Rétta slóðin

Hihihihi... Alltaf jafn skondið að sjá krakkaskíta á hverjum hól að tína ofskynjunarsveppi. Jæja fyndið og ekki fyndið. Það er auðvitað leiðinlegt að krakkagreyin séu að moða þessu í sig eins og beljur í fóðurbæti. Sjálfur hefði maður á unglingsárunum sjálfsagt legið í þessu rusli ef það hefði vaxið einhverstaðar í sveitinni fyrir norðan. En sem betur fer var nú bara brennivínið helst til staðar þá og minna aðgengi að sterkari efnunum en gengur og gerist í dag. Helvítis ruglið á manni þegar maður var til á þessum árum eða skyssurnar sem mann óraði ekki fyrir að myndu fylgja manni eftir enn þann daginn í dag. Rugl og þvæla ég nenni ekki að velta mér uppúr þessu tímabili þar sem ég var í því að menga í mér heilann. Ég hef fundið réttu slóðina og í henni er ekkert brennivín tóbak eða eitthvað andskotans þvottaduft. Þar vaxa heldur engir ofskynjunarsveppir.
-------------------------------
Það er auðvitað alltaf sami aulahátturinn á manni þegar kemur að mp3-bloggi en ég rakst á einhverja froðu að nafni Jan Bang. Ég ætla að posta hérna einu lagi með honum og ef mér skjátlast ekki þá er þetta lag endalagið úr kvikmyndinni Foxtrot sem var frumsýnd árið 1988.

Jan Bang - Frozen Feelings

Skíta bræla

Þetta er voðalega upplífgandi veður. Hauga helvítis bræla. Ég mátti heita heppinn að kastast ekki úr kojunni í nótt. Það var svo agalega mikill veltingur.

...vísaðu mér á sveppamó

Hann er gáfulegur þessi. Maður er nú búinn að rekast á nokkra hérna í sveppatínslu í Breiðholtinu, enda eru haustin tími sveppatrippana. Það er nú alveg hellingur af þessum ofskynjunarsveppum út um allar umferðareyjur og götukanta ef maður gáir vel. Á unglingsárum var ég nú alltaf helvíti skúffaður yfir því þegar ég bjó fyrir norðan að sveppir sem þessir yxu hvergi þarna í sveitinni. Þeir fengust ekki einu sinni á umferðareyjum á Húsavík eða Akureyri. Drullu fúlt fannst mér. Sem betur fer segi ég auðvitað í dag.

Furður og fyrirbæri

Jæja. Þá er bezt að einhverfast hérna með þetta blogg sem enginn nennir að lesa. Draugagangur er hlutur sem mér þykir skemmtilegt að stúdera. Þó að ég sé ekki skyggn að neinu viti þá kom það nú fyrir fyrr á þessu ári að allar slíkar gáfur skrúfuðust í botn þegar ég ætlaði að figta við slíkt fyrir alvöru og þá komst ég að því að jarðbindni á best við mig þó að það sé í lagi að skoða og stúdera spíritisma að vissu marki þá þarf ég mín takmörk í þessu enda kominn af mjög jarðbundnu fólki og fékk mjög jarðbundið uppeldi. Aldrei minnst á lífið fyrir handan, álfabyggðir eða mögulegt huldufólk í grennd við bæinn þar sem ég bjó þó að nægur væri nú efniviðurinn til þess þarna heima. Ýmislegt gerðist nú dularfullt þarna eins og óróinn í herberginu sem fór á fullt span upp úr þurru og svipir og skuggar dýra sem ég sá. Þetta voru móment sem mig langaði dálítið til að hafa skarpari skyggnigáfur en ég hef til að sjá og heyra betur inn í það sem ég var að sjá. En maður fær víst ekki meira en gefið er í þessum efnum. Þó er hægt að virkja þessar gáfur að einhverju leiti og þarf mis mikið til hjá hverjum einstaklingi fyrir sig. Einn maður sem ég þekki fékk að heyra það hjá frægum miðli hér í bæ að hann þyrfti lítið til þess að virkja alveg þrælmagnaða hæfileika í þessum efnum og er hann að spá í að koma þessum forritum í gang í hausnum á sér. Það fer nú í vitleysu, ég er viss um það.

