Páskarnir hafa verið með eindæmum indælir. Reyndar komst ég ekki norður eins og ég ætlaði mér, nema hálfa leiðina. Bíttar engu. Ég fer þá bara norður í næsta fríi.
Ég er nú búinn að sitja og horfa á þætti með SpongeBob SquarePants og er maður búinn að öskra úr hlátri yfir þessu. Meira ruglið.
Uhh... well. Núna eru svo akkúrat 2 mánuðir í Flórídaferðina. Alltaf gott að koma til Ameríku. Það er gott land. Þar getur maður fengið amerískar pancakes með smjöri og sírópi í morgunmat á veitingarhúsum. Uppáhaldið mitt. Hér getiði svo séð hvernim menn búa til pancakes.

YESSS...... Dylan kemur á klakann. Frábært.

Jeiii Bob Dylan ætlar að þenja raddböndin fyrir Íslendinga í Egilshöll þann 26.maí næstkomandi og það er æðislegt þar sem ég verð í útlöndum akkúrat á þeim tíma. Innilega er það ALVEG típíst að ég missi af þessu. Reyndar ætlar Dolly Parton að vera með tónleika þegar ég verð í Orlando. Er að spá í að skella á það dæmi mér til sárabótar. En miðað við velgengni mína við að komast á tónleika síðustu árin þá tel ég meiri líkur á að Dollý fái loftstein í hausinn og drepst áður en ég næ á tónleika með henni. Vona að hún hafi háa líftryggingu.

Kalksteinar

Það er bara eitthvað að á Íslandi í dag. Eða bara hnettinum öllum. Gengið er farið meira og minna til helvítis allstaðar. Heimskautin eru að bráðna. Forsetar heimsveldana eru andsetnir. Það stefnir í heimskreppu og arabar eru znældubrjálaðir út af dönsku listaverki. Allt skíðlogar í tómum erjum og vitleysu. Já ég skal bara lemja ykkur þarna.

Ævisaga

Ég las nokkuð merkilega ævisögu þegar ég var held ég 14 ára (furðulegt krakkarassgat að lesa ævisögur) er bar heitið Þá Læt Ég Slag Standa. En hún var um mann sem lengst af starfaði sem kokkur á hótelum og fiskiskipum en reyndi og gerði allan andskotan um ævina. Hét sá Loftur einarsson en hann lést úr krabba sama ár og bókin kom út (1982) En ég varð svo heppinn að þegar ég var á stangli í Kolaportinu einn kaldan laugardag, rakst ég á þessa bók og keypti hana um hæl. En smellið endilega á myndina hér að neðan til að sjá leiðara bókarinnar.

Rólegheit

Er að lesa Sönn Íslensk Sakamál þessa dagana. Bókarskrudda sem gefin var út fyrir eitthvað um 12 15 árum síðan. Hef samt verið helvíti latur að lesa síðustu misseri. Ég horfði á Syndir Feðrana á dögunum og hrikalegt hvernig farið var með kallagreyin í æsku. Mér varð það á að flissa dálítið þegar einn mannana sagði frá því þegar strákarnir ætluðu að drepa forstöðumanninn með heykvíslunum en sá sem fór fremstur í flokki guggnaði eitthvað og beygði af leið framhjá kallinum svo að ekkert varð úr því að þeir stútuðu honum. Því miður.
Í kvöld ætla ég svo að hræra eitthvað í dvd diskunum hérna á bænum og horfa á ræmu eða tvær. En fyrst ætla ég að setjast á skálina og hleypa brúnum. Svo er bezt að líta eitthvað í blöðin.

Sjálfstæði Kosovo er bullsjitt

Nei nei nei núna er alþjóðasamfélagið alveg á villigötum. Hefur enginn velt fyrir sér hugsjónum Serba í þessu máli. Því vaða þessar sameinuðuþjóðir og mannréttindahommar um allt og standa með sjálfstæði Kosovo. Ég yrði nú helvíti skúffaður ef slatti af grænlendingum settust að á Þingvöllum byggðu þar þorp og bæi og heimtuðu svo bara sjálfstætt ríki og fengju með frekjunni alþjóðasamfélagið í lið með sér til að slá dæmið í gegn. Ég þekki sögu þessa hérðas nokkuð vel en tíunda hana ekki hér en ég tek hér Þingvelli svona sem dæmi því að Kosovohéraðið er álíka mikið hjarta Serbíu og Þingvellir er hjarta Íslands. Ég held að menn ættu nú aðeins að líta í kring um sig áður en menn fara að öskra Kosovo-Albönum framgang. Jahh ég er ekki hissa að Serbar séu reiðir.

