Óstuð

Ég hef aldrei verið í jafnmiklu bloggóstuði og núna. Bara gjörsamlega tómur þessa dagana. Það er nú það.

Fjör

Fékk þessa mynd inn um póstlúguna í gær. Topps 81-82, Kareem Abdul Jabbar. Alltaf voða gaman að fá eitthvað annað en gluggapóst og reikninga senda heim.

Keðjuskítadreyfari

Þá var nú skroppið að Húsafelli þessa helgina og gert ekki rassgat þar nema að liggja í leti og éta. Svo er nú ekkert eins gaman í slíkum sveitaferðum að sjá gamla sígilda hluti á borð við Zetor, rússajeppa og keðjuskítadreifara sem þeytir skítnum út, út um síðuna. Buslugangur alltaf í þannig apparati þegar keðjurnar frussa drullunni út um allt tún. Skemmtileg sjón. En það var sumsé letihaugast í þessum sumarbústað og gert ekki neitt. Heitipotturinn var voðavoða góður. Svakalega gott að letihaugast þar. Reyndar var skroppið og fengið sér ferskt loft við Hraunfossa. Þeir eru fallegir. Seisei já. Ætti maður ekki að storma austurfyrir fjall og reyna að sjá eldgos.

----------------------------------

Þetta er diskur sem fylgdi Pampers bleiunum sem við keyptum fyrir soninn. Spilunin var eitur í eyrun allan diskinn og ef ekki væri fyrir þetta mp3 blogg hérna þá hefði diskurinn fengið að fjúka út um bílgluggann á leiðinni heim úr búðarferðinni. Nei ég segi það kannski ekki. Maður þarf allavega að vera búinn að fá sér vel í haus til að fíla þetta.


Angelique Kidjo - You Can Count On Me


Angelique Kidjo - Tobolo


Angelique - Didjo - Kelele


Angelique Kidjo - Aisha

....og síðan hoppsa bomm.

Helvítis læti eru þetta. Akkúrat núna eru einhverjir að öskra hver á annan úti á götu. Karl og Kerling. Kerlingin öskrar þó mest og er í annarlegu ástandi. Ætli ég verði ekki að hringja á lögregluna. Jæja en helgin er framundan og eitthvað verður gert. Þó ekki meira en að gera ekkert, éta góðan mat og hanga í heitum potti. Það er alltaf bezt að gera ekki neitt finnst mér. Já ég er letidýr og ég skammast mín ekkert fyrir það. Þó ligg ég ekki í leti lengi í einu nema þó þegar ég tek mér langar letirispur. Ég verð nefnilega vitlaus af því að gera ekkert mjög lengi. Þá er ágætt að tékka á póstinum eða skreppa út í sjoppu og fá sé pylsu eða og velja sér mynd fyrir næstu letitörn. Bækur eru fínar líka en ef ég er í einstaklega miklu letikasti þá nenni ég ekki að lesa. Jæja nú hringi ég á lögregluna.

Leftover Salmon - Baby Hold On

Það birtit til

Jééééé hvað það er pirrandi að horfa á sjónvarpið með bilaða fjarstýringu og þurfa að skipta um sjónvarpsstöð á gamla mátann. Þá sjaldan sem ég nenni að horfa á kassann. En jæja, núna er vorið á næsta leiti, maður finnur það. Ég held nú samt að það eigi eftir að koma eitt allsvakalegt snjóprump svona fænalí. Allavega þá verður kannski hægt að skreppa á veiðar eftir einn og hálfan mánuð. Ég skrapp nú reyndar upp að Reynisvatni í gær að gamni mínu og hitti þar menn sem veitt höfðu nokkra silunga. Þetta er bara svo mikið helvítis óæti svona um hávetur. Ég nennti ekki í geymsluna eftir veiðistönginni enda á þetta ekki við á þessum tíma ársins. En það er að birta til á þessu grjótskeri og það er gott lyf á tilvistarkreppuna.
----------------------------------------
Músíkmúsíkmúsíkmúsíkmúsíkmúsíkmúsíkmúsík
Death Cab For Cutie - Stable Song

Fáránlegt

Það er nú bara vor í lofti og ég fór út að grilla hamborgara í kvöld. Ég veit það hljómar sick svona í miðjum mars en mér finnst gott að bregða út af vananum. Ég veit það ekki.
Er hægt að detta upp stiga ?