Panic At The Disco-Northern Downpour

Veikindavæl

Ég er með svínaflensuna og er því að láta mér leiðast hérna heimavið. Spurning hvort maður ætti að gramsa eitthvað í dvd kassanum. Það er nú svo allt morandi af allskonar bíóræmum þar oní. Mér er allavegana illt allstaðar í skrokknum og með enga lyst á mat. Einhverjum hefði þótt snilld að fá sér í haus við þessar kringumstæður. Ég þekki einn fyrrverandi sprautufíkil og alltaf þegar hann fann að einhver andskotans pest var að yfirbuga hann þá fékk hann sér bara góðan morfínskammt í æð og þarmeð var pestin úr sögunni. Djöfulsins ástand.

Sem dæmi

Þar sem ég ræddi um í síðustu færslu að sjómenn öskri hver á annann þegar leikar standa hátt þá hefði ég auðvitað átt að asnast til þess að skrá hér niður eitt minnisstætt öskur atriði þegar ég var eitt sinn á netum. Þannig var að stýrimaðurinn sem við skulum bara kalla Baldvin stóð við borðstokkinn og hakaði í allan fisk sem kom utan á netunum en hinumegin á dekkinu stóð bara... Jónas og var í því að leggja netin niður. Jónasi þótti víst Baldvin draga netin full hratt og hafði því ekki undan að leggja niður netin svoleiðis að hann kallaði:
Jónas:Baldvin, lækkaðu aðeins við dráttinn.
Baldvin:(Lítur við til Jónasar en segir ekkert og heldur áfram að draga á sama hraða)
Jónas:BALDVÍN(Jónas orðinn pirraður)
Baldvin:HVAÐ(Frekar pirraður)
Jónas:LÆKKAÐU VIÐ ÞETTA MAÐUR
Baldvin:REYNDU BARA AÐ HREYFA ÞIG ÞARNA DRENG DJÖ....
Jónas:DRULLASTU TIL AÐ MINNKA HELVÍTIS HRAÐANN.....
Baldvin/Jónas:%")ÖsKuR!=#()% oRG $&("#)="!= gARG =*&2"#
Og það besta við þetta var að Baldvin jók bara við hraðann á draslinu og Jónas vann hraðar af því að hann var svo reiður og æstur og þá vorum við bara komnir fyrr í land og allir ánægðir.

Helvítis garg

Ég veit ekkert hvað málið er með að sjómenn öskri mikið. Jú sennilega er það álagið sem fylgir þessu og þó það er oft helvítis álag á þessu hérna er nú ekki svo mikið um öskur. Ekki á þessu skipi. Skipstjórinn öskrar yfirleitt aldrei en stýrimaðurinn á það til að láta heyra í sér en það er nú ekki svo oft. Það eru þó helzt þeir geðstirðustu sem orga á dekkinu. Oft er það uppsafnaður pirringur og möguleg fúlska gagnvart þeim sem orgað er á. Jú jú ég á það til að vera mað garg eins og aðrir þá er það oft ef það gengur virkilega illa og einhver er að kítast í mér á meðan. Einu sinni var ég á öðrum bát þar sem álgagið var orðið helvíti mikið og þar var einhver drengdjöfull sem var sí rífandi kjaft og ekki nóg með að hann væri gagnslaus heldur var hann verri en gagnslaus. Þá sá ég mér leik á borði og orgaði nokkuð vel valin orð á meðan ég barði hressilega í slægingarborðið og þetta krakkafífl hundskaðist þá til að reyna að vinna sig upp í að vera bara gagnslaus. Annars er það hérna að þegar vel fiskast af góðum fiski og álagið eitthvað meira en gengur og gerist þá eru menn bara kátir. Við fáum nú aura fyrir það sem fiskast. Það er nú það.

Það er að skella á bræluskítur

Þá er maður kominn á frívakt. Það er því bezt að hripa eitthvað saman hérna áður en ég fer í kojuna. Æi andskotans, frá því að ég skrifaði"Það er því bezt að hripa eitthvað saman hérna áður en ég fer í kojuna" hefur liðið korter og mér ekkert dottið í hug að skrifa. Heilanum dettur bara ekki djaggsitt neitt í hug. Sennilega er ég bara og sifjaður. Ég djöflaðist í tvo tíma úti í regninu við að haka í allan fiskinn sem kom upp með línunni en það eru svosem engin stórátök fyrir vanan manninn. Bezt að dratthalast bara í kojuna og lesa smá fyrir svefninn. Svo hefst morgunvaktin klukkan hálf sjö. En þangað til næst þá skelli ég einum mp3 fæl hér neðan við.