Absúrt

Alveg eru menn nú hálvitar. En það er nú önnur saga. Eitthvað hefur verið í brennidepli síðustu dagana og eru leikar í borgarstjórn eitthvað farnir að hægjast á. Vilhjálmur ætlar að hugsa málið. Ókei. Annnþór sleppur úr grjótinu niðri á stöð. Opið gæsluvarðhaldi er um að kenna. Hvað er opið gæsluvarðhald ? Nú held ég að menn séu nú orðinir alveg....... Búið að banna loðnuveiðar. Hef enga skoðun á því þó að ég sé sjóari. Stunda eingöngu veiðar á Ýsu, Þorski og öðrum bolfiski og auðvitað bölva ég kvótaskerðinguna í sand og drullu. Ég þarf að láta skoða mig eitthvað. Ég á við svefnvandamál að stríða og ég er með tennisolnboga.

Og eitt kíló samarín

Ég er alveg að verða brjálaður, það er ekki hlustandi á þessar helvítis fréttir fyrir þessu andskotans REI máli. Hver laug uppá hvern og hver sagði hvað, hver átti hvaða miða heima hjá hverjum, ég hata þetta. Ipodinn reddar öllu hérna úti á dekki. Við erum núna á veiðum úti á Húnaflóa og erum að mokfiska hérna. Ég ákvað samt að skila af mér smá hérna á bloggið. Ég er búin að vera ferlega asnalegur þennan túr. Í gær ældi ég og í dag er ég með drullu. Svo ætla ég að fá mér samarín við brjóstsviðanum. Djöfull er ógeðslegt þegar maður ropar magasýrunni uppí munn - oj bara.

Einu sinni þegar við á sjónum vorum búnir að leggja línuna í sjóinn var eins og gert er stiglt í hinn enda línunnar sem bundin er í bauju. Það getur tekið frá 5 mín. upp í marga klukkutíma og tók umrætt tilfelli hálftíma. Þá tylltum við okkur félagarnir niður í stakkageymsluni og fengum okkur kaffi og té.
Þeir Ármann og Ingólfur tóku sig svo til við að segja brandara. Ég hripaði barndarasyrpunni saman og skellti henni í eina myndasögu. Hér er hún.

í garðinum

Ælupestin leikur lausum hala þessa dagana. En hvað um það. Kompás er að ryfja upp Byrgis málið á Stöð2 í þessum skrifuðu orðum. Dónalegasta mál. Það verður ekki annað sagt. Skrítið hvað fjármálaóreiða getur viðgengist á þennan hátt. Alveg dæmalaust að ekki skuli vera haft eftirlit með þeim stofnunum sem ríkisfjárveitingar renna til. Jæja lífið er skrítið. Fólk er fífl og ráðamenn þjóðarinar skitu á sig með loforð um að hjálpa þessu liði sem lenti illa í þessu. Þeim er nær að vera hálfvitar. Pæið í því. Guðmundur gróf bókhald Byrgissins niður í garðinum hjá sér. Þvílíkt fífl. Ég hefði brennt það. Maðurinn er alveg hálfviti.
Jæja ég held að ég skreppi á rúntinn núna. Fari Laugarveginn einu sinni eða tvisvar.

Nýr bíll á hlaðið





Lexus Is 200 sport
Árg 2001
Sjálfsk
155 hö
2000 vél

Rekkaskil

Ég er alveg að verða brjálaður. Það var slitin úr mér jaxl í dag og ég er að drepast úr sársauka. Þarf að úða í mig verkjatöflum. Svo var löguð illa unnin fylling sem sett var í aðra tönn hjá mér forðum. En það verk var unnið af ónefndum tannlækni við Skjálfandaflóa. En nú er þá búið að laga það núna. En það er samt mesta furða hvað allt er heillegt þarna uppí hausnum á mér. En samt. Það voru komnir svo miklir tannsteins hamrar í tennurnar að til þess að rífa tannsteininn í burtu þurfti umhverfismat.

