ís, jólaöli, sveppum, salati, makkintossi, laufabrauði, kaffi tertum og öðru góðgæti.
Ég get mig hvergi hreyft.

Svo er kominn nýr Brútus hérna.

Jólakeðja



Ég vil bara óska öllum vinum, ættingjum og öllum þeim sem nenna að koma á þessa síðu að lesa þessi ósköp hérna, gleðilegra jóla og farsældar á komandi ári
vuvivu

Neihh......Fann ég ekki þetta fína klámblað hérna undir dínuni í kojuni minni. Hver skyldi hafa gleymt því þar ?

Þesa dagana er ég að láta mig dreyma um íbúð á Spáni. Fínt að geta farið þangað suðrettir í sólina þegar tíðin er hvað köldust og dimmust. Ekki það að mér líði illa á þeim tíma. Nei þvert á móti er skammdegið minn uppáhalds árstími. Myrkrið.

Samt væri það hressandi að geta baðað sig í sólinni þarna syðra.

Brútus

Ég tók til við að gera myndasög um Brútus Hinn Óviðjafnanlega. Þetta er örugglega fyrsta sagan í ár eða eitthvað.
Allavega hér kemur Brútus.(Ýta svo á refresh ef sagan kemur ekki strax)

Sniðúgt



Gerði Þetta piparkökuhús í gær. Keypti það í Nettó og setti saman og skreytti svo svona eins og þið sjáið.
Voða gaman alltsaman

KAFFÚS

Fór á Kaffi París með ximon í dag. Þar var draugagangur.

Stóribróðir

Það er strákur sem ég þekki sem stamar. Það er vegna þess að þegar hann var lítill þá var stóribróðir hans alltaf að kitla hann. En hann kitlaði hann svoleiðis að drengurinn varð helblár í framan.
Kitlum aldrei börn.

GníaGnía GniGniGni



Jább, það eru svo sannarlega ljúfir tónarnir frá þeim sveitungum mínum, Stebba í Hólkoti og Ásgeiri í Hólabrekku á þessum frábæra disk sem þeir félagar voru að gefa út. En hún Íris mín gaf mér diskinn í dag. Er ég búinn að sitja og hlusta og hef vel við unað. Harmonikutónar þeirra félaga er hrein snilld.
Takk fyrir mig.

Búlandstindur



Tók þessa fallegu mynd á landstíminu í gær.

Long tæm nó sí

Já þetta er svona. Ég hringdi í Finn, vin minn úr Reykjadal og spjölluðum við lengi. Voða gott að heyra í gömlum félaga sem maður hefur ekki heyrt eða séð í fleiri ár. Ennu ég er sum sé hættur á trilluni í bili og kominn á gamla skipið aftur en ætla svo að reyna að komast í frí eftir næsta túr. Svo þar eftir mun svo verða róið stíft fram að jólum. Ég var nefnilega að fá þá gleðifétt að það verður ekkert róið milli jóla og nýárs.
Vííííííííííííííí..............

Þekki engan

Ég er nú hérna á Djúpavogi að leysa af á trillu í nokkra daga en það hefur bara ekkert verið farið út sökum bræludrullu. Þá húkir maður bara hérna og gerir ekki rassgat. Ég þekki ekki einn mann hérna. Þessi nettenginn hérna er alveg að bjarga manni frá vitfirringu. Fallegur staður öngvasíður og ætli maður skreppi ekki bara út og vappi um að taka myndir.
Ég viddiggi. Tjahh... vuuuuuuuuuuuuuuu

HREKKJUSVÍN

Já ég segi nú ekki annað en SVEIMÉR. Já, ef ég er ekki hrekkjusvín aldarinar þá veit ég ekki hvað. Ég nebbla á svona helvíti flottann kveikjara sem gefur frá sér raflost en ekki eld eins og flestir kveikjarar gera iðulega. Þetta er ég svo búinn að ganga með, milli manna hérna um borð og allir verða þeir gráhærðir sem prufa að kveikja. Einum varð svo um þetta að hann var í sjokki lengi á eftir.

Svo var það einn annar hrekkur sem heppnaðist svo mjög þegar einn okkar var að húkka í fiskana sem komu upp á línuni, að inn kom Steinbítur. Steinbíturinn spriklaði svo niður á gólfið en lenti ekki í þar til gerða rennu sem hann átti að lenda í. Svo var hann að sprikla þarna um lappirnar á félaga mínum og hann alltaf að baða löppunum eitthvað til, svo að Steinbíturinn biti hann nú ekki. Þá læddist ég til og kleip vin minn í sinina fyrir ofan hælinn og skríkti svo hátt um leið. Ég hélt sveimér að drengurinn ætlaði útbyrðis, hann hrökk svo við. Allavega las ég manndráps löngun úr augnaráði hans svona eftir á að hyggja.
Nóg komið af bullshiti.