House Of 1000 Corpses - Everybody Scream

Blessaður karlinn

Nei nei ég er ekki dauður úr öllum æðum enn. Bara alltaf á sjónum og er lítið að pæla í öðru en vinnuni þegar ég er þar. Nema kannski núna þegar búið er að setja upp netsamband í bátinn. Loksins. Já loksins verður hægt að vera á netinu inní setustofueða inni á messa, vafrandi um netið. En hvað um það. Nú er hann Helgi Hóeseasson dáinn og það verður skrítið að sjá hann ekki framar með skiltin sín á Langholtsveginum. En hann setti sannarlega skemmtilegan svip á bæinn eða ölluheldur Langholtsveginn. Jú einstaka sinnum sá ég hann bregða fyrir í mjódd en þar sá ég hann í fyrsta skipti. "Neih hvað höfum við hér", hugsaði ég þá. Svo var einhver sem sagði mér svo hver þetta væri. "Nú var það skyrmaðurinn",sagði ég þegar ég var sestur upp í strætó. Ég tók eitt sinn mynd af honum þegar ég var á röltinu á Langholtsveginum en spurði þó áður hvort honum væri ekki sama þó að ég smellti af honum einni mynd. "Jú jú, mér hefur alltaf þótt ágætt að vera myndarlegur". Ótrúlegt helvíti að það sé virkilega svona erfitt að fá eigin skýrnarsáttmála ógildan. Ég meina eru ekki sáttmálar á borð við giftingar ekki ógildar oft á ári og jafn vel oft á dag. Þetta er bara rugl og aulaháttur af þeim sem stjórna og valdnýðsla gagnvart fólki.

Það bætist meira við

Fékk þetta eftir langa mæðu inn um bréfalúguna um daginn. alltaf gaman þegar það bætist í safnið. Annars þýðir lítið að standa í því að kaupa NBA myndir af ebay þessa dagana á meðan dollaraskömmin er svona há. En ég lét til leiðast um daginn þegar ég pantaði þetta.

TrixTrixTirxTrixTrix

Fyrrir löngu síðan stofnaði einn framtakssamur náungi síðu á facebook þar sem fólk getur sameinað krafta sína og heimtað að Trix morgunkornið sem eitt sinn var á íslenskum matvælamarkaði, verði aftur leyfð endrukoma í íslenskar búðarhillur. Þegar bann var sett á vöruna vegna litarefna þá var ég lítill krakkaskítur en ég man samt að mér þótti þetta gott og reyni ætíð að krækja mér í pakka ef ég er staddur í einhverju landi þar sem Trixið góða er til sölu. Síðuna má finna hér.

Svaðalegt

Í nótt dreymdi mig ljótan draum. Ég var staddur inni hjá fjölskyldu sem bjó í einbýlishúsi í Grafarvoginum og ástæðan fyrir því að ég var staddur þar var sú að heimilisfaðirinn ætlaði að myrða fjölskyluna en ég hafði einhvernveginn komist að þessum áformum og sá mér ekki annan leik færan en að reyna að vernda fólkið. Ég lét eins og ég væri venjulegur gestur þarna og svipaðist um í húsinu. Í einu herbergjanna lá fjórtán ára sonur þeirra hjóna sofandi í öllum fötunum í rúminu og lá oná sænginni.
Stofan var búin nýlegum Ikeahúsgögnum og þar sat yngri sonurinn, tíu ára fyrir framan sjónvarpið og spilaði í playstation tölvu. Nú og hjónin voru svo að bardúsa eitthvað í einu herbergjanna, setja saman skáp eða eitthvað og ég stóð og var eitthvað að tala við þau á meðan. Svo stendur heimilisfaðirinn upp frá verkum sínum, fer inn í eldhús og sækir haglabyssuna og gerir sig líklegan til að skjóta mig en ég rauk þá inn í forstofuna stekk í skóna og út en karlinn á eftir mér. Svo er hann á eftir mér að reyna að freta á mig á meðan ég reyni að flýja og fela mig á milli húsa en reyni um leið að gera fólki viðvart og einhverjar konur sem voru að chilla í einum garðinum þarna stukku til og hringdu á lögguna og létu vita af þessum brjálæðing.
Þegar ég svo hafði náð að hrista helvítis manninn af mér, stóð ég í felum á bak við hálfbyggt hús þarna í hverfinu en þar kemur yngri sonur mannsins að mér.
Strákur: Því er þetta svona? Afhverju þarf ég að vera eins og hann.
Ég: Þú getur ekki verið að kenna sjálfum þér um hvað aðrir gera og þú hefur nákvæmlega ekkert með það að gera hvernig pabbi þinn hagar sér.
Svo hélt flóttinn áfram og þegar ég vaknai hafði lögreglan ekki látið sjá sig og maðurinn gekk enn lausum hala í grafarvogi með haglabyssu í hönd, tilbúinn að skjóta af mér smettið ef hann næði til mín.

