Draumurinn



Skrapp áðan í uppáhalds sjoppuna mína, Drauminn sem er við Rauðarárstíg. Heilsaði upp á Júlla og verslaði af honum kók, nammi og neftóbak. Íris var með og fékk sér Gajol og smá tyggjó. Ég hef nú alltaf haft gaman af því að kíkja þarna í sjoppuna til hans af og til og kjafta við karlinn. Menn hafa nú kvartað yfir því að hann sé frekar dýr en það er nú í góðu lagi. Svo er oft helvíti skrautlegt liðið þarna. Einn var að versla kardó þegar ég kom þarna og annar félagi hans var þarna með honum. Hann saup einhverja sterkþefjandi ólyfjan úr ómerktri flösku. Var sá maður lítið í sambandi við þennan heim eða annan. En skemmtanargildið er gott að fara þarna. Fín sjoppa með góðu vöruúrvali og oft opið fram á rauða nótt. Svo er hægt að skrafa við Júlla um allt og ekkert. Góð þjónusta. Fín sjoppa fyrir þá sem vantar landa eða vilja fá sér í haus.
Draumurinn fær þrjár og hálfa stjörnu af fimm mögulegum.

Freddy og sú rauðhærða

Ég hef nú verið að kíkja á þetta safn Freddy Kruger mynda sem ég festi kaupá þegar ég var staddur í Ameríku. Æi þetta er nú voðalegt bölvað rugl þessar myndir. Verð að segja það. Er bara nokkuð sáttur með að hafa verið bannað að sjá þetta þegar ég var krakki. En ég hef nú samt getað hlegið af þessu helvítis rugli.
Já voðalega vitlausar svona draugamyndir. Þið megið láta mig vita ef þið vitið um rauðhærðu afturgönguna einhverstaðar á vhs. Rauðhærða afturgangan var sýnd á rúvinu fyrir um tíu árum síðan. Ég asnaðist ekki til að taka helvítis myndina upp. Sá mikið eftir því. Ég meira að segja hringdi í söludeild Rúv og spurði hvort að hún fengist til sölu á myndbandi en það var víst ekki alveg þannig. Sala á leiknu sjónvarpsefni er víst eitthvað svo snúið rugl að þeir nenna ekki að standa í einhverri vhs eða dvd útgáfu.
Já, maður var nú svo skít hræddur við rauðhærðu afturgönguna þegar maður var krakki. Maður nánast drullaði stjórnlaust í buxurnar af hræðslu.