Útsýni við að drulla

Helvíti magnað. Ég fór og keypti að éta í Nings í gærkvöldi. Þurfti ég svo skyndilega að skíta og fékk víáttubrjálæði á meðan ég hleypti honum út á klósettinu þarna á staðnum. Það er alveg svakalega gott útsýnið þarna af dollunni. Yfir Grafarvoginn og út yfir sundahöfn. Ég hef ekki fengið svona gott útsýni út um klósettglugga síðan ég bjó á Laugum forðum daga. Þar var útsýnið niður að Reykjadalsánni og yfir mest allt Laugaþorpið og svo bæjirnir suður með dalnum. Það er gaman að drulla og fylgjast með mannlífinu á meðan. Já ég á eftir að skíta á Nings aftur. Það er alveg pottþétt.


Girlicious - Stupid Shit


Christian - That Shit


Bloods & Crips - Gangsta Shit

Achtung


Wolfenstein leikirnir. Ég er aðdáandi Wolfenstein leikjana. Heilmikill aðdáandi. Það er að vísu galli að þurfa alltaf að vera bandarískur hermaður að drepa þjóverja. Nema hvað að þegar ég er að spila Wolfenstein á netinu þá hef ég val og er ég að sjálfsögðu þýskur hermaður að freta á kanann. Músíkin er líka góð í þessum leikjum og einnig músíkin sem hefur verið gerð úr leikjunum. Jæja, alltaf í boltanum, er það ekki?

HormonE - Achtung Wolfenstein

Goggogogogogogogogogg

Maður situr bara heima og lætur sér leiðast. Spurning hvað komandi helgi kemur til með að bjóða upp á. Kannski eldgos í Eyjafjallajökli. Sjálfsagt kominn tími á hann síðan 1821 - 1823 og þar á undan árið 1612. Illu er bezt af lokið. Það á einnig við um Kötlu. En ég nenni nú ekkert að þvarga um eldgos. Guð ræður þessu sjálfsagt öllu saman. Það þarf ekki annað en að það liggi eitthvað illa á kallinum og þá getur hann sett alveg heilmikil eldgos af stað. Við sjáum til. Mér finnst alltaf helvíti sniðugt að búið sé að breyta gamla vinnslusal mjólkurkexins í listasafn. Skárra þó heldur en að allt draslið standi autt. Þó stendur þessi neðstahæð skúlagötu 28 auð og eyðilögð í sögunni sem ég skrifaði og er þá íverustaður dópista og götuhyskis. Það verður gaman að vita hvort sögufjandinn kemur út á árinu. Það kemur í ljós bráðum. Rétt bráðum. Svo hef ég nú kvöldið fyrir mig í bardús. Ég nenni ekki út að gera eitthvað af því að ég er innipúki í hágæðum. Ég límdi saman módel um daginn eða þrjár plastflugvélar í einum rykk. En ég nenni bara ekki að horfa á sjónvarpið. Alltaf best að hafa slökkt á því. Já mér finnst það. Ég held nú samt að ég komi til með að nota kvöldið í að flokka körfuboltamyndir. Nóg að gera við að djöflast í því dóti.
---------------------------
Satyricon er assgoti skemmtilegt band. Fínt að blasta þeim við og við. Já, fínt að botna músíkina þeirra þegar maður er einn í bílnum. Það nennir hvort sem er enginn að hlusta á þetta með mér.