Jamm og jæja

Maður var bara að tussast þetta á lappir um tvöleitið í dag. Helvítis kæruleysi. Við fórum nú nokkur í nótt og úðuðum í okkur menninguna. Það var byrjað á Ráðhúsinu þar sem Mánar og fleiri voru að hamast á hljóðfærunum sínum og á meðan skotið var upp flugeldum var stikað upp að Smiðjustíg til að taka hús á Grand Rokk. Maður hefur sjaldan orðið eins endurnærður eftir aðra eins skemmtun segi ég nú. Ég hafði nú einhverntímann heyrt um þessa hjómsveit Palindrome sem sté fyrst á svið. En mér þóttu þeir fínir enda er söngvaranum þetta í blóð borið. Indælt var svo að heyra í Megasukkinu það sem þeir fóru mest með klúra og skemmtilega söngva. My favorite,Fræbbblarnir, var alveg hápunturinn. Það er alltaf einhver djöfulegur fílingur sem maður kemst í þegar maður heyrir í þeim. Já, paunk-púkinn fer alveg gersamlega af stað í hausnum á mér þegar ég heyri minnst á þetta band.
----------------------------------
Ég hef nú tekið eftir því að það er bara nokkuð góð ofskynjunarsveppaspretta í ár. Bara á blettinum hérna framan við blokkina er alveg hrúgu uppskera. Aldrei prufaði ég sveppina þegar maður var í vitleysunni hér í eina tíð. Aulaháttur. Kannki að maður heiti sjálfum sér því að prufa sveppina ef maður skyldi einhvern tímann detta í það í framtíðinni. Nei maður á ekki að bulla um svona hluti. Það er ekki ábyrg edrúmennska að gera það. Það er nú svo. Jæja það er bezt að fara og hella upp á kaffi og taka fram rúgbrauðið og kindakæfuna.

hókíhókípókí

Skrítið að sjá gamla druslubílaportið í Vöku svona galtómt. Staður sem alltaf hefur verið stútfullur af bílhræum í áratugi er orðin að eyðimörk. Spurning um að malbika staðinn og yfirbyggja hann og reka þarna stóran skemmtistað. Nei það er bull. Tóm vitleysa.
Í nótt dreymdi mig að ég væri á stangli í kring um Búlandstind en búið var að koma fyrir sterkum ljóskösturum við rætur fjallsins til að lýsa það upp. Svo fór ég inn í eitthvert hús þarna hjá fjallinu þar sem var partí en þar dönsuðu allir gestirnir hókíhókípóki á stofugólfinu við undirspil harmonikkufélags suður-Þingeyinga. Síðan kom Louis Amstrong og spilaði á trompettinn á og allir hlustuðu hugfangnir.
------------------------------------------------
Enn og aftur álpaðist ég út í búð og keypti mér cd á hundraðkall. Þetta er nú bara einhver reggífroða. Eins og hvað ég þoli reggí illa þá gat ég samt alveg hlustað á þessa skífu og dillað mér. En það stóð nú ekki lengi. Ég held að þetta rusl eigi eftir að fjúka í arininn áður en langt um líður. Held það bara.

Finley Quaye - Broadcast


Finley Quaye - Feeling Blue


Finley Quaye - Burning

Mannaskítur

Alveg á ég ekki til orð. Ég lagði mig í dag og fór þá að dreyma ýmislegt rugl. Meðal annars tróð ég einhverra hluta vegna einhverju verkfæri sem var í laginu eins og draslið á myndinni, upp í rassgatið á mér. Tróð þessu nokkuð langt inn og lét ég þetta tiltekna áhald vera þarna í dálítinn tíma og þegar ég svo tók það út var það auðvitað útatað í mannaskít. En að dreyma mannaskít táknar auðvitað bara að peningar séu væntanlegir inn á reikninginn minn. Best að fara í sjoppuna á eftir og kaupa pylsu svala og lottómiða.