Draugagangur

Maður tekur ekki veðrið þessa dagana án þess að fá sjokk. Þær eru allavega alveg á skjön við almanakið og gróðurhúsaáhrif. En allavega, þá fer nú sumarið að koma. Þá leggjast flestir draugar í dvala og sofa fram á haustið. Já helvítis draugarnir. Alltaf var maður jafn skít logandi hræddur við þá í den tíð.
Ég man alltaf að verstu stundir mínar hvað draugana snerti voru þegar ég var að labba heim til mín á kvöldin frá Laugaskóla. Til að byrja með þurfti maður að labba framhjá tjörninni og íþróttahúsinu. Hvorutveggja var stútfullt af skítugum árum. Allavega hafa draugasögurnar úr íþróttahúsinu sjaldan heillað mig. Þar myndi ég allavega ekki vilja vera einn um nótt. Svo er það brúin yfir ánna. Þar rétt hjá er eldgamall grafreitur sem enginn vissi um fyrr en farið var að hrófla þarna við jarðveginum til að leggja veg. Þar fundust nokkrar beinagrindur. Maður nokkur var eitt sinn á labbi þarna um og fann þar fótlegg af manni sem hann þá henti í ánna þegar hann var kominn á brúnna. Um nóttina dreymir manninn að til sín kemur karl og kvartar sáran undan því sem hann gerði við fótlegginn sinn. Nú sé honum alltaf skít kalt í löppini.
Þarna var ég alltaf skít hræddur um að rekast á afturgenginn karlinn ösla í ánni, leitandi að fótleggnum.
Svo var það ristarhliðið. Þar undir gat ekki annað verið en að byggi einhver skaðræðis meinvætt og myndi reyna að krækja í buxnaskálmarnar á mér um leið og ég labbaði yfir ristarhliðið. Mér var skapi næst að taka tilhlaup og stökkva yfir það. En ég var auðvitað alltaf svo hræddur að ég þorði ekki að hlaupa. En svo þegar komið var yfir ristarhliðið var þar gröfin sem símamennirnir grófu niður í þegar þeir voru að leggja nýja símalínu á bæina. Helvítis asnarnir tóku aldrei eftir neinum beinum þegar þeir voru að grafa þarna upp og niður. Það var ekki fyrr en sumarið eftir að við fundum mikið af beinum þarna. Þarna sá ég alltaf eftir því að hafa hirt beinin. Nú hlyti beina eigandinn að hefna sín all rækilega á mér fyrir stuldinn.
En svo kom draugalegasti kaflinn en það var lautin heim að bænum. Þar var ég hræddastur. Fékk alltaf verstu ónotin þar.
Einu sinni þegar ég var að labba þarna um þegar ég hrekk upp öskrandi við einhver helvítis læti og hoppa til, um minnst þrjá faðma með hjartað í rassgatinu. Þá sé ég þá hvar Símon lyggur í snjónum organdi á meðan hann baðar út öllum öngum. Dreng djöfullinn hafði séð mig koma og lagst í snjóinn og ég ekki tekið eftir honum, enda í þungum þönkum yfir draugapælingum. Hann svo byrjað að hamast og orga með fyrrgreindum afleiðingum. Mig langaði til að kirkja hann fyrir hrekkinn.
En þá eru enn ónefndar aðrar vættir sem mér stóð mikill stuggur af þegar ég var bara krakkaskítur og ný farinn að uppgötva helvítis draugana. Þá nefni ég ófetið hann Bibu og félaga hans Ka. Þeir biðu í ofæni norður undir húsveggnum heima og vonuðust eftir að ná í mig ef ég vogaði mér út fyrir hússins dyr eftir að kvölda tók. Eins biðu þeir líka undir glugganum á herberginu hans afa, vaktandi austurdyrnar á húsinu ef ég skyldi ætla að reyna að snúa á þá en það hefði ég aldrei þorað. Þeir voru samkvæmt minni ýmind afskræmdir og ógeðslegar verur ólíkar mönnum á allan hátt. Ruslakallinn var oft í slagtogi með þeim og hann var sama helvítis óhræsið og þeir.
Já verið aldrei seint á ferðinni. Myrkrið geymir oft verur á öðru tilverustigi en okkar og mest verur sem eru allt annað en guðsríkismatur.

Svindl

Enn og aftur eru afleiðingar kvótaskrattans að gera vart við sig. Sala á aðal atvinnu uppistöðu Flateyringa, Kambur, hefur gert um 120 manns sem starfa hjá fyrirtækinu, 65 í landvinnslu og um 55 við útgerð fimm báta, atvinnulaus.
Þetta sýnir bara hvað kvótakerfið, eins og það er í dag er ógeðslega óvægið og ömurlegt batterý. En að vera sjávarútvegsráðherra og leifa framsal á kvótanum og græða svo á tá og fintgri eins og Halldór Ásgrímsson gerði forðum er auðvitað ekkert slor. Skítt með landsbyggðina. Jæja, hann fer þá bara til helvítis.