Satyricon - Hvite Krists Død

Veskan mín

Keypti mér nýja veiðitösku í dag. Hin var of lítil og reyndar rifnaði hún í fyrrasumar. Hún var jú, of lítil. A.m.k. kem ég kaffibrúsa fyrir í þeirri nýju. Það var ekki hægt með gömlu töskuna. Þess vegna rifnaði hún. En það er fínt að græja sig dálítið upp fyrir sumarið. Jább veiða mikið í sumar þó að það sé kreppa. Allir eru í helvíti á meðan ég fer í lax. Heldurðu að það sé hemja.
------------------------

Leftover Salmon er gott band sem mér finnst ágætt að þeyta undir nálinni. Þetta er svona bluegrass, rock, country. Fínt til að svona, jahh, dilla tánum með þegar maður er að lesa eða prjóna eða raða frímerkjum eða bara flokka körfuboltamyndir eða bara að dunda eitthvað í rólegheitum. Hnýta flugur kannski.

Leftover Salmon - River's Rising


Leftover Salmon - Tangled Up In Blue


Leftover Salmon with Taj Mahal - lovin'in my baby's eyes

Púff

Helgin var á allan hátt vel heppnuð. Komst því miður ekki á Nýlistasafnið Í Reykjavík sem opnaði í nýju í gömlu kexverksmiðjunni þar sem ég vann nú forðum daga. Það er dálítið spennandi að sjá hvernig þetta er orðið þarna núna. Ég kíki þangað bráðum og sé það þá. Annars hef ég ekkert að segja núna. Er alveg tómur.

Kom honum ekki rassgat við

Einhverjir krakkaormar gerðu símaat í mig í gær. Ég hélt nú að sá tími væri liðinn með tilkomu númerabirta og aukinnar tækni til að rekja svoleiðis lagað. Jæja en mér fannst nú bara fyndið að fá smá at á mig og fíflaðist ég bara á móti. Maður var nú sjálfur mikið við þessa iðju sem krakki. Mest var þetta nú bara eitthvað saklaust bull en sum símaötin voru þó svívirðilegri en önnur. Einu sinni hringdi ég á skrifstofu héraðssambandsins og gólaði einhver bölf og formælingar inn á símsvarann þar. Skrifstofukallinn heyrði auðvitað skilaboðin síðar um daginn og fór með kasettuna til skólastjórans. Skólastjórinn þekkti röddina á segulbandinu og kallaði mig á teppið á diskóteki í skólanum um kvöldið og í hræðslukasti þverneitaði ég öllu og reif kjaft og þar með var því máli lokið nema þá að í tíma daginn eftir fór skólastjórinn að tala um það fyrir framan bekkinn hvað það væri ljótt að gera símaat og horfði á mig, níu eða tíuára krakkann á meðan hann fór með tölu sína vitandi að hann væri að noja mig í klessu. En svona á fullorðinsárum staldrar maður við. Hvern andskotann kom þetta skólastjóranum við? Nei, mér varð bara spurn rétt sí svona. Skrifstofumaðurinn hefði frekar átt að fara með þetta til foreldra minna svo að þau gætu tekið á málinu sjálf þá í stað þess að fara þeð þetta til skólastjórans sem í vanþroska sínum notaði þetta til að koma á mig höggi, einu sinni sem oftar.
-----------------------

Continental Four er svona negrahljómsveit. Veit lítið um þetta lið en mér þykir mjög gaman að hlusta á þá. Já þetta er svona svolítið í uppáhaldsflokk hjá mér. Mig minnir að ég hafi einhverntímann fyrir löngu séð plötu með þeim í kolaportinu einhverntímann en asnaðist auðvitað ekki til að kaupa hana. Það var náttúrulega bara aulaháttur.