Ég hlusta á Portishead þessa dagana. Er nokkuð ánægður það bara.

Portishead - The Rip

Dúllidú

Senn fer nú þessu ágæta sumarfríi að ljúka og við tekur gráminn og þunglyndið á sjónum. Hef svo sem ekkert til að úfúðast yfir þannig lagað. Allt er ágætt. Það er einhver skollans draugamynd í sjónvarpinu. Svona þessi típíska vella um fjölskyldu sem flytur í hús og bla bla bla, sama kreddan og draugurinn fer að andskotast alveg znælduvitlaus í húsinu og gerir krakkana í húsinu hrædda og gerir bara allt vitlaust þarna. Tómt rugl. Reyndar þegar ég var tólffjórtán ára sá ég á rúvinu draugamynd frá Svíðþjóð sem gerist í gömlu húsi á Malmö. Ég man lítið eftir einstaka smáatriðum nema hvað að póstkallinn var alltaf að éta banana. En allavega þá sást draugurinn í endanum á myndinni en hann minnti mig frekar á snjókall heldur en draug. Ekkert krípí, bara bull.
-------------------------------
Og svo vil ég vekja atygli á Pedro Pilatus sem er á MySpace og er eitthvað að vesenast í músík. Þetta er svona jahhh eitthvað bara svona eitthvað sem ég nenni ekkert að lýsa neitt. Bara fínnt sko. Ég hef eiginlega alltaf fílað svona. Ég veit svei mér ekki hvað ég á að kalla það en þegar hljóðfæraslætti og tölvumúsík er blandað saman nema bara mixeitthvað. Andskotinn ég er farinn að bulla í hringi. Hlustiði á þetta. Það er eitthvað þjösnast á rafmagnsgítar í þessu lagi þarna að neðan.

Pedro Pilatus - Stella

Rassums

Líkt og í fyrra þá fór ég og leit á hommana, lessurnar og transarana á gaypride í dag. Bara sama mambóið og í fyrra fullt af alveg þveröfugu liði að sýna sig á laugaveginum. Svo var dreift smokkum í mann og annan þarna og svo var þarna einhver kona sem kastaði geisladiskum út um allt. Furðulegt lið. En allavega þá hreppti ég þrjá smokka og eitt eintak af þessum geisladisk sem er víst eitthvað Jacobsen, summer remix, vol 2 og er mix frá Hunk Of a Man. Sennilega er hann hommi eða eitthvað fyrst hann var að láta grýta þessu fyrir sig þarna á gaypride út um allt. En ég held þá að það sé í lagi að ég mpþríi einu af hans lögum hér að neðan.

Hunk of a man - Track2

jjæaklenffiddddididisakkksssjjjdio

Ágætis veður í dag. Ég skrapp á rúntinn í morgun og þvældist á bílnum niðrá granda, suðrí Hafnarfjörð og svo í miðbæinn og heim. Djöfull held ég nú að Austurvöllurinn lúkki vel sem aftökusvæði ef landráðamenn gætu verið dauðadæmdir. Hafa gálgann svona norðan við myndastyttuna og svo fólkið í kring að fylgjast með. Jafnvel að hafa hann dálítið háan svo að hægt sé að fylgjast með út um gluggann á Kaffi París og sötra Latte á meðan í rólegheitunum. Kannski væri ágætt að hafa bara múrvegg og stilla landráðamönnunum upp við hann.(HLAÐIÐ/SKJÓTIÐ)Ég meina á Serbíu Rússlandi, Þýskalandi, Frakklandi og Spáni varðar það við dauðarefsingar að fremja landráð. Því ekki á íslandi.
-------------------------------
Núna áðan verslaði ég mér þennan disk. Hálf leiðinlegt en lét mig nú hafa það að hlusta á hann í bílnum þegar ég rúntaði um borgina. David Holmes er svona lala bara eða hvað finnst ykkur? Ég viddiggi.