Shit hvað þolið er ekki neitt hjá mér. Ég labbaði austur í sjoppu sem er um 1 km fjarlægð frá heimili mínu. Labbaði ég rösklega og var búinn í löppunum og kominn með kulverk niður kok þegar ég var kominn heim aftur. Maður er bara orðinn algjör silakeppur. Held að það sé sjómennskan sem er að fara svona með mann. Það er voða auðvelt að missa stjórn á þyngdinni og tapa þoli ef maður er á sjó. Annars reyni ég að passa mig hvað þyngdina varðar. Ég geri magaæfingar og armbeygjur. Lyfti ég líka lóðum. Held samt að óþolið og ístrusöfnunin hafi uppruna sinn að rekja þegar ég tók bílpróf. Áður notaði ég strætó og labbaði mikið á milli staða. Daglega þvældist maður um miðbæinn í Reykjavík þar sem maður vann og stundaði margan félagskapinn. Þá var mikið um labb. Þá gat ég líka hlaupið langar vegalengdir.
Þarf að laga þetta.

Já já, hlaupiði bara.

Þá er ég hér. Kominn á veiðar með hinum köllunum við Vestmannaeyjar. Erum að mokfiska hérna. Það hefur samt ekki komið nein hafmeyja ennþá. Ásgrímur á Hafralæk var nú búinn að biðja mig að finna fyrir sig eina. Hef haft það á bak við eyrað fyrir kallinn.

En það eru allir búnir að vera í góðum fílíng hérna. Búið er að plana það að áhöfnin fari í fótbolta og reipitog á móti öðrum skipsáhöfnum á sjómannadaginn. Svo fara allir út að borða um kvöldið. Það verður skrautlegt.

Jæja ég þarf að hætta þessu. Færið er að koma. Þarf að taka það.

Það held ég nú, á þessum ljómandi vordögum.

Jæja. Nú þykist ég aldeilis vera búinn að standa mig. Er ég búinn að vera með skipsfélögunum á endurmenntunarnámskeiði hjá slysavarnarskóla sjómanna. Í gær var farið í flotbúninga og hamast í höfninni í Kebblavík með þara og mannaskít fljótandi um allt í kringum okkur. Svo í dag var haldið bruna og reykköfunar námskeið. Notaðir voru nokkrir stríðsfangar úr Quantanamo fangelsinu til æfinga með eld á fólki.

Svo var ég að fá sent frá Tyrklandi, bol, hálsfesti og þrjú bindi. Ég ætla svo skarta þessu öllu með þeirri vitneskju um að allt þetta hafi verið framleitt í þrælavinnubúðum. Ég fíla það. Annars líkar mér vel að vera með bindi. Ég á ný jakkaföt sem ég keypti mér í U.S.A. og þá er bindi alveg nauðsinlegt að hafa með. Mér var líka sagt það um dagin að það færi mér vel að vera með bindi.

Svo ætla ég að reyna að klára Ofvitann eftir Þórberg. Er ég búinn að skemta mér mikið með bókina í kojuni. Er þess vegna að spá í að lesa fleiri bókmenntir eftir Þórberg.
Hvað finnst ykkur. Mælið þið með einhverju spes til að lesa. Ég er opinn fyrir öllu.

Já og þess ber að minnast að í dag eru 8 ár liðin síðan ég sagði skilið við áfengi og aðra vímugjafa. Nokkuð hress með það bara.

Bjánapólitík

Ég veit það ekki. En ef Sjálfstæðisflokkur myndar stjórn með Framsókn aftur, tel ég að kjósendur landsins hafi verið sviknir. Við töluðum okkar máli síðasta laugardag. Framsókn á ekki að vera í ríkisstjórn. Það er alveg klárt. Æi þetta eru svikarar allt saman. Framsóknarflokkurinn er bara allra síðasta sortin. Reyndar þá verð ég að lýsa hrifningu minni á kjósendum sjálfstæðisflokk, fyrir að strika út Árna Johnsen og Björn Bjarnason. Sést bara að fólk vill hvorki hafa þjófa né ófríða einstaklinga á þingi. Það er skiljanlegt.
Núna er Las Vegas í sjónvarpinu. Ég ætla að horfa á þáttinn og fara svo á rúntinn. Skrepp vanalega einhvern hring svona á kvöldin. Það róar taugarnar. Því þarf ég ævinlega að vera svona trekktur. Urrrrrr