NAMMI

Ég átti samtal við mann sem ég þekki, í gær. Þar komu fram nýjar hugmyndir um ný atvinnu tækifæri í ljós. Allt mun fara athugun og allt þaul skoðað. Já Þetta er voða spennandi. Ég hlakka til að sjá hvað verður.

En núna fer ég á sjóinn verð þar sennilega næstu vikur. En örvæntið ekki. Ég mun blogga þaðan. Ég lofa.

DZZY


bíll sem mig langar í

Ég er beztur. Ég vil fá zetuna aftur í íslenska málfræði. Mér finnst flottara að skrifa bezt heldur en best. Helvítið hann Sverrir Hermansson. Hann lét taka zetuna úr Íslenzkri málfræði þegar hann var menntamálaráðherra.

Ég er akkúrat núna að hlusta á einhverja steipu með Ladda. Stundum finnst mér Laddi ganga út í öfgar með helvítis ruglið. Skítt með það, Laddi er fínn. Það fær enginn að dizza Ladda í minni návist. Heyriði það.
Bezt að fara og smyrja punginn.

Náttúrulegur draugagangur

Ég var að fletta í sorptímaritinu Hér og Nú í morgun og rakst loksins á eitthvað með viti. Það var viðtal við Magnús Skarphéðinsson að tala um draugagang. Furðulegt hvað draugagangur er mikið í kringum okkur. Allavega svo mikið að maður tekur ekkert eftir honum. Nei, fólk í dag er bara ekki nógu náttúrutengt til að taka eftir eða finna fyrir draugagangi. Það er allt of mikið af ónáttúru í okkar samtíma og í kringum okkur svo að við getum fundið fyrir draugagangi.
Hér áðurfyrr voru engat tölvur, bílar, sjónvörp eða gsm símar. Þá lifði fólk og hrærðist í náttúrunni. Fólk bjó í náttúrulegum húsum(úr moldu, grjóti og grasi). Ferðaðist á náttúrulegan máta(á hestum) og sfr.
Vegna þessarar ónáttúru sem við sáum í kringum okkur hefur t.d. almenn skyggnigáfa hjá fólki farið sífellt dalandi kynslóð eftir kynslóð og færri einstaklingar verið með skyggnihæfileika en áður. Það er vegna þess að sálir okkar eru náttúrulegar og kjósa því náttúrulegt umhverfi og náttúrulega hugsun.
Þess vegna er hægt að segja að draugar og draugagangur er náttúrulegri en við sjálf.

Svo eru hérna myndir sem ég tók í Minneapolis, á dögunum.

Heima

Þá er maður kominn heim eftir 4radaga Ameríkuferð. USAmeríka er mjög góð þjóð. Þar er allt svo frábært. Ameríkanar eru mjög kurteist og gott fólk. Allt sem Alþýðublaðið og Þjóðviljinn segja um Ameríkana er ósatt.

Svo ætla ég að fara og kíkja á Freddy Kruger. Keypti allt Freddy safnið á DVD í einum pakka.
Ég ætla líka að éta allt konfektið drullið sem ég keypti þar vestra...eða stórann huta af því.

Húsavík og U.S.A.


Húsavík um hánótt

Tók þessa mynd þegar við vorum að lenda við bryggju á Húsavík í nótt. Þar var alltaf jafn tómlegt og kuldalegt sem aldrei fyrr. Lenti ég þar í kasti við einn fjöruskratta. Náði ég að yfirbuga helvítið með klækjum og hjálp nokkura skipsfélaga með því að þylja Faðirvor.
Nei nei ég er að rugla. Það var gott að koma á norðurlandið, þó ekki væri nema í 2 klukkutíma. Meira að segja þegar maður er búinn að búa svona lengi í Reykjavík þá er maður alveg til í að eiga heima á Húsavík....neeeeee

Djöfull var það sárt. Já ég var að blóðga fiska í gær. Ég skar í puttann minn. Djúpt. Það var blóðugt. Það var hræðilegt. Það var viðbjóðslegt.



Svo er ég að fara að heimsækja fæðingarhálvitalýðveldið, Bandaríkin í annað sinn. Tek flugið í strax dag.