David Holmes - No Man's Land


David Holmes - Inspired By The Leyburn


David Holmes - Coming Home To The Sun

Ég veit það ekki

Mitt helsta þrekvirki í dag var að gera við vatnskassann. Kítta leir í gatið sem harnar svo eitthvað og æi ég nenni ekki að þusa um eitthvað svona lítilræði. Ég vil bara að ríkisstjórnin felli helvítis Ice_Save svo að ég geti keypt mér nýjan vatnskassa á betri prís en mér hefur boðist til þessa. Þetta lið þarna niðurfrá er greinilega ekkert að standa sig. Tjahh ég segi nú það sem enginn hefði þorað að segja. Ég held að Davíð Oddsson myndi ekkert annað en fella þetta rugl ef hann væri forsætisráðherra daginn í dag. Já ég segi bara svona það sem ég hugsa hverju sinni. það getur þá velverið að fólk haldi að ég sé hálfviti. Það verður þá bara að hafa það. Ég held þetta bara. Hef aldrei nokkurntímann haldið að eitthvert vinstripakk gæti haldið á spöðunum og rétt upp heilt þjóðfélag úr svona skít. Svo er nú það.

Svo var farið í þrívíddarsónar í dag og sonur minn sem enn kúrir í bumbunni á mömmu sinni skoðaður. Allt leit vel út.

Þráðbeint til helvítis

Æi ég nennekki að pirra mig á þessu. Þetta lið getur legið í sandinum á Hawaii og runkað sér til blóðs mín vegna. Pakkið fer þá hvort sem er til helvítis þegar það drepst.

Pirrpirr

Þetta fer í pirrurnar á mér að fólk geti bara sett heilt land á hausinn en samt verið að leika sér og haft það gott einhverstaðar í útlöndum og lifað og leikið sér í vellystingum. Slíkt pirrar mig mikið þar sem ég þarf að strita heiðarlega fyrir mínum eigin aurum í kulda og skammdegi. Maður vonar að hægt verið að koma höndum yfir bæði mennina sem settu okkur á hausinn og peningana sem þeir hafa undir höndum svo að þeir geti ekki leikið sér eftir að hafa afplánað dómana, ef þeir verða þá nokkurntímann dæmdir.

Þögul er hlíðin

Hananú. Eina ferðina enn er ég kominn heim úr veiðiferð með öngulinn í eistanu. Það gengur bara betur næst. Ég horfði á Valkyre í gær og þótti hún góð. Annars leiðast mér þessar seinnastríðs myndir sem fjalla um þjóðverja og eru með þýskum persónum en talið er enskt. annars held ég að það sé enginn vandi að fá myndina keypta talsetta á þýsku. Þetta er að vísu ekkert stórmál það er bara skemmtilegra að heyra dojtsarana tala dojts en ekki eithvað annað tungumál eins og schindler's list sem er jú mjög góð mynd að öllu leiti bla bla bla og nú er ég farinn að þvaðra eitthvað sem skiptir engu máli. Hér að neðan er svona smá calypsoslagari. Þig getið dillað ykkur við þetta á filliríi um helgina ef þið nennið. Ég er farinn upp í bústað.


Trinidad & Tobago - Calypso Medley

Iss

Jæja! Þetta er svona. Ég fór að Reynisvatni í kvöld og reyndi að veiða eitthvað. Fékk ekkert en varð hellings var. Reyndar varð ég svo var að ég steig nærri því á silunginn þegar ég óð út í vatnið. En þegar maður er með ipodinn í eyrunum úti í náttúrunni að reyna að veiða fisk þá skiptir aflinn ekki alltaf öllu máli. Hef lítið að segja nema hvað að ég er með annað augað á teiknimynd þar sem skepnurnar á bænum tala mannamál og panta sér pizzu. Mjög athyglisvert. Skyldu kýrnar og kindurnar gera þetta þegar við hvorki heyrum né sjáum til?

Svo er nú það

Núna er klukkan orðin meira en 23:15 og enginn jarðskjálfti mættur á svæðið. BOOOOOOOOOOOOOOOOOOOOOOOORING

Naumindis

Það er naumast að maður mætir löggubílum á leiðinni að norðan. Þessir andskotar segjast með auknu eftirliti vera að stuðla að auknu umferðaröryggi. Umferðaröryggi minn rass. Þeir eru að reyna að sekta fólk sem mest til að það komi meiri aur í ríkiskassann og í þeirra eigin starfsmannasjóð. Ég hef nú heyrt um það að þeir séu að hirða þetta eitthvað sjálfir þegar menn borga sektina á staðnum. Og þess vegna borga ég aldrei á staðnum.
---------------------------------
Mjög gott. Ég keypti mér þennan tónleikadisk með Cream nú á dögunum. Er nokkuð sáttur bara.