Jæja Mikið Var

Þetta bloggerdrasl er búið að reita mig til reiði nokkuð mikið undanfarið. Tókst loksins að koma dótinu í lag. Vonandi að allt verið í lagi áfram.
Ég fór í dag og og kaus utankjörfundar. Fór einnig á nokkrar kosningaskrifstofur og reif kjaft. Náði ég tali af einni framsóknar lyddu og stakk ég öllu upp í hann sem hann reyndi að telja mér trú um og það sem hann hélt fram að væri flokknum að þakka. Lá við að hann færi að froðufella af bræði og á tímabili hélt ég að æðin framan á enninu á honum ætlaði að springa.
Annars lyggur vel á mér þessa dagana og stefni ég á að fara með konuna og barnið norður í land nokkra daga, seinnipartinn í mánuðinum. Ég hef svo verið að lesa Ofvitann eftir Þórberg. Er búinn að skemmta mér heilmikið við það.
Svo hef ég ákveðið að selja Honduna. Hef engann tíma í þetta lengur. Of mikið bras fyrir mig að gera þetta upp. Nenni þessu ekki. Meðfylgjandi er lítið keyrð vél og flott Lexusljós. Gerið verðtilboð. S: 8485408

Mídíó

Fór á leiguna í gær. Tók Borat og skemti mér konunglega. Tók gamla mynd líka með, Outside Ozona. Hún var alveg ágæt. Veit ekki hvað skal kalla hana, spennuhryllingsmynd kannski. Samt voða róleg mynd eitthvað. En núna eru Danni og Snúður komnir svo að ég verð að hella uppá kaffi núna. Bið að heilsa í bili.

Dvergarnir sjö

Jæja, Þá er ég hér. Ég stikaði niður á vídeóleigu í gær og tók þriðju Saw myndina. Held bara að ég gefi henni öll möguleg stig fyrir spennu og hrylling. Það er allavega sjaldgæft að kvikmyndaframleiðendur búi til góðar hrollvegkjur. Það hefur held ég ekki skeð síðan The Shining og Phsyco voru frlamleiddar og þá hef ég horft á margar hryllingsmyndir.
Svo dreymdi mig auðvitað illa í nótt af því að ég horfði á svo ljóta mynd. Mig dreymdi að ég væri með píku.

Myspace suck royal ass

Þar sem afi minn átti afmæli þennan dag 8. apríl langaði mig að setja á myspace nokkrar gamansögur sem hann hafði talað inn á segulband en myspace er bara svo mikið helvítis batterý að því verður ekki lýst með fögrum orðum. Það verður því að bíða betri tíma.

Skrapp til helvítis í dag



Þar sem Símon er umboðsmaður helvítis fékk hann heimboð þangað og fékk ég að renna með. Hitti ég Hitler, spjallaði töluvert lengi við hann og hann sagði mér nokkrar klámvísur. Eins og sést á myndinni fór vel á með okkur félögunum. Annars var drukkið kaffi í helvíti og leit ég við hjá Saddam þar sem hann er nýbúinn að kaupa sér nýuppgerða íbúð þar neðra, með bílskúr, suðursvölum og assgoti þægilegum nuddpott sem ég testaði hjá kallinum.
Sjá einnig heimsókn Símonar til helvítis.

Páskaegg

Já. Þá eru að koma páskar. Lét nú ekki verða að því að kaupa páskaegg. Át samt eitt úti á sjó um daginn. Íris gaf mér eitt stykki svona upp á fönnið að gera. Ætli maður stelist ekki bara í smá bita hjá stráknum. Hann fær slatta held ég. Annars hefur maður ekki gott af þessum skík. Endar allt með því að maður verður akfeitur af þessu sætinda áti. En hei ég hef ekki gleimt aðhaldinu. Sykur át hefut snarminnkað hjá mér. Það er ekki hægt að kutta alveg á sætingi. Þá eru bara meiri líkur á því að maður falli í stjórnlaust nammi át og aðhaldið bara farið í vaskinn. Það verða að vera nammidagar á þessu.
Svo vil ég láta þá sem ekki vita að síðan hans Símonar hefur fengið nýtt lén www.simonh.tk
Bezzzzzzzzz