Drullan drýpur af enni fram

Djöfull er ég orðin leiður á að heyra fréttir að slagsmálum innan framsóknar. Flokkurinn er búinn að skíta upp á hnakka og alveg fram á enni. Annars var nýr borgarstjóri knrýndur í henni Reykjavík í gær og æi ég veit það ekki. Ég veit ekkert hverjir eru í samstarfi með sjálfsæðismönnum í þessu. Er ekki með á nótum þessarar þvælu. Allavega þá myndi ég ekki vilja vinna þarna. Endalaus slagsmál og grenjur í kringum þetta helvítis mambó. Held að þessu pakki væri nær að gera eitthvað heldur en að standa í þessu endalausa karpi. Jú Jú á meðan ég sat og moðaði í mig sviðum í gær heyrði ég nýja borgarstjórann þylja upp loforðalistann inn úr stofunni. Svona dæmigert helvíti sem aldrei er efnt. ALDREI. Mér væri svo skapi næst að ganga í framsókn rétt fyrir næstu kosningar, versla mér alveg böns af rándýrum sparifatnaði á kostnað flokksins, setja hann þannig á hausinn og stinga svo af.
En nú ætla ég að fá mér hafragraut og súrt slátur.

Nú er þrettándinn búinn og enn ein jólin runnin sitt skeið. Á morgun fer ég á sjóinn og þá er gráminn endanlega tekinn við.

ojjoj

Voða er þetta eitthvað þreitt. Ég er með ritstíflu. Ég get ekkert skrifað og ekki bloggað eða neitt. algjörlega í verkfalli. Ehhh..... Ég er ánægður með sigur West Ham á Manchester United um daginn. Það verðuru gaman að sjá West Ham taka Liverpool ósmurt í þarminn eftir nokkra daga. Æi ég nenni ekki að þvæla þetta um fótbolta. Tjahh hef nú aldrei verið neitt sérlega ræðinn á fótbolta hér á bloggi en West Ham er mitt lið.
Í nótt dreymdi mig að ég væri að veiða við brúnna heima í Reykjadal. (mig er alltaf að dreyma eitthvað í sambandi við ánna heima) Svo fór ég að hjálpa Glúm frænda að mjólka kýrnar en síðan hleypti ég þeim út eftir mjaltirnar. Þá vildi nú ekki betur til en svo að lömbin höfðu öll þvælst inn í súgþurrkunar stokkana og ég og Veiga frænka máttum brasa við það heillengi að ná helvítis lömbunum út. Þá leystist þetta upp í óljóst bull tengt Múmínálfum smá stund og allt í einu var ég kominn í gamlan togara (sem var í ánni að sjálfsögðu) en þar fóru fram pyndingar á fólki og allskonar tilraunir (að hætti Josef Mengile) og svo vaknaði ég upp í andfælum við það að skipið væri að sökkva og ég væri fastur inní lokuðu rými einhverstaðar í skipinu. Um daginn dreymdi mig að ég væri byrjaður að vinna aftur í Laugafiski.
Djöfull er ég sick

Nú er komið gamlárskvöld

Ég veit svei mér ekki hvað segja skal um líðandi ár. Vinna sofa éta skíta vinna sofa éta skíta vinna sofa éta skíta. Reyndar átti ég ágætis sumarfrí og í nokkur skifti fór ég norður í land sem var yndislegt. Auðvitað fannst mér líka yndislegt að fylgjast með syni mínum vaxa, dafna og taka framförum. Jólin á ár hafa líka verið fín.
En næsta ár, já. Fer kannski til útlanda um vorið. Stefnan er líka sú að fara nokkur skifti norður í land og svo ætla ég að klára það sem ég er að skrifa. Það klárast snemma á árinu. Eitthvað verður þvælst í ferðalög og sumarbústaði í sumar. Það verður mikið grillað. Haustið kemur svo vonandi með atvinnubreytingar mikið myrkur og kulda. Annars vona ég að ég vinni í lottóinu í ár. Væri það ekki bara fínt. Lottóvinningur á nýju ári. Nei ég asnast aldrei til að kaupa miða. Ég ætti kannski að asnast til að kaupa mér númer í HHÍ. Nei iss maður vinnur aldrei í því helvíti. Svo hættir maður með miðann og þá fyrst kemur vinningur. Ég þekki samt konu sem nýlega vann milljón. Hún átti það líka skilið. Búin að streða öll sín ár í barneignum, basli og sult. Ég er ekki svo ömurlegur að fyllast gremju og öfund þó að aðrir vinni eitthvað eða verður fyrir happi í lífinu. Jú ég var einu sinni þannig en fyrir tilstillan 12spora prógrammsins hef ég náð að hrista af mér svona tilfinningum. Ég þekki svo fjölmarga sem haga sér svona. Sérstaklega er einn sem stendur mér dálítið nálægt (ekki of samt). Alveg verður hann grænn af gremju og öfund ef einhver sem hann þekkir verður fyrir happi eða velgengni. Mér leiðist sossum ekkert að sjá þannig fólk. Skemmti mér bara við það ef eitthvað er. Maðurinn er hálviti. Jæja er ekki best að skunda út með flugeldana og byrja að freta ruslinu upp. Gleðilegt ár.