Cream - White Room


Cream - Sunshine Of Your Love


Cream - Born Under a Bad Sign

Bjánaháttur

Þetta er nú alveg... Ég fór nú og ætlaði að taka benzín á Fosshóli enda alveg að verða benzínlaus en atburðarrásir og tilviljanir urðu til þess að ég var ekki með pening á kortinu mínu akkúrat það augnablik en á Fosshóli er bara korta sjálfsali. Það var þó bót í máli að það er hægt að kaupa ákveðið innkort inná benzínstöðinni til að nota í sjálfsalann ef maður er bara með kass. En til þess að geta keypt innkort, þarf að borga það með korti. Fífl.

Augun út


Lesandi var ég bók í gær sem heitir Sálmurinn um blómið. Sú skrudda er eftir Þórberg Þórðarson. Í einum kaflanum er Þórbergur að segja litlu manneskjunni frá manni sem dó þegar hann var á leiðinni úr veislu og spurði litlu manneskjuna síðan hvort það væri betra að deyja þegar maður væri að koma í veislu eða fara úr veislu. Telpan vissi það auðvitað ekki og þá spurði hann hvort betra væri að deyja þegar maður er að fara að éta nammi eða þegar maður er búinn að éta það og krakkinn svaraði um hæl að það væri betra að drepast þegar maður er búinn að éta nammið(Eða ullabjakk eins og karlstaurinn kallaði nú blessað nammið).
Ég er auðvitað sammála þessu. Ég meina ég myndi miklu frekar drepast úr hjartaáfalli þegar ég er búinn að ríða heldur en að drepast úr hjartaáfalli í greddukastinu á undan ríðingunum. Það liggur nú í augum úti eins og maðurinn sagði.

Hhhhhhhhhhhhhhhhhhh......

Draugagangur eina ferðina enn. Kona nokkur sem ég þekki er óhóflega skyggn og í morgun vaknaði hún við fólk í húsinu sínu. Mikill fyrirgangur þarna og mikið talað, hrópað og gengið um. En þegar hún brölti fram úr bælinu og gekk fram var þar auðvitað engin lifandi maður og allt var þagnað um leið og hún opnaði herbergisdyrnar. Kona þessi hefur séð kaffikönnu og bolla í undirskál svífandi í lausu lofti og um leið helltist auðvitað kaffi úr könnuni í bollann. Ég væri til í að sjá svoleiðis.
Pældíðí, þetta er fyrsta sumarið í mörg ár þar sem ég hef ekki þurft að fá yfirdrátt í bankanum né og er ekki einu sinni blankur. Þetta er öfugsnúið miðað við að það er kreppa og ég er að gera meira í ár en síðustu sumarfrí. Skrítið en satt og alls ekki leiðinlegt. Og þá er bezt að græja veiðidótið fyrir morgundaginn.
----------------------
Keypti ég ekki þennan fína disk á hundraðkall um daginn. Ekki svo galin tónlist á þessari skífu.


Del Amitri - Not Where It's at


Del Amitri - Mother Nature's Writing

On Fire

Ljóta mambóið að kveikja svona í Valhöll. Ég kom þarna eitt sinn í teiti og þótti staðurinn mjög fínn. En talandi um Þingvelli þá er hugsanlegt að maður skreppi þangað að veiða í vatninu á næstu dögum. Ég ætlaði nú að skreppa á veiðar í Elliðavatni um daginn en þá kom einhver leiðinda kallugla og heimtaði að ég verzlaði af sér veiðileifi þegar uppgötvaðist að Veiðikortið sem fæst keypt á benzínstöðvum N1 gildir ekki í Elliðavatni. Ég hélt nú ekki og spólaði bölvandi og ragnandi af stað í áttina að Vífilstaðavatni sem er glatað veiðivatn og það eina sem veiðist þar er gróður og slý.
------------------------------
Ég nældi mér á sínum tíma í eintak af plötunni I’m a Bird Now með Anthony & The Johnsons. Þessi snillingur getur brætt hjarta hvers manns og fengið hörðustu togarajaxla til að vökna um augun. Hér er lag sem mér finnst mjög gott að hlusta á af og til. Textinn er einfaldur en snilld. Þetta er eitthvað svo innilegt.