Fór Norður

Ég tók svona 28 stunda reisu á norðurlandið. Þannig var að Brynjar bróðir hafði samband við mig og bað mig að skutla sér norður. Ég sló til, settist upp í drossíuna, náði í hann og keyrði af stað norður. Fórum heldur seint af stað, 18:00 og vorum komnir á Akureyri 23:00. En við soppuðum ekkert við þar og héldum ótrauðir áfram og var kominn með Brynjar í Velli á miðnætti. Þar voru allir gengnir til náða nema Todda. Hún var að vísu að bursta tönnina fyrir svefninn. Ég talaði aðeins við hana áður en ég kvaddi. Hélt ég svo áfram og var kominn í Hafralæk hálftíma seinna þar sem ég gisti. Ásgrímur var enn á fótum þegar ég kom og áttum við smá kaffispjall fyrir svefninn. Ég svaf reyndar mest lítið um nóttina. Vaknaði samt fyrir tíu um morguninn. Át brauð og djús. Kjaftaði líka heilan helling við Ásgrím og Elmu. Þau eru indæl. Svo dreif mig svo af stað í Lækjamót. Heilsaði upp á alla þar. Skoðaði nýja New Holland traktorinn hans Sigga og nýju rúlluvélina. Snilldar græjur báðar þessar vélar. Át ég svo laugardagsgrautinn með fólkinu og kjaftaði alveg heilt hlass af orðum við fólkið á bænum. Voða gaman allt saman. Svo dreif ég mig til Akureyrar. Fór til Gerðar og Helga og hitti líka Sólveigu. Að vanda kjaftaði ég mikið. Fór svo á síðasta staðinn til þeirra feðga Hannes og Sigga. Hitti dálítið af fólki sem var hjá þeim líka. Spjallaði svolítið við fólkið og keyrði svo heim. Hér er ég svo kominn.
Svo ráðlegg ég fólki að stinga ekki lakkrísröri beint oní nýopnaða TaB flösku á meðan það ekur bíl. Það er varasamt. Fékk að kynnast því þegar ég ók um Skagafjörð.

Þjóðfélags asnar

Það má með sanni segja að þegar menn eins og þessir hafa verið eða látið eins og asnar ættu þeir að líta í eigin bam. Þegar undirritað er svona bull um tilgangslausar reglur um stóriðju eða ekkert er kosið um þær. Ég held að svona stjórn geti með einu pennastriki hæt við allt svona skriffinsku kjaftæði og byrjað dæmið upp á nýtt. Sjáið t.d. innflutning á matvöru og þannig rusli. Verð á matvælum hefur lítið sem ekkert lækkað á meðan áskrift að sjónvarpsefni bara stendur í stað. Þá er varla hægt að kaupa sér kaffi, hvað þá. Reyndar þá held ég að ef skift verði um stjórn í næstu kosningum muni skattar hækka aftur. það er alveg segin saga að fíflin á vinstrivængnum geti ekki stjórnað einu eða neinu. Hvað þá að stjórna heilu landi. Ég veit ekkert hvað ég er að skrifa og það er lítið von til þess að þú skiljir þetta bull heldur. Þetta er bara rugl.