Continental Four - How Can I Pretend


Continental Four - Heaven Must Have Sent You

Continental Four - Day For Day

Furðulegt

Einhver hafði sett fullan Bónus innkaupapoka af mat fyrir utan dyrnar heima hjá mér. Í pokanum var Brauð, 2l. kók, 1kg.kartöflur, bananar, ostur, gúrka, flatkökur frá Gæðabakstri, 1l.léttmjólk, tómatar, smjör og súrmjólk. Spurning hver það var sem asnaði þessu á tröppurnar mínar og til hvers. Kannski var þetta einhver api sem var alveg út úr kú og keypti bara eitthvað út í búð til að skilja það eftir einhverstaðar og lét það fyrir framan dyrnar hjá mér. Það má vera að þetta hafi verið einhver góðhjartaður einstaklingur sem heldur að ég sé fátækur maður og viljað gefa mér mat enn ekki viljað að ég vissi hver hann væri, svona nokkurskonar tannálfur eða jólasveinn. Svo er það þriðja ástæðan og sú sem ég vil síst hugsa. Það er einhver sem hatar mig og setti eitur í allan þennan mat til að skilja hann eftir á tröppunum heima hjá mér svo að ég myndi éta eitraða matinn. Ég ætla að kýla á það og prufa að borða það sem var í pokanum. Ef ég dey, þá elskaði ég ykkur öll.
---------------------
Svo er það músík. Þetta eru lög sem ég hlusta stundum á. Ég nenni ekkert að röfla um það neitt frekar. Það er bara þannig og ekkert flókið við það, hmmm.....

John Frusciante - A Loop


The Cab - Risky Buisness

Gúggúli glúggúli gú

Veðrið er bara orðið alveg znælduvitlaust hérna í Breiðholtinu. Það eru margir búnir að festa sig bara á bílaplaninu hérna fyrir framan gluggann minn. Já ég voga mér ekki út fyrir hússins dyr. Bezt að vera bara inni og hanga á facebokk eða eitthvað. Horfa á dvd kannski bara.

Hósanna... hósanna

Í sveit og í kaupstað

Draumarnir í nótt voru stuttir en fjölbreytilegir. Fyrst var ég heima í sveit að bardúsa í fjárhúsunum, gefa kindunum og laga til með pabba. Í næsta draumi vesenaðist ég við að skipta um traktorsdekk á gamla Fordson, svo fór ég eitthvað að yfirfara keðjurnar í skítadreyfaranum. En svo burt frá sveitinni og yfir í kaupstaðinn. Þá spásseraði ég á götum Ísafjarðar. Fór inn í hús og enginn var heima en ég mátti samt til með að reka nefið inn í ískáp hússins, egg, jógúrt, mjólk, lýsi, álegg, tómatsósa, sinnep, laukur og koppafeitissprauta. Hún var kámug. "Hmm.... best að fara með þetta yfir í bílskúrinn". Í bílskúrnum var bíll í uppgerð, Dodge Coronet '67. Ég lagði koppafeitissprautuna á borð sem var við hliðina á bílnum og ætlaði að labba út úr bílskúrnum sem stóð opinn en í vegi mér varð maðurinn sem átti heima í húsinu. Hann stóð spariklæddur með vatnsgreitt hárið og miðaði á mig 38kalíbera skammbyssu. "Ó, ég ætlaði bara að setja koppafeitissprautuna á sinn stað". Maðurinn lét byssuna síga en sagði ekkert. Ég hljóp út og kom mér í nærlyggjandi sjoppu. Næsti draumur var öllu rólegri og samanstóð af flugusveiðitöng og árhyl og góðu veðri. Meira var nú ekki um drauma þá nóttina.
------------------------------
Maggie Bell - No Mean City (Taggartlagið)

Faron Young - Hello Walls

Helvítis sjónvarp

Leiðinda sjónvarpsefni í gangi núna, gamalt fólk að eðla sig. Hrollvekjandi og ég verð kynkaldur næstu vikurnar. Annars er sjónvarpið í litlu uppáhaldi hjá mér þessa dagana. Best er að hafa slökkt á þessu apparati og hlusta bara á útvarpið. Eða bara gera eitthvað annað en að láta fjölmiðla almennt trufla sig. Föndra kannski eða líma saman módel. Já ég ætla á morgun að kaupa mér nokkrar flugvélar til að líma saman.