Anthony & The Johnsons - fistful of love

Hjúds

Þetta er svona. Stundum hefur maður ekkert að segja og þá er alveg eins gott að skrifa bara eitthvað um draugagang eða eitthvað álíka vitlaust. Betra heldur en ekki neitt. Við mamma stútuðum þessu geitungabúi í garðinum hennar í gærkveldi. Drápum líka flesta íbúana og kveiktum varðeld í garðinum með geitungabúið sem aðalefnivið. Þeir geitungar sem sluppu verða því bara heimskulegar geldflugur sem verða öllum til ama og leiðinda allt sumarið og fram á haustið.

Múhúhúhaha

Já helvítis draugarnir. Það er merkilegt eins og hvað þetta lið er nú mikið í kring um mann að maður verið ekki meira var við þá. Það er nú svoleiðis að í húsi einu hjér í bæ hafa búið nokkrar fjölskyldur í gegn um nokkra áratugi og í öllum tilfellum hafa heimilisfeðurnir látist heimafyrir hver á sinn hátt. Einn fékk hjartaáfall, annar datt niður stigann, hinn féll af þakinu þegar hann var að mála þar uppá og svo sá fjórði var nú kominn vel á sjötugsaldurinn en vaknaði víst steindauður í rúminu sínu einn morguninn. Skrítið eða ekki því að húsið var reist á álagabletti. Tilviljun eða álög? Það veit enginn.

-----------------------------------------------------

Tónlistin að þessu sinni er hundraðkrónuforvitnin. Ég keypti mér þennan disk á hundraðkall í verzlun einni hér í borg til að forvitnast um efni hans. Ég hitti svosem sæmilega á góðan því að mér líkar ágætlega músík sem þessi. Jájá það er vel hægt að kinka kollinum í takt við lögin hans Joe Tex. gjörið svo vel.


Joe Tex - Buying a Book


Joe Tex - S.Y.S.L.J.F.M (The Letter Song)


Joe Tex - A Sweet Woman Like You

Já hver þremillinn!

Sumir pæla voða mikið í draugagang. Mér þykir allt slíkt voða skemmtilegt og spennandi. Ég hef líka lent í ýmsu tengt draugagangi og ætlaði líka einu sinni að ganga dálítið langt við að fikta við slíkt en komst að því að það er best að láta svoleiðis fikt í friði ef maður kann ekkert á það. Einn ónefndur var að segja mér frá því að fyrir skemmstu var hann á gangi á svolítið afskekktum stað og veit ekki fyrr en einhver af öðrum heimi stendur fyrir aftan sig. Hárin risu víst svoleiðis á hnakkanum á honum að hann gat fryst ýsuflak oná skallanum á sér.

Alveg tómur

Ég veit nú ekki almennilega hvað ég á að segja. Maður situr bara hérna á rassgatinu og gerir ekki neitt. Þetta er algjör afslöppun. Einhver myndi segja að maður væri með fingurinn á kafi í rassgatinu en það er ég nú ekki.
Ér er samt abúinn að leggja drög að annarri smásögu.

Namminamminamm

Heitur pottur grillmatur og afslöppun í sumarbústað. Aðallega heitur pottur samt. Svo í gær krifaði ég smásögu.

Абу ль-Аля аль-Мааррі розумі

Laddi, Stefán Karl og eitthvað fleira pakk er að leika í kvikmynd í blokkinni minni. Þetta lið er búið að vera valsandi hér inn og út allan daginn. Óþolandi.
Ég fór á rúntinn núna síðdegis sá engan sem ég þekki. Leit við í verzlun er hefur dc og dvd til sölu en ég keypti mér ekki neitt. Fjandans aulaháttur að gera það ekki.
Mér var gefin bók í dag og er að hugsa um að lesa hana núna ef ég er þá ekki búinn að tína henni eins og öllu öðru hérna í þessu blessaða koti.
----------------------------------------------------------
Svo eru það blessuð lögin. Hér hef ég eitthvað dót frá Albaníu. Ekki það að mér finnist það eitthvað skemmtilegt. Ég er bara að reyna að vera alþjóðlegur hérna. Reyndar þá hefur balkanskaginn alltaf heillað mig. Ég set stefnuna á að skreppa þangað einhvern tímann á næstu árum.

Dj Teko - Feat DuLi


Shpat Kasapi - Sa e bukur