Ég hata net

Mér er það minnistætt þegar ég var á netum. Mitt fyrsta og eina skipti sem ég hef verið á netaveiðum. Ömurleg veiðafæri. Svo eru þau stórhættuleg helvítis netin. Margir hafa þvælst í þetta drasl og farið í sjóinn með því. Varð vitni að því þegar einn kallpungurinn þvældist með fótinn í færið og rétt náði að losa sig áður en færið fór út. Aðeins stígvelið fór niður með netunum. Þarna stóð maðurinn á annari löppinni eins og fífl. Búinn að tapa stígvelinu sínu.
Einu sinni munaði litlu að illa færi hjá mér. Ég og kokkurinn stóðum og vorum að leggja auk annars drengfávita sem átti að kasta færinu um leið og síðasta netið í trossunni fór út. Hann sleppti því og fór frekar að öskra eitthvað eins og helvítis arlam í vekjaraklukku og drógst því færið út í sjó og utan í mig og kokkinn. Náði ég að stökkva frá þessum ósköpum og þvæla hönkinni í hafið áður en illa færi. Munaði minnstu að ég dræpi arlam-gaurinn, fyrir heimskuna. Settumst við kokkurinn skjálfandi niður í borðsal og fengum okkur kaffi til hressingar. Skipstjórinn kom niður og spurði okkur rólega hvort að við værum eitthvað að pæla í sjálfsmorði. Ég svaraði honum með því að snúa eitthvað út úr. Skipstjórinn hristi bara hausinn og fór upp í brú. Já þetta er meira ruslið þessi net. Ég ætla aldrei aftur á net. Hata þau. Þá er nú línan eitthvað annað. Miklu þægilegra að vinna með hana heldur en netin. Veiðist miklu meira á línu, heldur en net. Allavegar eru flest línuskip og bátar að rótfiska þessa dagana, eins og menn hafa séð í fréttum undanfarið.

Ömurlegt

Sá ömurlegi atburður átti sér stað að einn ágætis kunningi minn. Strákur sem ég vann lengi með, tók líf sitt á dögunum. Ég sit hér og hugsa hvað þetta er eitthvað svo ömurlegt. Eitthvað svo vonlaust. Þetta skilur fólk eftir svo málalaust. Strákurinn var ekki í neinum óvenjulegum kringumstæðum. Ekkert rugl og eða neitt. Bara allt undir kontról. En samt endar þetta svona. Þetta er svo óskiljanlegt að ég ætla ekki að reyna að skilja það. Veit bara núna að góður drengur er farinn í gröfina sem er ömurlegt. Vona að hans bíði metra líf með þeim sem á undan eru gengnir. Vona að hann geti unnið sig úr vanda þeim sem hann gat ekki leyst hérna megin.
Hvíl í friði vinur minn.

Nú er það svart !



Eða kannski eitthvað annað en svart. Fór og fékk mér þetta í Hárblik í gær. Bara svona fljótfærnis og skyndiákvörðun hjá mér.
Er búinn að kaupa mér creatin og fitubrennslutöflur. Ætla að breyta á mér frontinum. Það er á mér smá bumba og spik og ef ég gríp inn í það strax gæti ég auðveldlega slétt úr þessu á nokkrum mánuðum. Losna við fituna og fá meiri magavöðva. Einfalt en það þarf að vinna að því.
Fer svo á sjóinn í dag.

Vei

Garðar Máni fann eitthvert helvítis blek. Steig í það og fór svo að labba um húsið sér til hressingar.
Þið getið bara rétt ímyndað ykkur............

Ztjörnurnar

Nú er einhver stífla. Klukkan korter yfir sjö og ég hef ekkert að segja. Eins og hvað hugur minn er oft frjór þegar ég er nývaknaður. Var að rína út um stofugluggann til að vita hvort Venus væri á morgunhimninum. Venus verður oft helvíti skær morgunstjarna svona um háveturinn. Ég skoðaði hana nokkru sinnum í stjörnukíki í den tíð. Skoðaði líka Júpíter, Mars og Satrúnus. Hei, það er flott að skoða tunglið í stjörnukíki. Gígarnir og allt draslið verður svo greinilegt. Já maður varð svo sannarlega stjörnuvitlaus af því að fá stjörnukíki í fermingargjöf, þarna um árið. Held að hann sé í lagi ennþá. Kannski að maður versli sér annan betri. En ég ætla amk að fá mér kókóföffs núna og koma syni mínum í leikskólann.
Bezzzzzzzzzz