Draugar út um allt

Það var nú eitthvað að hreyfast hérna sem átti að vera kjurt. Það er spúkí að sjá eitthvað bregða fyrir og hverfa svo með því sama. Einhverja skugga eða flyksur. Jæja en það eru draugar út um allt hvert sem maður fer. Þeir eru bara mis margir á sumum stöðum og mis athyglissjúkir. Þetta er svosem enginn alvarlegur draugagangur hérna, málningin er ekkert að sjóða á veggjunum og vatnið sýður heldur ekkert í klósettinu og hausinn á heimilisfólkinu er heldur ekkert að snúast í hringi. Þetta er bara svona lágmarks draugagangur hérna í íbúðinni. Ætli það sé liðin tíð að fólk sé að djöflast með stórar talsatöðvar heima hjá sér að tala við annað fólk útí hinum stóra heimi. Þegar ég var krakki fór ég oft með pabba mínum í heimsókn til vinar hans sem átti einhvern risa talstöðvardjöful og var með hann í íbúðinni sinni, frammi á gangi við svefnherbergisdyrnar. Ég hugsa að Skype sé búið að leggja þennan heim af. Og þó, það getur vel verið að einhverjir séu að pukrast við þetta enn. Þetta er heimur útaf fyrir sig. Mér finnst bara eitthvað svo heillandi að sitja við eitthvað risa tæki og reyna að ná sambandi við einhvern randomerað útí heimi og hafa svo einhver radíóhljóð í bakgrunninn "vúúúúúúúúíííííúúúúúúúíííííúúúúú" og "díddídídíííííídídídídí". Það er flottara en Skype.
-------------------------
Og þá er það músík músík og aftur músík. Það má ekki gleyma henni. Það er merkilegt hvað sogast í þessa tölvu hérna. Hellingur sem maður man aldrei eftir að hafa einhverntímann fyrir löngu síðan halað niður eða rippað af einhverjum disk. Ég fann þetta þrenna hérna þegar ég var að taka til í tölvunni í gær.

Danzing - Not Of This World


Techno Beats And Body Beats - Amy Can Fly

Porcupine Tree - Towel

Eins og heitar lummur

Þetta er gott morgunkorn sem minnir tvímælalaust á Trix. Það samanstendur af Miklum sykri,bragðefnum og litarefni. Ég keypti það hjá Jóni Gerald í Kosti. Það þarf ævinlega að sitja um þetta því að þetta selst alltaf upp samdægurs. Gott drull og alveg örugglega 10% sykur og 90% litarefni eða er bragðiefnið kannski bara svona á litin?
------------------------------
Maður er nú búin að fíla Klovn frá því að sýningar á þeirri snilld hófst fyrir fáum árum síðan. En undanfari þeirra þátta leiknir af sömu leikurum Klovn þáttanna eru þættirnir Langt Fra Las Vegas og væri nú upplagt af Rúvinu að sýna þessa þætti. Það var sett upp facebooksíða svo að popúllinn geti ýtt á það að Langt Fra Las Vegas komi í íslenskt sjónvarp.
------------------------
Within Tempation - Angels

Geisp

Bloggið hefur legið niðri síðustu vikur vegna tilvistarkreppu. En daginn fer snú smátt og smátt að lengja svo að hægt sé að tala um árangur. Þó að myrkrið sé gott þá hef ég nú fengið nóg af svo góðu í bili. Nákvæmlega þarna ætla ég í sumar að veiða. Setja í lax eða tvo. Það er svo chillað hamast með flugustöng við Laxfoss.
--------------------------------------
Amorphis er drullugott band. Alltaf gott að blasta þeim af og til ef skapið er vont. Fín aðferð til að draga hundshausinn upp úr skítnum. Skemmtilega melódískir í spilun. Svo er nú það.

Amophis - The Castaway