Prjónar frá kína

Andskotinn. Ég ætlaði nú að fara að skjóta upp eitthvað af flugeldunum sem ég keypti í dag en veðrið er bara svo ömurlegt að ég nenni því ekki. Iss ég skýt þessu bara upp á gamlárskvöld eins og hefð er fyrir. Annars er skemmtilegast að freta öllu upp þegar mestu lætin eru búin. Ekkert er nú brennivínið sem ég drekk þannig að það er hægt að dunda sér við þetta í rólegheitunum. Nóg á ég nú af þessu drasli sem gæti dugað fram á morgun. En núna ætla ég að prufa að éta núður með prjónum sem foreldrar mínir keyptu í kína. Aldrei notað slík áhöld. Ég vænti einskis af prikunum.

Here I come to save the day

Þá er klukkan orðin 00:30 og jáhh, það er kominn aðfangadagur og kötturinn minn getur ekki séð jólatréð í friði.
Við erum búin að klára allt jólagjafastandið, þrífa og skreyta við skötuhjúin. Svo át ég líka Skötu með mömmu og pabba í kvöld og bjargaði reyndar húsinu þeirra frá stórbruna í leiðinni. Notaði 2l kókflösku með því að frussa gosinu yfir bálið sem var komið á stofuborðið (sjá aðferð í Deuce Bigalow). Sót og reykur um allt og aumingja mamma þurfti að endurjólahreinsa stofuna og pabbi þurfti að redda nýju stofuborði. Svo í þessum töluðu orðum var ég að stíflulosa klósettið hjá teingdó. Tók drjúgastund sem og mikið bölv og ragn en allt hafðist þó að lokum við að losa stífluna. Ég er alheims reddari.
Þá vil ég bara óska ykkur öllum lesendum, vinum, kunningjum og fjölskyldu, vinnufélögum og aðdáendum, góðra jóla og hamingu á komandi ári. Þið megið svo bara bjalla ef kviknar í húsinu ykkar, klósettið síflast, kötturinn situr fastur í trénu, bíllinn ykkar bilar eða bara við hvaða vandamál sem er. Ég kem um hæl fljúgandi í skikkju og bjarga öllu.

Er hann orðinn bálkvass þarna úti

Núna er hánótt og ég hef ekki enn drullað mér í háttinn. Ég skrapp á Select áðan og ætlaði að kaupa mér pylsu sem og ég gerði. En þar var nú eitthvað ógeðslegt viðrini, pissfullt með tómt debetkortið að heimta að fá skrifað. Meira fíflið. Meira hvað hann var ógeðslega leiðinlegur þessi speni. Ég hefði nú bara hent honum ranghverfum út þessum gæja, hefði ég verið að vinna við afgreiðsluna þarna. Ég var nú reyndar pizzusendill hér í gamla daga og þurfti að fara með pizzu sem gleimst hafði að baka og var því orðin alltof alltof sein og lenti það ss á mér að fara með hana. Viðtakandi pizzunar, einhver geðstirður manndjöfull jós þarna yfir mig skömmum á meðan hann hrifsaði af mér pizzuna og kókið. Þá bauð ég honum rausnarlega pizzuinneign. Nei nei hann sagðist bara ætla að hætta að versla við þetta HELVÍTIS fyrirtæki. Mér rann þá illa í skap og bað hann blessaðan að vera ekkert að panta hjá okkur framar. Þá myndi ég sleppa við að horfa framan í hann oftar. Svo rauk ég bara í burtu.

Haki, melspíra, kúluhnífur og uppstokkari

Þá fara senn jólin að koma. Ég er kominn í jólafrí. Allt er frábært.